Jon Meng solian ti Jises tataiai Jon 14:23 - Seimat

²³ Jises pahoi ukek, “Teka laha waheni nga, laha hong usi kakaiak ape tel Tamak waheni laha. Se teka ien nga ma tel Tamak to hawane kapi laha.

Jon Meng solian ti Jises tataiai Jon 14:23 ပူးပေါင်းရင်းမြစ်များ

Jon Meng solian ti Jises tataiai Jon 10:30

Nga ma tel Tamak Haeu amili pakata xox hahawane, amili masin seilon tel.”

Jon Meng solian ti Jises tataiai Jon 14:15

Jises kakane tesol kahikahin ukek, “Na amuto waheni nga, amuto puas usiwa nauna tetak.

Jon Meng solian ti Jises tataiai Jon 14:17

I se Holi Spirit, i kola hatesol waliko tenen salan sale Haeu. Teka seilon kumahe ti Haeu laha kum hong waxi i nake laha kum paxai tioi i. Tuahe amuto tioi i nake i se wasolamuto ape imuh i tin leilomuto tel tel ti kapitiamuto.

Jon Meng solian ti Jises tataiai Jon 14:21

Tel na i puas usi nauna tetak, i waheni nga. Ape tel na i waheni nga, tel Tamak waheni i ma tin nga waheni tel seilon ien. Ape nga kola haxewa hawane nga hani i lehe i tioi aluini.”

Jon Meng solian ti Jises tataiai Jon 14:24

Teka laha tap wawahen hani nga, laha kum hong usi kakaiak. A kakain ien kumahe ti puki namilok, se kakai tel Tamak, tel i taloma nga.

Jon Meng solian ti Jises tataiai Jon 15:10

Na amuto puas usi nauna tetak, amuto waheni tatale nga masin ti nga puas usi hahatapo nauna ti tel Tamak ape nga waheni tatale i.

Jon Meng solian ti Jises tataiai Jon 16:27

Puki tel Tamak Haeu waheni amuto nake amuto waheni nga ape amuto soh ka nga ahuma tetan.

Jon Meng solian ti Jises tataiai Jon 6:56

Na amuto ani tupuak ma unumi kakauk, amuto se kahikahik wanen ape nga lawe kapimuto lian tehue.

Jon Meng solian ti Jises tataiai Jon 8:51

Nga kakane hawane amuto, tel na i puas usi kakaiak i kum mat wanen.”

Jon Meng solian ti Jises tataiai Jon 8:52

Teka seilon kak eliel hawane, “Ape amite tioi hawane ka spirit lialun kapiti halialuen o! Abraham matewen ma *teka kuluiai kakai Haeu tin laha matewen a o ukek tel na i puas usi kakaiam i kum mat.

2 Korin 6:16

Kako tioi ka hahalin na seilon kau waliko tenen laha tua tanomi hani leili *Ingi Haeu lehe laha lotui. Tin masin kako kum huhukuma kapi teka laha lolotui tesol waliko ien. Kako se masin Ingi Haeu tel pohen tapein nake Holi Spirit ingangai leilokako. Masin ti Haeu kakawen i ukek, “Lawe nga akakati teka seilon tetak ma lawe nga huhuali laha. Laha paxai tioi ka nga se Haeu tel Masiwi ti laha ape nga namiloi ukek laha se seilon tetak wanen.” (Lev 26:12)

Epesus 3:17

Nga kamei hetekie i lehe Krais puas hamalum leilomuto nake namilomuto xoxoan tetan. Tin nga kamei hetekie Haeu ti hualiamuto lehe amuto waheni tatale i ma teka seilon liai. Na amuto aile ukek ien, amuto masin tea pata i wahai hani leilam ma tehu ing laha hatuhi he pekeun ailan.

1 Jon 2:24

Aile ape amuto tu xoxoa ti lawe kakain salan amuto hongoen ti amuto sohot kahikahi Jises Krais. Na amuto aile ukek, tin amuto tu xox kapi tel Nati Haeu ma tel Taman.

1 Jon 2:5

Tuahe teteka laha aile waliko ti Haeu pahan, laha kola hawane ka laha waheni i ma tin laha pakata xox kapin.

1 Jon 4:4

Tuahe amuto, teka soliai natuk, amuto seilon ti Haeu. Amuto tahi waxainiwen kakai teka woinakon kuluiai kakai Haeu nake Holi Spirit tel kapitiamuto i pamu masiwian ti *Satan tel kapiti halialui seilon ti tehu pon ie.

1 Jon 5:3

Salan wanen kako waheni hawane Haeu na kako aile usi waliko ti pahan kako usiwa. Pake kumahe pate ailan ti usiai nauna tetan.

2 Jon 1:6

Kako salan hina saun ti wawahen na kako hong usi nauna ti Haeu. Puki i honewen kako waheniai seilon lokon ti kako sohotua kahikahi Krais.

Hahatakei Haeu 21:22

Nga tai ningah tunah tehu na ingi lotu leili tehu taon ien nake Haeu tel Masiwi pohen tapein ma tok sipsip uluha lalu se ien ti lehe seilon lotui.

Hahatakei Haeu 21:3

Ape tenen kinax ahuma ti tehu totoan tuah ti tone Haeu, i kak eliel ukek, “Hongoa! Tataen ie ahua, Haeu aile tonan kapi teka seilon tetan ape i to hamalum kapi laha. I neini laha ape laha pakata xox kapin.

Hahatakei Haeu 22:3

Tap tenen na waliko ti Haeu watakai i po to leili tehu taon. Tehu totoan tuah ti Haeu ma tok sipsip uluha ien ape teka unaui Haeu lotu sasameni i.