Hahatakei Haeu 8:12 - Seimat

¹² Ti tel engel liai kuiniwa tehu suhusuhaun, tenen waliko i aile halialu tenon ti alon, pangapang ma kohot. Aile ape al tai kam tenon ti ngain tehu ma pangapang hetekie kohot tin i tai kam tenon ti ipong tehu.

Hahatakei Haeu 8:12 ပူးပေါင်းရင်းမြစ်များ

Matiu 24:29

“Muhi kawatan ien, “ ‘al i kum kam, pangapang i kum xeu, kohot ti he maun i put, hatesol waliko ti he maun i nuea.’ (Isa 13:10, 34:4)

Matiu 27:45

Ti lape ngain, hatehu xux i tilok ti leili aua toluhu.

Mak Meng solian ti Jises tataiai Mak 13:24

“Muhi kawatan ien, “ ‘al i kum kam, pangapang i kum xeu,

Mak Meng solian ti Jises tataiai Mak 15:33

Ti lape ngain, hatehu xux i tilok ti leili aua toluhu.

Luk Meng solian ti Jises tataiai Luk 21:25

Ape Jises kak tatale ukek, “Taen ien waliko tenen tenen i sohot hani alon, pangapang ma kohot, i hamatau seilon. Seilon ti hatesol xux laha mamata hawane ma to akiaki nake taun ti weu ma teletele.

Aposel 2:20

Imat ti tehu ngain lalap ti sohotui *Krais tel Masiwi al i tilok a pangapang i sohot kakan masin kaka.

2 Korin 4:4

*Satan, tetel i neneini kilan seilon ti tehu pon ie, i aile hapulaxa laha ape laha kum soh ti Jises Krais. Aile ape laha kum paxai tioi meng solian ti Jises Krais ti i hahaxewa lalape xewaian, pohen ma soliaian. Laha kum tua xeu wanen ka Jises Krais se puki masin alia Haeu.

Hahatakei Haeu 12:4

I xai wakoteni kolohen ape i haputa tenon ti kohot he maun hani itan. I tu mate tel hehin apepeas halekei tel akaik tataen ti na i ahutama.

Hahatakei Haeu 16:10

Ti tel engel liai tihiwa lohe tehu kapieun haniwa tehu totoan tuah ti tok manihuh tumun kalimen i ahuma itax, tilokoan atuhi hahutuia i ma teka seilon i neneini ape ti lalape moloan laha atalahi hamekimeki nisulaha.

Hahatakei Haeu 6:12

Imuh nga ningahi tok sipsip uluha ien tose tehu papakat liai ti teik pepa tuah. Ti i tosewa, xux nuea eliel hawane. Alon i kum kam ape i tilok hawane. Pangapang sohia hahutuia hani kakan masin wanen kaka.

Hahatakei Haeu 9:15

Tesol engel ien hoi liai Haeu apeseniwen lehe i hapuasa ti tehu ngain ie. Ape tel engel oxoxi lioi lato ti teleiai tenon ti teka seilon ti tehu pon ie.

Hahatakei Haeu 9:18

Totolunen waliko i ahutama he awe hos se pate lialun wanen, i telei tenon ti teka seilon ti tehu pon ie.