Hahatakei Haeu 9:21 - Seimat

²¹ Tin laha tai aile lilioi teleiai seilon, apelaha ti hilihil, saun lialun ti wawan hehin ma saun ti xuxuina.

Hahatakei Haeu 9:21 ပူးပေါင်းရင်းမြစ်များ

Matiu 15:19

Waliko lialun ti i ahutama leilomuto se tetesol: namil lialun, na ulini ape telei seilon, xuinai axoi seilon liai, saun lialun ti wawan hehin, xuxuina, puputa ma kak halialui seilon liai.

2 Korin 12:21

Salan wanen, nga nanamiloi tahiaiak kapimuto uke Haeu tel Masiwi tetak kola hawane hani nga lialui woumuto ape i hahiena halialu nga. Ape tatahan lalap tunahi nga nake kilan ti amuto tai aka lilioi saun lialun ti wawan hehin, ti sikisiki tenen pate hienain wanen ma ti hongeniai isiai namilomuto ti sik.

Galasia 5:20

Kaha lotui waliko tenen kumahe Haeu. Kaha hina apekaha ti hiliai seilon. Kaha watakai teka liai ma kaha seilon tenen weli hilehil. Kaha lohaini teka liai. Kaha lengeini halialu seilon. Kaha lawe halepean. Kaha aile axi wasole seilon ma hukuma hani mewenae kapi teka namilolaha onoteni kaha.

Hahatakei Haeu 13:13

I aile hasohotu waliko tenen lalap tataen hamosui ah ti he maun patul hanima tehu pon ie ti puli lawe seilon.

Hahatakei Haeu 13:15

Tok manihuh i sohotule leili hepekeun, i uke poh ti axiai hanawain hani hosai tok manihuh i ahutama itax lehe i kak uke. Ape tel na i watakai lotuiai hosaun, i hani laha telei.

Hahatakei Haeu 13:7

I uke poh ti hil tikei seilon ti Haeu. Ape i to tel masiwi ti teka seilon ti lawe xux ma lawe nenex, kakaialaha tenen tenen.

Hahatakei Haeu 14:8

Muhin nga ningahi tel engel usian. I kak ukek, “*Babilon, tehu taon lalap i manan lialuen. Lehe ape lialui teka seilon ti Babilon! Laha neini hakalala seilon ti xux texux texux ti husele lialui woulaha.”

Hahatakei Haeu 16:6

Teka seilon lialun teleiwen tesol kuluiai kakaiam ma seilon tetam liai. Ti matealato kakaulato kukumim hawane, aile ape Haeu hamakaka lawe kan ti unum kahi tesol teletele ien.”

Hahatakei Haeu 17:2

Teka masiwi ti xux texux texux laha akati tel hehin ien ailei lawe waliko ti Haeu watakai. Ape teka seilon liai ti tehu pon ie laha hana hatapo tupualaha ailei saun lialun ien nake ti xoxoi isiai pahalaha.”

Hahatakei Haeu 17:4

Tel hehin pupuxui puxux tenen kakai xewan ma kakai ati polun. Paxaian solian wanen. He tinun hina pis ani gol ma hat tenen pate tuah. I akekeni tehu kapi ani gol tuahe leilon xuhai waliko pate lialun masin waliko tenen kohan. I kola lalape lialui woi tel hehin ien.

Hahatakei Haeu 17:5

He kawan hina kakain i kikilami lialui pupuasan, i ukek, “Nga se *Babilon tehu taon lalap. Nga tel tini teka weli ailei saun lialun ma lawe waliko ti Haeu watakai hawane seilon aile.”

Hahatakei Haeu 18:3

Teka Babilon neini hakalala seilon ti xux texux texux usiai kilai lialui woulato. Ape laha hani hatapo tupualaha ailei saun lialun ien nake ti xoxoi isiai pahalaha. Teka masiwi ti xux texux texux laha akati teka Babilon ailei lawe waliko ti Haeu watakai. Ape teka hangainiai soxi uke hakila hawane moni ti hamasamas ti teka Babilon.”

Hahatakei Haeu 19:2

Paxai kolongenian tetan ti woi seilon se salan ma sawisawin. I axi hawane kawatan hani *Babilon nake laha masin tel hehin weli ailei saun lialun. Laha neini hakalala kilan seilon ti ailei waliko ti Haeu watakai. I kahui aliake hani laha nake laha telei teka unauan.”

Hahatakei Haeu 21:8

“Tuahe teka laha mamata ailei pupuasak, teka laha tale tehitolaha hani nga, teka laha to ailele waliko tenen ti hahien, teka teleiai seilon, teka ailei saun lialun ti wawan hehin, teka laha hapuasa apelaha hiliai seilon, teka laha lotui waliko liai kumahe Haeu ma teka seilon ti puputa, laha hatesol kane ah ti hina salfa, waliko tenen poun i telei seilon. Pate tap tahi tapoi kaui kawatan ien.”

Hahatakei Haeu 22:15

Melal ti tehu taon ti Haeu, teka seilon pate lialun wanen, teteka laha hapuasa apelaha hiliai seilon, teka ailei saun lialun ti wawan hehin, teka teleiai seilon, teka laha lotui waliko ti kumahe Haeu ma teka laha wangiti saun ti puputa.

Hahatakei Haeu 9:20

Teteka seilon ti tolunen waliko ien tai telei laha, tin laha tai totowiahu ti lialui woulaha. Laha lotui kakapitini *spirit lialun ma waliko tenen laha tua tanomi ani gol, silva, brons, pot ma pata. Tesol waliko ien kum pon i paxapax, hong ma tin kum nahih uke tuahe laha lotui hanowi ka Haeu.