Jon Meng solian ti Jises tataiai Jon 11:55 - Seimat

⁵⁵ *Ngain lalap ti Pasova ape i xohiwen. Kilan seilon ti toan tesol tesol laha nahih hani Jerusalem ti ailei saun tenen ti haunialaha ti puli Haeu masin ti teka Ju lawe ailele apesenialaha ti Pasova.

Jon Meng solian ti Jises tataiai Jon 11:55 ပူးပေါင်းရင်းမြစ်များ

Matiu 26:1

Ti Jises kak hatapoa hatesol kakaian, i hone tesol kahikahin,

Matiu 26:2

“Amuto tioi ka *Pasova, tehu angiain lalap ti laha telei *sipsip wawan uluha, i hutui muhi ngain huohu. Tataen ien laha hangaini nga hani laha telei. Laha tahi hakea nga *tel Nati Seilon hani he *kros.”

Mak Meng solian ti Jises tataiai Mak 14:1

Lawe ahang teka *Ju aile angiain lalap ti nameniai ngain ti lokon Haeu waxi aliake teka tamalaha ti matahaun leili *Igip. Ngain tehu hutuan laha ani *sipsip wawan uluha, tenen angiain ien laha axai *Pasova. Ape tesol ngain muhin laha ani bret tenen i tai xiu. Ngain huohu imat ti Pasova, teka masiwi tuah ti hukuminiai Haeu ma seilon, ma *teka hanaui nauna ti Moses, lato sasakal aweisal ti seilon kum tioi lehe lato xoti Jises ape hakahita hani teka teleian.

Luk Meng solian ti Jises tataiai Luk 22:1

Ngain lalap ti teka *Ju ti aniai bret tenen i tai xiu ape i xohiwen. Laha axai tehu angiain ien *Pasova.

Jon Meng solian ti Jises tataiai Jon 12:1

Ngain tepanim tehu imat ti *Pasova, Jises nahih hani Betani, tesol tone Lasarus, tetel Jises hamoiha aliake ti matean.

Jon Meng solian ti Jises tataiai Jon 13:1

Sikole ngain ti *Pasova ape Jises ma tesol kahikahin ang apuha hetekie. Jises tioi ka se ape taun ti i salili tehu pon ie ape alia hani kapi tel Taman Haeu. I waheni hawane tesol kahikahin, seilon tetan ape i kola lalape wawahen tetan hani lato.

Jon Meng solian ti Jises tataiai Jon 18:28

Ti pate uli letu, laha hakahita Jises ti ingi Kaiapas hani tehu ingi Pailat, tel ti teka masiwi ti Rom. Tuahe hahalin ti teka Ju soh hani tehu ing ien nake se ingi *teka kumahe Ju. Na laha soh, laha kum pon aniai an ti *Pasova nake laha ape lolo.

Jon Meng solian ti Jises tataiai Jon 2:13

Lawe ahang teka Ju aile angiain lalap ti nameniai ngain ti lokon Haeu waxi aliake teka tamalaha ti matahaun ti *Igip. Laha axai *Pasova. Taun ti Pasova i xohiwen ape Jises nahih hani Jerusalem.

Jon Meng solian ti Jises tataiai Jon 2:6

Tepanim tehu peti kan ani pot hoi tutu ien, tehu tehu ti lato i akeni akulai 100 lita. Lawe teka *Ju hapuasa ti nuhiai lawe waliko usiai saun ti haunialaha ti puli Haeu.

Jon Meng solian ti Jises tataiai Jon 5:1

Muhin ien Jises nahih hani Jerusalem ti tehu angiain lalap ti teka *Ju.

Jon Meng solian ti Jises tataiai Jon 6:4

*Pasova, ngain lalap ti teka *Ju ape i xohiwen.

Aposel 21:24

Nahih kahitiwa lato hani tehu *Ingi Haeu ape hukumawa kapi lato ti ailei saun ti hauniamuto ti puli Haeu. Ape kahuiwa ti uluhiai patulato masin kolakol ka lato aile hapoponowi hawanewen tutuoh ti lato hani Haeu. Na o aile ukek ien, hatesol seilon paxai tioi ka kumahe salan waliko ti laha hongoen pake o usiusi nauna ti Moses.

Aposel 21:26

Ape Pol aile usi teik namilolato. Ngain liai telao i hukuma hani kapi tesol hinalo seilon ti aile haunialato usiwa saun ti teka Ju. Muhin ien Pol nahih hani tehu Ingi Haeu ape i hahongo teka hukuminiai Haeu ma seilon ka muhi ngain tepanim huohu lato kau huok manixux hani Haeu ti kolakol ka tutuoh ti lato hani Haeu ape tapein.

Aposel 24:18

Teka suluak ningahi nga ailele saun ti hauniak ti puli Haeu leili Ingan. Tap seilon wiliwilia nake ti huak lokon ien.

1 Korin 11:28

Kako tel tel paxai aliakemua woukako imat ti kako ani bret ma unumi waen ti i kilami tupuan ma kakaun.

Jeims 4:8

Towiahua ti lialui woumuto ape hong usiwa nauna ti Haeu lehe i sohot tel ngahatiamuto. Kum ailele saun lialun ti amuto ailele. Tu matuhawa ti Haeu, amuto teteka namilomuto uke huaik ti usian.