Hibru 7:21 - Seimat

²¹ Jises Krais sohot masiwi tapein ti hukuminiai Haeu ma seilon usiai tutuoh ti Haeu. Haeu kakanewen i leili teik pepaun, i ukek, “Nga tel Masiwi ti lawe waliko, nga kak kuinake ka o to masiwi tapein ti hukuminiai seilon hani kapik lian tehue. Namil ti nga ailewen ie tap nga po sohi.” (Ps 110:4)

Hibru 7:21 ပူးပေါင်းရင်းမြစ်များ

Rom Teik pasi Pol hani teka kahikahi Jises Krais ti Rom 11:29

Nga kak ukek nake Haeu kum namiloi tahane aliake ti i kilami ma hapohea seilon ailei puasan.

Hibru 5:6

Masin ti Haeu kakawen ti tesol liai leili teik pepaun, i ukek, “O to lian tehue masiwi tapein ti hukuminiai Haeu ma seilon, tetel ti Melkisedek tu kikilami.” (Ps 110:4)

Hibru 7:17

Masin ti Haeu kakanewen tel Natun leili teik pepaun, i ukek, “O to lian tehue masiwi tapein ti hukuminiai Haeu ma seilon, tetel ti Melkisedek tu kikilami.” (Ps 110:4)

Hibru 7:20

Ti Haeu kilamiwa Jises Krais masiwi ti hukuminiai seilon hani kapin, i kak kuinake ti puki axan ka salan i sohot hawane. I tai kak kuinake ti teka liai sohot masiwi ti hukuminiai seilon hani kapin.

Hibru 7:23

Ti laha usiusi tenen aweisal ti hahitake nauna ti Moses, laha to kilami sosohi teka masiwi ti hukuminiai Haeu ma seilon nake lawe lato mat ape tel liai saiti lato.

Hibru 7:28

Teteka masiwi tapein ti hukuminiai Haeu ma seilon lato pupuas hahitake nauna ti Moses, lato kumahe sawisawin tapein. Lato tuahe seilon masin kaha, hina waliko tenen lato tae ti usiai namili Haeu. Tuahe kuewa muhin ti Moses ukewa tesol nauna ien, Haeu kilami puki tel Natun masiwi tapein ti hukuminiai seilon hani kapin. Ti i kilami Jises Krais ukei tenen tonain ien, i kak kuinake ka i sohot hawane. Jises Krais liai tenen wanen ti lato. I se tel sawisawin tapein ti hukuminiai Haeu ma seilon lian tehue.