Jon Meng solian ti Jises tataiai Jon 15:21 - Seimat

²¹ Laha aile halialu amuto nake amuto kahikahik a laha kum tioi tetel i taloma nga.

Jon Meng solian ti Jises tataiai Jon 15:21 ပူးပေါင်းရင်းမြစ်များ

Matiu 10:18

Nake amuto kahikahik, laha ati lungei amuto hani teka masiwi tenen tenen. Ape amuto kaxi *meng solian ti Haeu hani laha ma teka laha kum tioi i.

Matiu 10:22

Kilan wanen seilon laha watakai hawane amuto nake huak, tuahe na amuto tu xox kahikahik atengi amuto mat, Haeu waxi auni amuto lian tehue.

Matiu 10:39

Na tel seilon pahan kum is kahikahik nake pahan i akeni kongini totonan ti itan ie, i lioi totonan ti kapi Haeu. Tuahe na tel seilon i to kahikahik kalak na masin i lioi totonan ti itan ie, i waxi totonan ti kapi Haeu.

Matiu 24:9

“Tataen ien amuto laha pohi. Laha aile lehe amuto kau moloan ma laha telei amuto. Kilan seilon ti lawe xux laha watakai hawane amuto nake amuto kahikahik.

Matiu 5:11

“Haeu aile hasolia hani amuto na seilon kak saxuti axamuto, sului putini amuto ma aile waliko lialun hani amuto nake huak.

Mak Meng solian ti Jises tataiai Mak 13:13

Kilan seilon watakai hawane amuto nake amuto kahikahik. Tuahe na amuto tu matuha atengi tataen kawatan tapo, Haeu waxi auni amuto lian tehue.

Luk Meng solian ti Jises tataiai Luk 21:12

“Tuahe imat ti lawe waliko ien i sohot, laha xoti ma aile halialu amuto. Laha hatuhi amuto ti sulusulu leili *synagog ma hana amuto he kalabus. Laha sului amuto he puli teka masiwi tenen tenen nake amuto kahikahik.

Luk Meng solian ti Jises tataiai Luk 21:17

Tesol tesol kilan seilon laha watakai amuto nake amuto kahikahik.

Luk Meng solian ti Jises tataiai Luk 6:22

Haeu aile hasolia hani teteka seilon teka liai watakai hawane, kak saxuti laha ma hana laha kaliap nake laha kahikahik wanen.

Jon Meng solian ti Jises tataiai Jon 15:24

Na nga tai aile waliko tenen lalap ti pohe Haeu, tap tel pon tienialaha ti lialui woulaha. Tuahe kalak laha ningahiwen, laha watakai ati amili tel Tamak.

Jon Meng solian ti Jises tataiai Jon 16:3

Laha aile ukek ien hani amuto nake laha kum tioi amili tel Tamak.

Jon Meng solian ti Jises tataiai Jon 17:25

“Tel Tamak, tel pate sawisawin, teka seilon kumahe tetam laha kum tioi o tuahe nga tioi hawane o ma teka kahikahik tioi ka o taloma nga.

Jon Meng solian ti Jises tataiai Jon 8:19

Lato kamei Jises, “Tel tamam ia?” Jises kak pahoi lato, “Amuto kum tioi nga ma tel Tamak. Na amuto tioila nga, ala tin amuto tioi tel Tamak.”

Jon Meng solian ti Jises tataiai Jon 8:54

Jises kak pahoi laha, “Na puki nga sameni nga, tap solian tetan. Se puki tel Tamak i hana nga seilon pate tuah. I se tetel amuto ukek i Haeu ti amuto.

Jon Meng solian ti Jises tataiai Jon 8:55

Tuahe amuto kum tioi i. Nga tioi hawane i. Na masin nga ukek nga kum tioi i, nga puputawen, hanowi ti amuto. Tuahe nga tioi i ape nga puas usiusi kakaian.

Aposel 17:23

Ti nga tau nanahih leili taon ti amuto, nga ningahi kilan wanen waliko ti amuto lolotui. Tin nga tunahi tesol tone hanai pali hina kakain taian ien i ukek, ‘Hani haeu tetenen ti kaha kum tioi.’ Aope nga kaxi hani amuto tel Haeu amuto tua lolotui tuahe amuto kum tioi i.

Aposel 26:9

“Puki nga kemuk nga soh hawane ka ewi ti aile halialui teka kahikahi *Jises ti Nasaret.

Aposel 3:17

“Teka soliai akikik, nga tioi ka amuto ma tesol masiwi ti amuto kum paxai tioi waliko tenen auha aile haniwen Jises.

Aposel 4:17

Tuahe kako halini lalu kaxiai puase Jises lehe axe Jises i kum sawata ahe hani teka seilon.”

Aposel 5:41

Ti tesol aposel nahih saliliwa teka masiwi ti teka Ju, pate lato amuke ti Haeu hani lato kau kawatan nake lato kahikahi Jises.

Aposel 9:14

Ape aope i nahih hanima Damaskas nake teka masiwi tuah ti hukuminiai Haeu ma seilon sowini haniwen i xotiai teka seilon laha lolotui o.”

Aposel 9:16

Ape nga hanau i ka liai i tunahi kawatan ma moloan nake i tel unauak.”

Rom Teik pasi Pol hani teka kahikahi Jises Krais ti Rom 1:28

Teka seilon laha kum nam waxi Haeu, laha ukek ka tap solian tetan ti tioiai Haeu. Aile ape i hani laha usi lialui namilolaha ti ailei waliko tenen ala i kum alune.

1 Korin 15:34

Amuto alia hanima namil solian lehe amuto kum aile ulea saun lialun. Nga kak teik waliko ie nake teka ti amuto laha kum tioi hawane Haeu. Ala laha hienawa nake laha se kahikahi Krais.

1 Korin 2:8

Tuahe tap tel ti teka masiwi ti tehu pon ie paxai tioi tesol waliko ien. Na laha tioila, ala laha tai tahi hakea telei tel Masiwi ti kako, tel solian tapein.

2 Tesalonika 1:8

Tataen ien i axi hawane kawatan hani teka laha kum nam waxi Haeu ma teka laha kum hong usi *meng solian tetan.

1 Jon 3:1

Namiloi paxaiwa lalape wawahen ti Haeu. Ti wawahen tetan i axai kako natun. Ape salan kako se natun. Teka seilon kumahe ti Haeu, laha kum ukek ka kako natun nake laha kum paxai tioi i.

3 Jon 1:7

Teka seilon ien lua hani tesol tesol ti ailei puase *Jises tel Masiwi ma lato kum uke huhual ti teka laha kum soh ti Haeu.

Hahatakei Haeu 2:3

Saka amuto kau lungei tatale kawatan tenen tenen ti seilon hani amuto nake amuto kahikahik. Saka amuto kum aka lioi puasamuto.