Jon Meng solian ti Jises tataiai Jon 10:21 - Seimat

²¹ Tuahe seilon teka laha kak ukek, “Tel seilon na spirit lialun kapiti halialu i, i kum kak ukek ien. Spirit lialun kum pon haewiai puli seilon pulaxa!”

Jon Meng solian ti Jises tataiai Jon 10:21 ပူးပေါင်းရင်းမြစ်များ

Matiu 11:5

Teka pulaxa, laha nahih hanima kapik ape laha paxapax, teka laha kum nanahih ape laha nahih uke, teka hina nax lialun he tinulaha, laha ewi, teka taxingalaha sutu ape laha hong uke kakain. Teka maten laha moih alia ape teka pahalaha wanen Haeu neini ma ngahati laha, laha hongohong meng solian ti Haeu.

Matiu 4:24

Menge waliko ti i ailele i sawat kakalini hatexux xux ti Siria. Ape teka seilon atoheni hani i hatesol teka tinun, teka hina moloan lalap, seilon teka *spirit lialun kapiti hahalialu, teka lawe laha put xexex ma teka laha kum nahih uke. Jises aile haewia laha.

Jon Meng solian ti Jises tataiai Jon 10:22

Ngain lalap ape i tahiawen leili Jerusalem ti teka *Ju nameni taun ti hil waxi aliakei *Ingi Haeu ti teka Siria. Lokon ien taun ti waiwain.

Jon Meng solian ti Jises tataiai Jon 9:6

Ti Jises kak kewa, i uke teik pekeun. I pukeini ma talini hawasalisali ape ahui hani puli tel seilon pulaxa.