Jon Meng solian ti Jises tataiai Jon 16:33 - Seimat

³³ Nga kakane amuto waliko ie lehe namilomuto ma tiamuto i ewi hawane ti amuto pakata xox kapik. Ti tehu pon ie amuto tunahi kilan kawatan tuahe tu xoxoa. Nga waxainiwen pohe Satan ma lawe waliko lialun.”

Jon Meng solian ti Jises tataiai Jon 16:33 ပူးပေါင်းရင်းမြစ်များ

Matiu 9:2

Teka seilon kau hani i tel seilon tupuan maten engeeng he sau. Ti Jises ningahiwa xoxoi namilolaha, i hone tel tinun, “Tu xoxoa tel natuk! Nga oxoxi o ti kawatan ti lialui woum.”

Luk Meng solian ti Jises tataiai Luk 19:38

Laha tilol ukek, “Kako sameniwa ma amukewa tel kahi nati *David, tel i nahih hehetekiema poh ma solian ti Haeu! Kako sameniwa Haeu tel pohen tapein, tel i hatona hasolia tiakako.” (Ps 118:25-26, 148:1)

Luk Meng solian ti Jises tataiai Luk 2:14

“Haeu, tel tonan patul wanen, i pate tuah ma pate solian! I aile hasolia wasolakaha hani i ma wasole teka seilon i amumuke!”

Jon Meng solian ti Jises tataiai Jon 12:31

Aope ie teka seilon ti tehu pon ie laha tu ti sulusulu nake ti lialui woulaha. Tuahe taun ape i tahiawen ti nga waxaini xaxaweni *Satan tel i neini hahalialu laha.

Jon Meng solian ti Jises tataiai Jon 14:1

Jises kakane tesol kahikahin, “Kum aile hahakawata namilomuto ti tuahe tenen na waliko. Namilomuto kewa xoxoan ti Haeu ma nga.

Jon Meng solian ti Jises tataiai Jon 14:27

“Kum hahakawata tiamuto ti tenen na waliko ma kum maamata. Nga tel hapaui namilomuto ma tiamuto. Ti nga aile ukek, namilomuto ma tiamuto heh hawane, kumahe masin ti seilon aile hahani amuto.

Jon Meng solian ti Jises tataiai Jon 16:11

Holi Spirit kola ka Haeu hoi i namiloiwen ukek ka i axi kawatan hani *Satan tel neini halialui seilon ma hani teteka ti ailei saun lialun.

Aposel 14:22

Lalu kakane hakui teka kahikahi Jises ape hone lato akeni kongini tatalei namil xoxoan ti Jises. Lalu ukek, “Kako tunahi kilan kawatan imat ti kako to kapi Haeu tel neiniakako lian tehue.”

Aposel 23:11

Ipong tehu ien *Jises tel Masiwi take hani kapi Pol ape i ukek, “Kum maamata! Masin ti o kaxi sasawateni nga leili Jerusalem, tin kaxi ahutiwa *meng solian tetak leili *Rom.”

Aposel 27:22

Tuahe amuto tu xoxoa pake tap tel ti amuto mat, mewenae tea waian manan.

Aposel 27:25

Aile ape tu xoxoa! Nga soh hawane ka Haeu aile usi waliko ti i kakawen.

Aposel 9:31

Tataen ien teka kahikahi Jises ti Judia, Galili ma *Samaria lato tunahi tonain solian nake tap seilon aile hahalialu lato. Haeu hakui lato ape Holi Spirit aile hasolia hawane lato. Teka kahikahi Jises laha kila ti laha aile usi lawe waliko ti Jises hanauen laha.

2 Korin 1:3

Kako sameniwa Haeu tel Tame Jises Krais tel Masiwi ti kako. I tetel lawe i tahane ma hakui kako ti na kawatan tunahi kako nake i waheni hawane kako masin tel taman tenen pate solian.

2 Korin 13:11

Teka akikik ti Krais, nga tili kakaiak ukek. Lawe amuto amuamua ma he sekusekua. Hongoa nauna tetak ape hasoliawa woumuto. Namilomuto kewa tenenawe ma he wawahen hawanewa wasolamuto. Na amuto aile ukek ien, Haeu lawe kapimuto ti hualiamuto. I tetel i hatona hahasolia tiai seilon ma kola hahawane saun ti wawahen.

2 Korin 2:14

Kemulik haniwa Haeu, tetel lawe i neini huali kako ti xoiniai hatesol kawatan ma lawe waliko lialun nake kako pakata xoxox kapi Jises Krais. Haeu hapuasa kako ti sawateniai meng tenen ti i kakak sale Jises Krais. Ti kako aile tenen puasain ien, se masin ka poi tenen waliko pate solian i tah hani tesol tesol.

2 Korin 4:7

Meng solian tetan se waliko tenen pate tuah a amite teka kaxian masin waliko tenen wakiakin, na i put i manan. Lehe ti tenen ien seilon paxai tioi ka pupuasamite kumahe ti puki kuimite, amite ailele ti pohe Haeu.

