Hibru 6:18 - Seimat

¹⁸ Kako tioi ka Haeu malang wanen puputa. Ti i ukek i aile tenen waliko ape i kak kuinake ti puki axan, huonen waliko ie kola hani kako ka kakaian se salan. Tenen ien haxoxo kako ti upiai huhual tetan ma mon atengi hawanei waliko ti i kakawen i aile.

Hibru 6:18 ပူးပေါင်းရင်းမြစ်များ

Matiu 24:35

Maun ma xux ti aope i tapo tamus tuahe kakaiak hamalum lian tehue.

Matiu 3:7

Tataen ti Jon ningahiwa kilai teka *Parisi ma teka *Sadusi nahih hahanima kapin ti ukei *baptais, i kakane lato ukek, “Amuto seilon tenen lehomuto huoka! Aita hone amuto ka amuto salia uke ti kaui kawatan ti Haeu hani amuto?

Luk Meng solian ti Jises tataiai Luk 2:25

Lokon ien tel seilon toto Jerusalem axan Simeon. *Holi Spirit kakapiti i ape lawe i aile waliko sawisawin ti puli Haeu ma i usi hahatapo hatesol nauna tetan. Masin teka Ju liai, tin i monomon atengiai Krais tel Haeu taloma ti awaialato ma hualialato.

Rom Teik pasi Pol hani teka kahikahi Jises Krais ti Rom 15:5

Nga kamei Haeu tel lawe i haxoxo kakapitini kako ti hualiamuto lehe waxi amuto pakata soli hani kapi tel tel hetekie namil teikawe, ti amuto usiusi saun ti Jises Krais hahanau kaha.

Rom Teik pasi Pol hani teka kahikahi Jises Krais ti Rom 3:25

Haeu talo Jises Krais mat ukei kawatan ti lialui woukaha lehe ape i hatapo lengean. Kaha kum uke kawatan ti saun lialun na kaha soh hawane ka Jises mat ti ukei totonakaha. Haeu aile ukek ien lehe waxi i kola ka waliko ti i ailele se sawisawin. Imat ti tahiai *Krais, i kum kahui aliake lialui woi teka seilon, i tani waxi kapitini laha.

Rom Teik pasi Pol hani teka kahikahi Jises Krais ti Rom 3:4

Nga kum ukek! Kalak na tap wanen seilon aile usi waliko ti i kakawen, Haeu lawe i aile usi hawane waliko ti i kakawen. Masin ti leili pepai Haeu tel masiwi *David ukek, ti i kaakane Haeu, “Lawe seilon paxai tioiwa ka kakaiam mewenae salan. Na tel seilon ukek paxai kolongenian tetam kumahe sawisawin, i kum pon waxainiai suluam nake lawe o kola ka o mewenae sawisawin.” (Ps 51:4)

Rom Teik pasi Pol hani teka kahikahi Jises Krais ti Rom 5:5

Ape tenen monomon ti kako ien i kum hatahunoso kako nake Haeu waheni hawane kako. Se Holi Spirit ti Haeu haniwen kako i aile kako paxai tioi lalape wawahen ti Haeu.

Pilipai 2:1

Ti amuto hukuma hetekie hani kapi Krais, kaie i hakui amuto? Kaie wawahen tetan i hamatua amuto? Kaie amuto pakata hahani *Holi Spirit? Kaie Krais kola hani amuto soliai tatahan tetan?

Kolosi 1:23

I sohot ukek ien na amuto soh tatale ti Jises Krais. Aile ape tu xox hawanewa, kum hahani laha hakapaxea amuto waliko ti amuto to monomon atengian nake Haeu kakawen leili meng solian ti Jises ka i hani amuto. Tenen meng ien hoi amuto hongoen ape i sawat hahani lawe xux. A nga Pol Haeu kilami ti kaxi ahutian.

Kolosi 1:27

Haeu ailewen namilon ti lehe teka seilon tetan tioi ka tin pahan i hani *teka kumahe Ju waliko tenen pate solian. Waliko tenen solian ien se Krais i pupuas leilomuto lehe namilomuto i eliel hawane ti ukei waliko solian ti Haeu kakawen i hani.

