Jon Meng solian ti Jises tataiai Jon 15:24 - Seimat

²⁴ Na nga tai aile waliko tenen lalap ti pohe Haeu, tap tel pon tienialaha ti lialui woulaha. Tuahe kalak laha ningahiwen, laha watakai ati amili tel Tamak.

Jon Meng solian ti Jises tataiai Jon 15:24 ပူးပေါင်းရင်းမြစ်များ

Matiu 11:5

Teka pulaxa, laha nahih hanima kapik ape laha paxapax, teka laha kum nanahih ape laha nahih uke, teka hina nax lialun he tinulaha, laha ewi, teka taxingalaha sutu ape laha hong uke kakain. Teka maten laha moih alia ape teka pahalaha wanen Haeu neini ma ngahati laha, laha hongohong meng solian ti Haeu.

Matiu 21:32

Ti Jon Baptis kola hahani amuto aweisal sawisawin, amuto kum soh kakaian. Tuahe teka waxiai moni ma teka hehin ailei saun lialun, laha soh. Kalak amuto ningahi laha hong usi kakaian, amuto kum towiahu ti lialui woumuto hani Haeu ma amuto kum soh tetan.”

Matiu 9:33

Tuahe tataen Jises xaxaweniwa spirit lialun ape tel seilon kakak. Hatesol seilon laha ongake hawane. Laha kak ausini, “Amite tai papaxai waliko tetenen ti *Israel hatexux!”

Mak Meng solian ti Jises tataiai Mak 2:12

Ti puli lawe seilon i xahat, i waxi enepan ape i nahih. Laha paxai ongake hawane ape laha ukek, “Amite tai niningah waliko tetenen i sohot ukek!” Ape laha kak kemulik hani Haeu.

Luk Meng solian ti Jises tataiai Luk 24:19

I kamea, “Waliko la?” Lalu pahoi ukek, “Waliko ti i sohot hani Jises ti Nasaret, tel kuluiai kakai Haeu. Haeu hapohea i ape kilan seilon sameni pohe kakaian ma puasan.

Jon Meng solian ti Jises tataiai Jon 10:32

Tuahe Jises ukek, “Tel Tamak Haeu hapohea nga ailei kilan waliko solian ti hualiai seilon. Tenen ia ti tesol waliko ien i talesi amuto lehe pahamuto telei nga?”

Jon Meng solian ti Jises tataiai Jon 10:37

Na masin kumahe nga ailele puase tel Tamak Haeu, kum hong sohosoh nga.

Jon Meng solian ti Jises tataiai Jon 12:10

Aile ape teka masiwi tuah ti hukuminiai Haeu ma seilon aile teik namil ti telei hetekieai Lasarus.

Jon Meng solian ti Jises tataiai Jon 12:45

Tel i paxaiwen nga, i paxai hetekiewen tel i taloma nga.

Jon Meng solian ti Jises tataiai Jon 14:9

Jises pahoi Pilip, “Nga to kue hawanewen kapimuto. Ala o tioiwen nga. Tel ti i paxaiwen nga, i ningahiwen tel Tamak. Aile ape alahan o ukek nga kola haniwa amuto tel Tamak?

Jon Meng solian ti Jises tataiai Jon 15:21

Laha aile halialu amuto nake amuto kahikahik a laha kum tioi tetel i taloma nga.

Jon Meng solian ti Jises tataiai Jon 15:22

Na masin nga tai kakane laha waliko tenen salan sale Haeu, tap tel tieni laha ti lialui woulaha. Tuahe laha hongoen kakaiak ape laha tioi hawane ti laha aile saun lialun.

Jon Meng solian ti Jises tataiai Jon 15:23

Teka laha watakai nga, tin laha watakai tel Tamak.

Jon Meng solian ti Jises tataiai Jon 16:9

Holi Spirit kola hani teka seilon ka laha ailele saun lialun nake laha kum soh tetak.

Jon Meng solian ti Jises tataiai Jon 3:2

Ipong tehu i nahih hani kapi Jises ape i ukek, “Tel masiwi, amite tioi ka Haeu taloma o hanaui seilon. Tap tel seilon pon ailei kolakol lalap ti lawe o ailele, mewenae na i hina pohe Haeu.”

Jon Meng solian ti Jises tataiai Jon 5:36

Tuahe pupuasak ti Haeu hani nga aile hatapoan, ien pamu i haxewa ka tel Tamak Haeu taloma nga.

Jon Meng solian ti Jises tataiai Jon 6:36

Tuahe amuto tap namil xoxoan tetak kalak amuto ningahiwen waliko tenen lalap nga ailewen.

Jon Meng solian ti Jises tataiai Jon 7:31

Tuahe kilan seilon soh tetan ape laha ukek, “I aile hahakila waliko tenen lalap ti kui pohen. I se Krais nake soliai puasan masin ti Krais.”

Jon Meng solian ti Jises tataiai Jon 9:32

Kemuk tap wanen tel hahaewiawen puli tel na seilon i takahama hoi pulaxa.

Jon Meng solian ti Jises tataiai Jon 9:41

Jises pahoi laha ukek, “Na masin amuto pulaxa wanen, tap tel i tieniwen amuto. Tuahe nake amuto sokok amuto xewawen ti lawe waliko salan sale Haeu, amuto puluti aliliake amuto ape lialui saun ti amuto tutuen.”

Aposel 10:38

Amuto tioi Haeu hani Jises Holi Spirit ma poh. I nahih hani tesol tesol ailei puasain solian ma haewiai teka seilon *spirit lialun kapiti hahalialu nake Haeu kapin.

Aposel 2:22

“Hongoa amuto tesol *Israel! Jises tetel ti Nasaret i aile waliko lalap tenen tenen ti pohe Haeu. I kola ka Haeu taloma i. Puki amuto tioiwen ma ningahiwen nake i sohotuen wasolamuto.

Rom Teik pasi Pol hani teka kahikahi Jises Krais ti Rom 1:30

Teka laha kakak tehiti seilon, laha watakai Haeu, laha paxai teheni seilon liai, laha itini laha ma weli hanasanas. Laha aneso hawane namiloiai aweisal ti ailei saun lialun ma tin laha tahi kakain ti tamalaha ma tinalaha.

2 Timoti 3:4

Seilon tetenen laha hangaini lohulaha hani seilon liai aile halialu, laha kum nam matainimu ape laha tua aile lalolal lawe waliko ma laha namiloi ka mewenae laha pate tuah. Kumahe laha waheni Haeu, laha waheni waliko tenen i hamuamua aliake laha.

Jeims 4:4

Amuto teka amuto kum usi haeliel saun ti Haeu pahan, ala amuto tioiwa ka teteka seilon laha waheni ailei saun lialun laha watakai hawane Haeu. Aile ape na tel ti amuto namiloi eliel usiai saun lialun i tin tel i watakai hawane Haeu.