Jon Meng solian ti Jises tataiai Jon 12:48 - Seimat

⁴⁸ Tel na i kum nam waxi nga ma kum hong auni kakaiak, puki kakain ien sului i. Ape telao ngain ti hinitiai lawe seilon, Haeu axi i kawatan nake ti kakaiak ien.

Jon Meng solian ti Jises tataiai Jon 12:48 ပူးပေါင်းရင်းမြစ်များ

Matiu 10:15

Nga hone amuto, tehu ngain ti hinitiai seilon, Haeu kolongeni ka laha pamu lialuan ti teka seilon lialun ti *Sodom ma Gomora.

Matiu 21:42

Jises hone lato, “Ala amuto tioi teik kakain ie: “ ‘Tehu kuku teka ataiai ing hilisa, Haeu aile ape i sohot kuku tehu pamu tuah ti kuku liai. Haeu aile ape kako amuam hawane.’ (Ps 118:22-23)

Matiu 25:31

Jises kak ulea ukek, “Taun ti nga *tel Nati Seilon alia hetekiema hatesol *engel ti Haeu, nga to Masiwi ti tesol tonain neiniai seilon hetekie poh ma xewai Haeu.

Mak Meng solian ti Jises tataiai Mak 12:10

Ala amuto tioi teik kakain ie: “ ‘Tehu kuku teka ataiai ing hilisa, Haeu aile ape i sohot kuku tehu pamu tuah ti kuku liai.

Mak Meng solian ti Jises tataiai Mak 16:16

Na tel seilon i soh tetak ti amuto kakaxi tenen meng solian ien ape amuto baptaisi i, tel seilon ien i to kapi Haeu lian tehue. Tuahe na tel seilon i kum soh, Haeu selai xaxaweni i kapin lian tehue.

Mak Meng solian ti Jises tataiai Mak 8:31

Muhin Jises hutui hanau tesol kahikahin, i ukek, “Nga *tel Nati Seilon, nga tunahi lalape kawatan ma moloan ape teka masiwi ti teka *Ju, teka masiwi tuah ti hukuminiai Haeu ma seilon, ma *teka hanaui nauna ti Moses, laha watakai hawane nga. Laha telei nga tuahe muhi ngain toluhu nga xahat alia.”

Luk Meng solian ti Jises tataiai Luk 10:16

Jises kakane tatale teka kahikahin ukek, “Tel ti na i hong usi kakaiamuto, tin masin i hong usi kakaiak. Tuahe tel ti na i kum nam waxi kakaiamuto, tin masin i kum nam waxi kakaiak. Ape tel ti na i kum nam waxi kakaiak, i kum nam waxi Haeu tetel i taloma nga.” Jises tiliwa kakaian ape 72 kahikahin lato nahih aile waliko ti Jises tatalo lato ailean.

Luk Meng solian ti Jises tataiai Luk 17:25

Tuahe imat ti ien, nga tel Nati Seilon nga kaumu moloan pate lalap ape teka seilon ti aope ie laha pahoxai nga ma watakai waliko ti nga hahanau seilon.

Luk Meng solian ti Jises tataiai Luk 20:17

Jises paxaiwa laha ape i ukek, “Na masin ien, salangawan la teik kakai Haeu ti i ukek, “ ‘Tehu kuku teka ataiai ing hilisa, Haeu aile ape i sohot kuku tehu pamu tuah ti kuku liai.’ ” (Ps 118:22)

Luk Meng solian ti Jises tataiai Luk 7:30

Tuahe teka *Parisi ma *teka hanaui nauna ti Moses lato kum nam waxi waliko ti Haeu namiloi peleiwen ti lato. Aile ape lato kum towiahu ti lialui woulato ape Jon tai baptaisi lato.

Luk Meng solian ti Jises tataiai Luk 9:22

Tin i kakane lato ukek, “Nga *tel Nati Seilon, nga kau kilan kawatan ma moloan lalap. Ape teka masiwi ti teka *Ju, teka masiwi tuah ti hukuminiai Haeu ma seilon, ma *teka hanaui nauna ti Moses, laha watakai hawane nga. Laha telei nga tuahe muhi ngain toluhu nga xahat alia.”

Luk Meng solian ti Jises tataiai Luk 9:26

Na tel seilon hiena puluhini nga ma kakaiak, nga tel Nati Seilon tin nga hiena puluhini i taen ti nga alia hetekiema poh ma xewai tel Tamak Haeu ma tesol *engel, spirit solian tetan.

