Jon Meng solian ti Jises tataiai Jon 12:40 - Seimat

⁴⁰ “Pulalaha masin ka pulaxa. Laha papaxai waliko ti Haeu ailele tuahe laha kum ningahi. Patulaha pate ailan, laha kum xeu. Ape laha kum towiahu ti lialui woulaha lehe Haeu aile haewia laha.” (Isa 6:10)

Jon Meng solian ti Jises tataiai Jon 12:40 ပူးပေါင်းရင်းမြစ်များ

Matiu 15:14

Aile ape maluhewa lato! Lato masin seilon tenen pulaxa neiniai teka pulaxa. Na masin tel pulaxa neini tel pulaxa liai, ati lalu put hani leili wal.”

Mak Meng solian ti Jises tataiai Mak 4:12

Masin ti leili pepai *Aisaia i ukek, “ ‘Laha papaxai he tange pulalaha waliko ti Haeu ailele tuahe laha kum ningahi, laha hongohong kakai Haeu tuahe laha kum xeu. Na masin ala laha hong tioila kakai Haeu, laha towiahu haniwen i ape i oxoxiwen laha ti kawatan ti lialui woulaha.’ ” (Isa 6:9-10)

Mak Meng solian ti Jises tataiai Mak 6:52

Kalak lato ningahiwen ti Jises axi ani kilai seilon i akulai 5,000, namilolato tai xeu tutuen Jises i seilon tetenen.

Luk Meng solian ti Jises tataiai Luk 4:18

“Spirit ti Haeu tel Masiwi i kapik nake i kilamiwen nga kaxi ahutiai *meng solian ti Haeu hani teka laha tae ti usiai aweisali Haeu. I taloma nga hetekie kakain ka nga ahutiai teka kalabus ma oxoxiai seilon ti kawatan ti lialui woulaha. Nga haewia teka pulaxa ma haxewa seilon ti sale aweisali Haeu. Nga awai seilon ti teka liai aile halialu laha.

Luk Meng solian ti Jises tataiai Luk 8:10

Ape i ukek, “Haeu haxewa hani amuto teka kahikahik sale nenein tetan kumahe hani seilon liai. Teka seilon kumahe kahikahik nga kaxi meng ti hanaualaha lehe waliko ti *Aisaia kaxiwen i sohot poponowi. I ukek, “ ‘Teka seilon papaxai waliko tenen ti nga ailele, tuahe laha kum ningahi, laha hongohong kakaiak tuahe laha kum xeu.’ ” (Isa 6:9)

Jon Meng solian ti Jises tataiai Jon 12:39

Aile ape laha kum soh. Aisaia tin i kakawen,

Jon Meng solian ti Jises tataiai Jon 9:39

Jises hone i ukek, “Nga lua hanima tehu pon ie paxai kolongeniai woi seilon. Nga luama haxewai namili teka laha kum xeu ningahiai lawe waliko salan sale Haeu. Ape teka seilon laha sokok hoi laha xewawen ti lawe waliko salan sale Haeu, laha masin teka pulaxa wanen.”

Aposel 15:3

Ti lato lua hahaniwa xux ti Penisia ma *Samaria kane Jerusalem, lato kaxi hahani teka kahikahi Jises aweisal ti *teka kumahe Ju laha sohot kahikahi Jises. Tenen meng ien aile hamuamua hawane teka kahikahi Jises ien.

Aposel 28:26

“ ‘Nahiwa ape honewa teka Israel, “Amuto hongohong kakaiak tuahe amuto kum hong tioi, amuto papaxai waliko ti nga ailele tuahe amuto kum xeu.”

Aposel 3:19

Aile ape amuto lioiwa saun lialun. Towiahu haniwa Haeu lehe i oxoxi amuto ti kawatan ti lialui woumuto.

Rom Teik pasi Pol hani teka kahikahi Jises Krais ti Rom 9:18

Ape kako paxaiwen ka Haeu aile kola soliaian hani teka ti na pahan i kola ma i aile hailaia pati teka ti na pahan i hailaia, seilon tetenen masin Fero.