Hibru 10:20 - Seimat

²⁰ I hei hani kako tewau aweisal haun ti hani Haeu. Ti matei Jises Krais teik maia leili *Ingi Haeu ti i ak titiehi aweisali seilon hani Haeu, i lexa. Lexai teik maia ien i kola ka ape i pon seilon to kapi Haeu. Aile ape kako uke *tonain kapi Haeu ti tap tahi tapoan.

Hibru 10:20 ပူးပေါင်းရင်းမြစ်များ

Matiu 27:51

Tataen ien wanen Haeu lexi teik maia i akeak leili tehu *Ingi Haeu, ti patul hani taen itan. Xux nuea ape pot lalap takel.

Mak Meng solian ti Jises tataiai Mak 15:38

Tataen ien wanen Haeu lexi teik maia i akeak leili tehu *Ingi Haeu, ti patul hani taen itan.

Luk Meng solian ti Jises tataiai Luk 23:45

Tataen ien wanen Haeu lexi teik maia i akeak leili tehu *Ingi Haeu, ti patul haniwa taen itan.

Jon Meng solian ti Jises tataiai Jon 10:7

Aile ape Jises kaxi haxewa hani laha i ukek, “Nga kakane hawane amuto, nga masin tewau aweing ti teka sipsip nahih soh.

Jon Meng solian ti Jises tataiai Jon 10:9

Nga masin tewau aweing. Tel na i non tewau aweing ien, i tunahi tonain kapi Haeu lian tehue. Ape tesol tesol ti na i nahih, i kum tae tenen na waliko nake Haeu lawe kapin.

Jon Meng solian ti Jises tataiai Jon 14:6

Jises pahoi ukek, “Nga se aweisal hani tel Tamak Haeu. Nga tel kaxiai kakain salan sale Haeu ma tel haniai tonain kapin ti tap tahi tapoan. Mewenae nga se aweisal ti seilon kane tel Tamak.

Epesus 2:15

Ti matean i oxoxi kako ti hahitake nauna ma saun ti teka Ju lehe teka Ju ma teka kumahe Ju ati kako hukuma hetekie kapin. Ti aweisal tewau ien wasolakako i sawi.

1 Timoti 3:16

Lawe waliko ti Haeu hatakei hani seilon sale Jises Krais se pate tuah ma salan wanen. Masin ti tenen pak i ukek, Jises Krais i sohot seilon wanen. *Holi Spirit kola hani kaha ka i tel Nati Haeu. Teka *engel ningahi i muhin ti Haeu xahateniwa i ti matean. Ti Haeu waxi i hani tonan, i kola lalape pohen ma soliaian. Teka kahikahi Krais kaxi sasawateni mengon hani teka seilon ti tesol tesol ape kilan ti laha soh tetan.

Hibru 6:19

Masin ti teik xuot, i hapeti kongini tea wa lehe waxi i kum man, tin masin na kako mon atengi hawane waliko ti Haeu kakawen i aile, i haxoxo namilokako tetan ma kako pakata hamalum kapin. I neini kako hani *tesol Tuah Tapein ti Haeu ti kako soh nonoa he teik maia.

Hibru 9:3

Tewaok liai tehiti teik maia akeak, laha axai Tuah Tapein ti Haeu.

Hibru 9:8

Ti sale usiai saun tesol ien, *Holi Spirit haxewa hani kaha ka hahalin ti teka seilon soh hani tesol Tuah Tapein ti Haeu nake laha tutuen hahitake tenen aweisal ti hukuminiai seilon hani Haeu usiai *nauna ti Moses. A tehu ing sosoxope ti Haeu i tu kikilami tenen aweisal ien.

1 Pita 3:18

Kum tataxini nake Krais tin i kauen lalape moloan. I mat ti kaui kawatan ti lialui woukaha ape matean tapai tehue. I tel sawisawin tapein i mat ukei totone teka seilon lialun lehe i hasolia wasolakaha seilon ma Haeu. Kalak teka seilon telei tupuan, Haeu xahateni aliake i ape tap tahi matean.

1 Jon 4:2

Kako tioi ka laha hahitake nenein ti Holi Spirit na laha ukek ka *Jises Krais i sohot hawane seilon he tehu pon ie.

2 Jon 1:7

Nga kak ukek ien nake ape kilan teka woinakon hanaui seilon kakai Haeu. Laha kum paxai tioi ka Jises Krais i sohot hawanewen seilon hanowi kaha ti i he tehu pon ie. Laha pupuluti seilon ma pahoxai puase Jises Krais.