Kolosi 1:5

Amuto sohot ukek ien nake namilomuto xoxoan wanen ka kahumuto i to aununa ti *tone Haeu. Hoi amuto tioi tenen ien nake amuto hongoen kakain salan leili *meng solian ti Jises Krais.

1 Tesalonika 1:10

Laha kakak hetekie sale monomon ti amuto atengiai tel Nati Haeu ti tesol tonan, tel ti Haeu hamoiha aliakewen. I Jises Krais tetel awaiai seilon ti kawatan ti lengei Haeu nake ti lialui woukaha.

1 Timoti 1:1

Teik pas ie tataiak nga Pol tel *aposel ti *Jises Krais hani o Timoti. Haeu tetel awaiakako ma Jises Krais, tetel i hasohotu lawe waliko ti kako to mon atetengi, lalu hauhua kilami nga aposel.

1 Timoti 6:12

Masin tel seilon leili lokolokoi wa, i hana hatapo namilon ti ukei kahun ti tehu lokoloko ien, tin masin o hana hatapoa namilom haniwa Haeu. Aka haxoa tonain kapi Haeu ti i haniwen o. Nameniwa o kak ahutiwen ka o soh hawane ti Jises Krais ti puli kilan seilon.

2 Timoti 2:13

Na kako tale tehitokako hani nauna tetan, i hamalum kapita ti nauna ien nake i kum puluti aliliake i.

Taitus 1:2

Na namilolaha xoxoan ti Haeu ma laha hong usi nauna ti Jises, pon laha mon ti atengiai *tonain kapi Haeu ti tap tahi tapoan. Masin ti Haeu kaxi haniwen teka seilon tetan ti kuewen wanen. Kako tioi ka salan nake Haeu malang puputa.

Hibru 11:7

Xoxoi namili *Noa ti Haeu, i hong usi kakaian ape i aile tea waian lalap lehe i, axoan ma natun lato kum lialu taun ti kan hutomi lawe xux. I soh ka i sohot kalak i tai sosohot ti imat. Ti aweisal tewau ien i kola lialui woi teka seilon ti tehu pon ie nake laha tahi kakai Haeu ape laha lialu tamus. Haeu paxai ukek Noa seilon sawisawin nake namilon xoxoan tetan.

Hibru 3:11

Ti lengei Haeu i tuoha ka tap laha po uke tonain ti hanawain wanen kapin.” (Ps 95:7-11)

Hibru 3:6

Tuahe Jises Krais i se Natun wanen ma masiwi ti hatesol seilon ti Haeu hetekie i aile lawe waliko ti Haeu pahan. Kako teka kahikahi Krais kako se ingi Haeu na kako aka kongini xoxoi namilokako tetan ma ti angiamataiakako kako kola kakapitini pakataiakako hani Krais hetekie tin kako mon atetengi lawe waliko solian Haeu kakawen i hani kako.

Hibru 6:17

Tin masin na Haeu ukek i aile waliko solian hani teka seilon tetan, i kak kuinake ti puki axan lehe i kola hawane ka salan i sohot nake Haeu kum sohi waliko ti i namiloiwen.

Hibru 7:19

Aile ape Haeu hei tenen aweisal liai ti hukuminiai seilon hani kapin. Na kaha hani namilokaha usiai tenen aweisal ien kaha pakata hawane kapin.

Hibru 7:21

Jises Krais sohot masiwi tapein ti hukuminiai Haeu ma seilon usiai tutuoh ti Haeu. Haeu kakanewen i leili teik pepaun, i ukek, “Nga tel Masiwi ti lawe waliko, nga kak kuinake ka o to masiwi tapein ti hukuminiai seilon hani kapik lian tehue. Namil ti nga ailewen ie tap nga po sohi.” (Ps 110:4)

1 Jon 1:10

Na kako ukek kako tap wanen saun lialun, tin kako namiloi ukek Haeu seilon ti puputa. I kola ka kako kum nam waxi kakaian.

1 Jon 5:10

Tel na i soh ka Jises se tel Nati Haeu, i tioi hawane ka waliko ien salan. Tel na i kum soh waliko ien, tin i ukek Haeu seilon tenen puputa nake i kapaxe waliko ti Haeu kaxiwen sale tel Natun Jises.