2 Korin 6:4

Ti lawe waliko amite aile, i kola ka salan amite unaui Haeu. Tap tenen waliko lialun po noheheni amite ti ailei puase Haeu. Amite kau lulungei kawatan tenen tenen. Waliko tenen masin. Kewi seilon lawe laha aile halialu amite. Kewi taun lialun lawe i hasihikuku halialu namilomite.

2 Korin 7:4

Aile ape nga kak matut uke kapimuto. Nga amuke hahawane amuto. Amuto hakuiwen nga ape kalak taun lialun tutunahi amite, nga mewenae xuhai amuam.

Galasia 1:4

Jises mat ti ukei kahi saun lialun ti kako lehe i awai kako ti saun ma namil lialun ti seilon ti aope ie. I onoteni hawane namili tel Tamakako Haeu.

Galasia 6:14

Tuahe ti puki nga, nga kum sameni tenen na waliko, mewenae ti Jises Krais tel Masiwi mat he kros ti ukei totonakako. Nake ti tenen ien, nga aile lioiwen saun tenen teka laha kum soh ti Krais ailele. Aile ape laha kum namiloi waxi waliko ti nga ukek pate tuah.

Pilipai 4:7

Na amuto aile ukek ien, Haeu hatona hasolia tiamuto. Ien se tuah wanen, soliaian seilon kum pon namiloi usian. Na masin kawatan tunahi amuto, i hakui namilomuto ma tiamuto nake amuto seilon ti Jises Krais.

Kolosi 1:20

Krais tetel Haeu hapuasa hasawiai lawe waliko hani i, hatesol waliko ti patul ma itan ie. Ti Krais mat he *kros i hasawi hatesol waliko ien.

1 Tesalonika 3:4

Ti amite tutuen kapimuto, amite kaxi haniwen amuto ka kako tunahi tenen kawatan ien. Amuto tioi hawane ka hoi i sohot.

1 Tesalonika 3:7

Tesol akikimite ti Krais, kalak teka seilon axi amite kawatan ma moloan, xoxoi namilomuto ti Krais i hakui namilomite.

2 Tesalonika 3:16

Nga kamei tel Masiwi Jises tetel i aile hasolia tiakaha, lehe lawe i aile haewia leilomuto ti sale haewian tenen tenen. Tel Masiwi Jises kapimuto hatesol.

2 Timoti 3:12

Kumahe mewenae nga kau kawatan tenen ien. Tel tel na pahan i aile usi saun ti Jises Krais, laha axi i kawatan.

Hibru 11:25

Aile ape i namiloi ka pamu ewian na i kau kawatan kapi teka seilon ti Haeu. Kumahe pahan tuahe hamuamui tupuan i ahuma ti ailei saun lialun. Tenen amuam ien tuahe ti teik taun kukunun.

Hibru 7:2

Abraham hani i tehu ti huopanim ti hatesol waliko i waxi ti i waxainiwa hilehile. Melkisedek, salangawe axan se “tel masiwi pate sawisawin.” Tin i ukek, “tel masiwi ti hatona hasoliai seilon” nake salangawe tenen ax Salem se masin, “hatona hasoliai seilon.”

1 Pita 5:9

Haxoxoa namilomuto ti Haeu lehe waxi amuto pon pahoiai Satan. Nameniwa, kumahe mewenae amuto, teka akikimuto ti Krais tesol tesol tin laha kau kawatan nake laha seilon ti Haeu.

1 Jon 2:13

Nga tatai ti nauamuto teka wawan matutu ma salaimat, teteka amuto tioiwen Jises Krais, tetel i hoi imat ti lawe waliko Haeu tanomi. Tin nga tatai ti nauamuto teka wawan uluha, teteka amuto tahi waxainiwen nenein ti *Satan.

1 Jon 4:4

Tuahe amuto, teka soliai natuk, amuto seilon ti Haeu. Amuto tahi waxainiwen kakai teka woinakon kuluiai kakai Haeu nake Holi Spirit tel kapitiamuto i pamu masiwian ti *Satan tel kapiti halialui seilon ti tehu pon ie.

1 Jon 5:4

Lawe nati Haeu laha pon xoiniai waliko lialun tenen tenen ti tehu pon ie nake namilolaha xoxoan ti Jises Krais.

Hahatakei Haeu 12:11

Lato waxaini Satan nake *Jises Krais mat ukei kawatan ti lialui woulato. Tin lato waxaini i ti lato kaxi ahuhuti kakai Haeu. Ape lato kum nomuhini matealato ti kolai xoxoi namilolato ti Jises Krais.

Hahatakei Haeu 3:21

“Teka laha waxaini saliniai totohong ma saun lialun, nga hani laha to kapik ti neiniai seilon masin ti nga waxainiwen ape nga kapi Haeu tel Tamak neiniai seilon.

Hahatakei Haeu 7:14

Nga pahoi ukek, “Tel masiwi, nga kum tioi, puki o tioi.” Ape i kakane nga, “Teteka seilon ie laha waxainiwen kaui kawatan lalap. Puxuaulaha papaxaxun nake ti matei tok sipsip uluha i nuhi hauniwen laha ti lialui woulaha.