Hibru 9:8 - Seimat

⁸ Ti sale usiai saun tesol ien, *Holi Spirit haxewa hani kaha ka hahalin ti teka seilon soh hani tesol Tuah Tapein ti Haeu nake laha tutuen hahitake tenen aweisal ti hukuminiai seilon hani Haeu usiai *nauna ti Moses. A tehu ing sosoxope ti Haeu i tu kikilami tenen aweisal ien.

Hibru 9:8 ပူးပေါင်းရင်းမြစ်များ

Luk Meng solian ti Jises tataiai Luk 1:80

Tel natun Jon lapale ape Holi Spirit hapohea i. I heheuta he lohong atengi tataen i kaxi ahuti kakai Haeu hani teka seilon ti Israel.

Jon Meng solian ti Jises tataiai Jon 10:7

Aile ape Jises kaxi haxewa hani laha i ukek, “Nga kakane hawane amuto, nga masin tewau aweing ti teka sipsip nahih soh.

Jon Meng solian ti Jises tataiai Jon 10:9

Nga masin tewau aweing. Tel na i non tewau aweing ien, i tunahi tonain kapi Haeu lian tehue. Ape tesol tesol ti na i nahih, i kum tae tenen na waliko nake Haeu lawe kapin.

Jon Meng solian ti Jises tataiai Jon 14:6

Jises pahoi ukek, “Nga se aweisal hani tel Tamak Haeu. Nga tel kaxiai kakain salan sale Haeu ma tel haniai tonain kapin ti tap tahi tapoan. Mewenae nga se aweisal ti seilon kane tel Tamak.

Aposel 28:25

Ape lato kak he hapatapat alia puki lato. Imat ti lato nahih salili tesol ien, Pol kak ukek, “Pate salan wanen waliko ti *Holi Spirit kakanewen *Aisaia tel kuluiai kakai Haeu ti kaxi haniai tesol tamakako ti matahaun. I kak ukek,

Galasia 3:8

Pepai Haeu hoi kak kilamiwen ka Haeu namiloi ukek *teka kumahe Ju laha seilon sawisawin na namilolaha xoxoan tetan. Hoi liai ti imat Haeu kaxi peleiwen hani Abraham tenen meng solian ti i ukek, “Nga aile hasolia hakila hani seilon ti lawe xux na laha soh hawane tetak hanowi o.” (Gen 12:3)

Epesus 2:18

Aope ati kako, teka Ju ma teka kumahe Ju, i pon kako kak sawi hani kapi Haeu tel Tamakako usiwa waliko Krais aile haniwen kako. Pake Holi Spirit tenenawe i huhuali kako.

Hibru 10:15

Puki *Holi Spirit kola ka waliko ien salan. Ti kuewen i hanamiloa *Jeremaia tel kuluiai kakai Haeu i ukek,

Hibru 3:7

Aile ape kako hong matainiwa waliko ti *Holi Spirit kakaxi leili pepai Haeu. I ukek, “Aope ie Haeu kaakane amuto. Hong tamaniwa kakaian.

Hibru 9:3

Tewaok liai tehiti teik maia akeak, laha axai Tuah Tapein ti Haeu.

2 Pita 1:21

Kumahe laha usiusi tuahe namili seilon. *Holi Spirit hanamiloa laha hakoutai kakai Haeu.