Jon Meng solian ti Jises tataiai Jon 12:5 - Seimat

⁵ “Kalahai i tua aile xoini tehu sanda? Pamu ewian na hangaini waxiai moni lalap ape hani teka seilon tap soxi.”

Jon Meng solian ti Jises tataiai Jon 12:5 ပူးပေါင်းရင်းမြစ်များ

Matiu 18:28

“Ape tel seilon ien nahih. I tunahi tel puas akatan, tel i tua kemu moniun pate kokol. Kakanua i pohi isihi kinawe tel puas akatan ape lungei i ukek, ‘Hamate hatapoa moniuk!’

Matiu 20:2

Ti i tunahawa, i hone laha ka i hani laha moni kahi puasain ti ngain tehu. Ape i talo laha puas he kin.

Luk Meng solian ti Jises tataiai Luk 12:33

“Hangainiwa soxiamuto lehe amuto axi moni hani teka seilon totonalaha lialun. Hani hatapoa kuimuto ma namilomuto haniwa Haeu. Ie masin ka amuto apepeseni kahumuto ti tonan. Tesol ien tap tahi lialuan ma tap teka xuxuina.

Luk Meng solian ti Jises tataiai Luk 18:22

Ti Jises hongoa kakaian i ukek, “Tenen waliko tutuen o tai aile. Nahih hangaini hatapoa soxiam ape moni haniwa teka seilon tap soxi lehe imuh o uke kahum ti *tone Haeu. Ape nahih kahitima nga lehe o sohot kahikahik.”

Luk Meng solian ti Jises tataiai Luk 6:41

“Na amuto kahikahik, kum hahanowi teka seilon laha kak halialu woi seilon liai a laha kum paxai tioi puki lialui woulaha. Laha masin teka seilon laha ningahi teik masiap kokol he puli tel seilon liai a laha kum paxai tioi teik masiap lalap he puki pulalaha.

Jon Meng solian ti Jises tataiai Jon 12:4

Tuahe Judas Iskariot, tel ti tesol *kahikahi Jises, tetel imuh i hangaini Jises hani mini teka masiwi ti teka *Ju, i ukek,

Jon Meng solian ti Jises tataiai Jon 12:6

Kumahe i kak ukek ien nake i tahane teka seilon tap soxi tuahe nake i seilon tenen xuxuina. I tetel auniai moniulato ape hina lawe i xuina.

Jon Meng solian ti Jises tataiai Jon 13:29

Teka ti lato sokok ka Jises tatalo i kahuiai an ti tehu angiain ti Pasova ma na i tatalo i axiai moni hani teka laha tap soxi nake Judas i tel auniai moniulato.

Jon Meng solian ti Jises tataiai Jon 6:7

Pilip hone pahoi, “Mongohualaha! Kahi tel seilon na i puas ti pangapang tepanim toluhu i kum pon tutuen kahuiai an lehe lawe seilon pon ukei tuahe na teik.”