Jon Meng solian ti Jises tataiai Jon 18:20 - Seimat

²⁰ Jises kak pahoi i ukek, “Lawe nga kak hehei ti taxingi seilon. Nga hahanau laha leili *synagog ma leili Ingi Haeu, tetesol ti teka Ju apuha hehetekie. Nga kum kak mumuneni tenen na waliko.

Jon Meng solian ti Jises tataiai Jon 18:20 ပူးပေါင်းရင်းမြစ်များ

Matiu 24:26

“Na laha hone amuto, ‘Paxaiwa, Krais io, he lohong,’ amuto kum nanahiwa. Tin masin na laha hone amuto, ‘Krais ie, leili tehu ing,’ kum sohosoh.

Matiu 26:55

Jises hone teka seilon, “Amuto nahih hetekiema paumuto ti hile waxiak hanowi ka nga seilon lengean. Lawe ngain nga to hahanau teka seilon leili *Ingi Haeu tuahe amuto tai pohi nga lokon ien.

Matiu 26:65

Ti Kaiapas hongoa, i leng lexi tehu puxuaun ape i ukek, “Kako kum ngah ulea seilon suluian. Amuto hongoen i ukek i tel Nati Haeu.

Matiu 4:23

Jises nahih hani tesol tesol ti Galili hahanau teka seilon leili *synagog, ing ti apuhai teka *Ju. I kakaxi meng solian ti Haeu neini seilon ape i aile hasolia teka hina nax tenen tenen.

Matiu 9:35

Jises nahih kakalini taon ma toan tewau tewau. I hanau teka seilon leili *synagog. I kaxi meng solian ti Haeu neini seilon ma i aile haewia seilon ti hina nax tenen tenen.

Mak Meng solian ti Jises tataiai Mak 8:32

I kaxi haxewa hawane haniwa lato ape Pita waxi tahaini Jises hani kapin ape kahiloloi i nake i kum ukek waliko ien i sohot hani Jises.

Luk Meng solian ti Jises tataiai Luk 21:37

Tesol ngain ien Jises nahih hani Ingi Haeu hanaui teka seilon ngain hatehu. Ape lawe ipong i matih he tehu Maunt Oliv.

Luk Meng solian ti Jises tataiai Luk 4:15

I hanau teka seilon sale Haeu leili *synagog, ing ti apuhai teka *Ju, ape kilan seilon amuke i.

Jon Meng solian ti Jises tataiai Jon 18:21

Ape nake lahan o kamei nga ukek ien? Kameiwa teka laha hongoen kakaiak. Liai laha tioi waliko ti nga kakaxi.”

Jon Meng solian ti Jises tataiai Jon 6:59

Jises hahanau teka seilon leili tehu *synagog ti tehu taon Kapenaum ti i kakaxi tesol kakain ien.

Jon Meng solian ti Jises tataiai Jon 7:14

Patalal ti taun ti nameniai lokon teka matahaun ti teka Ju he lohong, Jises nahih hani Ingi Haeu ape i hutui hanau teka seilon.

Jon Meng solian ti Jises tataiai Jon 7:26

Paxaiwa! I leili teka seilon, i hanau ulelea laha tuahe tap tel hakume i. Sohin laha paxai tioi ka i Krais.

Jon Meng solian ti Jises tataiai Jon 7:28

Aile ape ti Jises hahanau tutuen teka seilon mate Ingi Haeu, i kak eliel hani laha, “Amuto sokok amuto tioi nga ma tetesol ti nga ahuma. Tuahe kumahe nga luama ti puki namilok, tel liai taloma nga. I se tel Haeu salan tuahe amuto kum tioi i.

Jon Meng solian ti Jises tataiai Jon 7:4

Na paham lawe seilon tioi o, kum mumuneni puasam. Na o pon ailei waliko tenen lalap ti kui pohem, aile kolawa lehe lawe seilon sameni o.”

Jon Meng solian ti Jises tataiai Jon 8:2

Uli letu ti ngain liai telao Jises nahih alia hani *Ingi Haeu. Kilan seilon apuha kalini i. Jises to hani itan ape i hutui hanau laha.

Jon Meng solian ti Jises tataiai Jon 8:26

Pate tutuen kakaiak salemuto ape kilai lialui woumuto i pon na nga sului amuto. Tuahe nga kakane teka seilon ti tehu pon ie mewenae waliko ti nga hong ti tel i taloma nga, tetel i salan wanen.”

Aposel 26:26

Ape tel masiwi Agripa i tioi aluini hawane waliko ti nga kakak. Nga kak matut hani i nake nga soh ka hatesol waliko nga kakaxi koukean tetan. Waliko ien kumahe ti lehe i muna.”