Hibru 12:27 - Seimat

²⁷ Teik kakain ien salangawan masin, hatesol waliko ti Haeu tanomi, i nuei xaxaweni tenen ti i kum to kue. I hamalumini mewenae waliko tenen i to lian tehue.

Hibru 12:27 ပူးပေါင်းရင်းမြစ်များ

Matiu 24:35

Maun ma xux ti aope i tapo tamus tuahe kakaiak hamalum lian tehue.

Rom Teik pasi Pol hani teka kahikahi Jises Krais ti Rom 8:19

Lawe waliko ti Haeu tanomi, laha mon atetengi ngain tapeinan ti Haeu hamoiha aliake teka natun.

Rom Teik pasi Pol hani teka kahikahi Jises Krais ti Rom 8:21

Tuahe lawe waliko mon atetengi tutuen ngain tapeinan ti Haeu kola lalape soliaian ti i aile lehe waxi tap laha po lialu tamus masin ti i aile hani teka natun.

1 Korin 7:31

Kako tioi ka tetehu pon kaha toto aope ie, tai kue i tapo. Aile ape ti na amuto hapuasa waliko ti tehu pon ie, kum hana hahatapo namilomuto ma kuimuto hani tenen ien.

Hibru 1:10

Tin i ukek, “Tel Masiwi, ti hutuiai lawe waliko o tanomi tehu pon itan ape ti puki minam wanen o tanomi hatesol waliko patul.

Hibru 13:14

Nameniwa ka he tehu pon ie kumahe tonakako lian tehue. Kako mon atetengi tehu tonain kapi Haeu i luluainima imuh.

Hibru 9:11

Ti Haeu haniwa kaha tenen aweisal haun ien, *Jises Krais sohot tel masiwi tapein ti hukuminiai Haeu ma seilon. Nake ti pupuasan, kako teka kahikahin kako uke waliko tenen pamu soliaian. Jises soh hani tetesol Tuah Tapein ti Haeu ti tesol tonan kumahe tetehu meini seilon ti laha tanomi he tehu pon itan ie.

Hahatakei Haeu 11:15

Ti tel *engel tapeinan kuiniwa tehu suhusuhaun, kilan kinax tiloma tesol tone Haeu, laha ukek, “Haeu tel Masiwi ti kaha ma *Krais tetel i taloma, lalu sohot Masiwi tapein ti tehu pon ie ape lalu neini lawe seilon lian tehue.”

Hahatakei Haeu 21:1

Muhi Haeu hiniti kewa seilon, nga ningahi maun aheah ma tehu pon itan haun nake ti imat ati lalu kalutawen hetekie lawe kanitax.

Hahatakei Haeu 21:4

Ape tatahan kum hatangi ulei laha nake Haeu xaxaweni hatapo lawe kawatan. Tap matemate, tap tatahan, tap tangitangi ma tap moloan ulea nake sale totone seilon ti imat ape i tamusuen.”

Hahatakei Haeu 21:5

Ape tetel i toto he tehu totoan tuah ukek, “Nga aile sohi hauni hahatapo lawe waliko.” I kakane nga, “Taiwa tesol kakain ien nake se salan ma pon hawane ti seilon soh.”