Jon Meng solian ti Jises tataiai Jon 11:24

Ape Mata ukek, “Nga tioi ka i xahat alia taen hatesol seilon xahat alia, ti taun ti hinitiai lawe seilon.”

Jon Meng solian ti Jises tataiai Jon 5:45

“Tuahe kum namiloi ukekek ka nga tetel suluiamuto hani tel Tamak Haeu. *Moses tel suluiamuto, nauna tetan ti amuto monomon ka i huali amuto.

Jon Meng solian ti Jises tataiai Jon 6:39

Teka seilon ti i haniwen nga, teteka laha sohot kahikahik, Haeu pahan nga ngahati aluiniwa laha hatesol nake i pahan nga xahateniwa laha ti matealaha ngain tetehu ti hinitiai lawe seilon.

Jon Meng solian ti Jises tataiai Jon 8:47

Tel seilon na i ti Haeu, i hong usi kakai Haeu. Tuahe amuto kum hong usi kakaian nake amuto kumahe tetan.”

Aposel 17:31

Haeu kilamiwen ngain telao ti tel Natun hiniti hatesol seilon ape hinitian tetan sawisawin. Haeu kola ka tesol waliko ien salan ti i xahateni aliake tel Natun ti matean.”

Aposel 3:23

Na tel kum hong tamani kakai tel kuluiai kakai Haeu ien, Haeu namiloi ukek tel ien kumahe tetan.’ (Deut 18:15,18-19)

Rom Teik pasi Pol hani teka kahikahi Jises Krais ti Rom 2:16

Taun ti hinitiai lawe seilon, Haeu hani *Jises Krais paxai kolongeniai woulaha kalak tataen waliko ti laha aile mumuneni. Ti nga kakaxi *meng solian ti Jises Krais se nga kakak tesol waliko ie.

2 Korin 4:3

Na hina seilon meng solian ti Jises Krais masin ka munenian ti laha, ien se teteka laha watakai hong waxian ma laha to xau ahe tatalewa ti Haeu.

2 Tesalonika 1:8

Tataen ien i axi hawane kawatan hani teka laha kum nam waxi Haeu ma teka laha kum hong usi *meng solian tetan.

Hibru 10:25

Kako kum aile lilioi saun tenen ti hukuma hetekie, hanowi ti teka laha aile lioiwen. Kako haeliel ahewa hakuiai tel tel ti hukuma hetekie nake ngain ti aliai Jises Krais tel Masiwi i xohiwen.

Hibru 12:25

Haeu lawe i kakak kapimuto. Kolongeniwa ka amuto kum hong watakai kakaian. Teka ti matahaun ti kako laha tahi kakai Haeu ti teka seilon tetan kaxi hahani laha hanowi ti Moses. Laha kum salini uke kawatan. Na masin ien, teteka kaha tale tehitokaha hani Haeu, tetel ape i kak sawi hani kaha, pamu lapan kawatan i axi kaha.

Hibru 2:3

Ape lehe amuto ukek kako pon saliniai kawatan ti kako kum nam waxi soliai puase *Jises Krais tel awaiakako? Puki i kakawen sale Haeu awai seilon ti kawatan ti lialui woulaha ape teteka laha hong, laha kaxi hakouta hani kaha.

Hibru 4:12

Kakai Haeu hina poh ma pupuasan. I akulai puase ngol tenen hahupaun pate angian i koti hawalohu uke tupui manixux ma kelai hetekie tataen wekin ma kuin. Tin masin kakai Haeu i soh taponga hawane hani leili namilokaha ti kola hatakeiai isiai pahakaha ma woukaha.

1 Pita 1:5

Waliko ien tetakako, teteka seilon namilokako xoxoan tetan. Aile ape ti lalape pohe Haeu i awawai kako atengi tataen ti Jises Krais aliama. Taen ien Haeu oxoxi hatapo kako ti lawe waliko lialun ape i hatakei hani kako lawe waliko ti i aunini tetakako.

2 Pita 3:3

Pate tuah wanen ti na amuto tioi ka imat ti aliai Jises Krais hina seilon laha soxeni kako teka kahikahin ma laha usi lialui isiaialaha.

2 Pita 3:7

Tin ti kakaian, maun aheah ma tehu pon itan ie tua atetengi na ah lui hatapo lalu. I sohot tataen Haeu paxai kolongeni woi lawe seilon ape i halialu hawane teka laha kum nam waxi i.