Jeims 2:25 - Seimat

²⁵ Tin ala amuto tioi ka kalak Rahab tel hehin ti aweisal, Haeu namiloi ukek i sawisawin nake i muneni teka unaui *Josua ti awaialato uke laha telei. I kola hani lato aweisal ti lehe lato alia mamahul.

Jeims 2:25 ပူးပေါင်းရင်းမြစ်များ

Matiu 1:5

Salmon tel tame Boas, tinan Rahab. Boas tel tame Obed, tinan Rut. Obed tel tame *Jesi.

Matiu 21:31

Ape Jises kamei lato, “Aita tel ti lalu i hong usi kakai tel taman?” Lato ukek, “Tel pamu.” Jises ukek, “Nga kakane hawane amuto, teka seilon ti saun lialun masin *teka waxiai moni hani tel masiwi ti *Rom ma teka hehin laha eng akati wawan ukei moni, laha hong usi Haeu i xoini amuto.

Aposel 17:7

A Jason waxi auni lalu hani leili ingan. Lato hatesol seilon ti xaputiai kakai *Sisa tel masiwi tapein ti *Rom. Tin lato ukek ka tel seilon axan Jises i masiwi tapein ti kako.”

Hibru 11:31

Rahab tel hehin ti aweisal, xoxoi namilon ti Haeu, i auni muneni hua seilon Josua taloa ti palini paxaiai xux ti kakalini Jeriko. I tai mat tuai teka laha tahi kakai Haeu.

Jeims 2:18

Tuahe teka ti amuto uke amuto namiloi ukek, “Seilon teka namilolaha xoxoan ti Jises Krais ape seilon teka puasalaha solian.” Nga kak pahoi ukek ka nga kum paxai tioi xoxoi namilomuto na amuto tap puasain solian. Tuahe nga kola uke hani amuto xoxoi namilok ti pupuasak.

Jeims 2:22

Aile ape paxai tioiwa ka xoxoi namili Abraham hani Haeu ma waliko ti i aile, lalu puas hukuma. Ti sale pupuasan i kola ka xoxoi namilon ti Haeu i poponowi hawane.

Jeims 2:24

Ape amuto tioiwen ka Haeu namiloi ukek kaha seilon sawisawin na kaha kola hani i xoxoi namilokaha hetekie pupuasakaha.