Jeims 3:16 - Seimat

¹⁶ Seilon tenen ien lawe laha ahuxai namili Haeu ma aile saun lialun tenen tenen.

Jeims 3:16 ပူးပေါင်းရင်းမြစ်များ

Mak Meng solian ti Jises tataiai Mak 3:25

Na tesol akikin lato hil alia puki lato, tesol akikin ien lato kum tu xox.

Aposel 19:29

Laha hahika teka seilon liai. Ape kilan seilon laha kiliwau itini lungei Gaius ma Aristakus, huhua lua akatiai Pol, hani tesol tone apuhain.

Rom Teik pasi Pol hani teka kahikahi Jises Krais ti Rom 2:8

A seilon teka, laha namiloi wawaxi mewenae laha. Laha kum usi waliko tenen salan, laha usi waliko tenen ti i pahoxai namili Haeu. Seilon teteka ien, ti lengei Haeu i axi hawane laha kawatan.

1 Korin 14:33

Haeu i watakai na kako teka kahikahi Krais kako seilon tenen ti aile nakaputiniai waliko. Haeu pahan kiliwakei lawe waliko ti kako mewenae sawisawin ma wasolakako kewa solian.

1 Korin 3:3

Lialui isiai pahamuto i kakapiti tutuen amuto. Amuto to ailele saun tenen ti nam watakaiai seilon liai nake laha xoini amuto ma amuto kak hapatapat wasolamuto. Kaie i kum kola ka lialui isiai pahamuto i kakapiti amuto? Amuto aile hahanowi seilon tenen i kum tioi Haeu.

2 Korin 12:20

Tuahe nga to nanamiloi tahiaiak kapimuto, uke nga tunahi ka woumuto kum hamuamua nga ape nake ti tenen ien tin amuto kum amuke saun ti na nga aile. I hamatau nga uke amuto he hapatapat ma amuto lohaini teka liai, leng ausisini hani tel tel, namiloi halepelep alia amuto, kak halialu seilon ma misahi laha, hanasanas ma puas nakaputa alia wasolamuto.

Galasia 5:20

Kaha lotui waliko tenen kumahe Haeu. Kaha hina apekaha ti hiliai seilon. Kaha watakai teka liai ma kaha seilon tenen weli hilehil. Kaha lohaini teka liai. Kaha lengeini halialu seilon. Kaha lawe halepean. Kaha aile axi wasole seilon ma hukuma hani mewenae kapi teka namilolaha onoteni kaha.

Jeims 3:14

Tuahe na amuto lohaini seilon liai ma lawe amuto halepelep alia amuto, kum hanasanas ka namilomuto xewan nake woumuto kola puputa ti amuto.

1 Jon 3:12

Kako kum hahanowi woi *Kein, tetel i usi woi Satan ape i telei tel ukalan *Abel. I aile ukek ien nake puki woun pate lialun ma i watakai soliai woi tel ukalan.