Hahatakei Haeu 21:22 - Seimat

²² Nga tai ningah tunah tehu na ingi lotu leili tehu taon ien nake Haeu tel Masiwi pohen tapein ma tok sipsip uluha lalu se ien ti lehe seilon lotui.

Hahatakei Haeu 21:22 ပူးပေါင်းရင်းမြစ်များ

Matiu 24:2

Ape Jises ukek, “Amuto sasameni tesol ing ie. Nga kakane hawane amuto, imuh laha toi hamanana ape tesol pot ti tesol ing i put silahota.”

Jon Meng solian ti Jises tataiai Jon 10:30

Nga ma tel Tamak Haeu amili pakata xox hahawane, amili masin seilon tel.”

Jon Meng solian ti Jises tataiai Jon 13:32

Nake ti tenen ien, kum kue Haeu tin i kola lalape pohek ma soliaiak tel Natun.

Jon Meng solian ti Jises tataiai Jon 4:21

Jises hone i, “Hong sohoma nga, taun i luluainima ape ewi na seilon lotui Haeu tuahe na tesol, kumahe mewenae he tehu maunten ie ma leili Jerusalem.

Jon Meng solian ti Jises tataiai Jon 4:23

Tehu taun ti i luluainima se liai ape ie ti seilon lotu sameni tel Tamalaha Haeu ti leili atelaha nake *Holi Spirit neini lotu ti laha. Saun ti lotu tenen ien Haeu pahan.

Kolosi 1:19

Nake ti puki namili Haeu, tel Natun hina lawe waliko masin i, tel Taman.

Kolosi 2:9

Kum hong usiusi laha. Kalak Krais i sohotuma seilon hanowi kaha, i se Haeu wanen.

Hahatakei Haeu 1:8

Haeu tel Masiwi ukek, “Nga se *Alfa ma *Omega, tetel ti hutuiai ma tiliai lawe waliko. Nga hoi liai ti imat, aope ma tin nga luluainima tutuen. Nga tel poh tapein.”

Hahatakei Haeu 11:17

Lato ukek, “Haeu tel Masiwi tel pohen tapein, tetel ti imat ma aope ie, amite kak kemulik hani o nake ti lalape pohem o hutuiwen neiniai lawe waliko.

Hahatakei Haeu 14:4

Lato tetesol lato hani hatapo tupualato usiai nauna ti Haeu ma aile hawanei pupuasan. Haeu kahui ahutiwen lato ti lialui woulato leili teka seilon liai ti tehu pon ie. Lato masin waliko tenen solian tapein ti pahalaha hani Haeu ma tok sipsip uluha. Lato halini puki lato ti ailei tuahe tenen na waliko lialun ape alomeni tupualato ailei lawe waliko ti Haeu pahan. Lato kahiti tok sipsip uluha tesol tesol na i neini lato.

Hahatakei Haeu 15:3

Ape lato papakui tenen paki Moses tel unaui Haeu ma tok sipsip uluha i ukek, “Tel Masiwi Haeu tel pohen tapein, soliai lalape pupuasam. Tel Masiwi ti hatesol seilon, woum, kakaiam ma pupuasam lawe sawisawin ma salan.

Hahatakei Haeu 16:14

Tetesol spirit ien lawe lato ailele waliko tenen lalap ti neini hakalalai seilon ape lato lua hani tesol tesol apuhiniai teka masiwi ti lawe xux ti tehu hilehile. I sohot ti ngain lalap ti Haeu tel pohen tapein ti i hiniti lawe seilon.

Hahatakei Haeu 16:7

Lokon ien nga hong tenen kinax wixima tesol *tone waliko ti haniai Haeu, i ukek, “Haeu tel Masiwi tel pohen tapein, salan wanen ka paxai kolongenian tetam ti woi seilon se sawisawin. Aile ape tesol kawatan o hahani ie se sawisawin.”

Hahatakei Haeu 19:15

He awe tel neinialato tea ngol ahutama pate angian i uke ti lehe i waxaini teka watakaian. Nenein tetan hani laha pate ahian. Ti kolai lalape lengei Haeu i aile halialu laha masin tel i towi huai greip hani leili teik pipisih ape pexi hunui kanun.

Hahatakei Haeu 4:8

Lato tel tel hina paulato masin pai manixux tuahe paulato tepanim tehu. Kilan pulalato he paulato, patul ma hahitakan. Ngain ma ipong lato to kakak ukek, “Haeu tel Masiwi i sawisawin tapein ma tel poh tapein. I hoi liai ti imat, aope ma tin i luluainima tutuen!”

Hahatakei Haeu 5:6

Muhin nga ningahi tok sipsip uluha tanoman masin ka totok laha teleimu. I tutu kapi tehu totoan tuah, kakalini i tetesol hinalo seilon ma tetesol 24 masiwi. He patun tepanim huohu sulaun ma tepanim huohu pulan lato kikilami *Holi Spirit tel pate pohen ti Haeu talo hani hatesol xux he tehu pon ie.

Hahatakei Haeu 7:15

“Aile ape laha hahamalum kapi Haeu mate tehu totoan tuah tetan ape ngain ma ipong laha ailele puasan leili tehu Ingan. Ape ngangahat tetan i kalauhi laha.

Hahatakei Haeu 7:17

I sohot ukek ien nake totok sipsip uluha kapi Haeu i ngangahati ma neneini laha hani Haeu masin ti na kinawe seilon pate paxepaxen ape tel i neini laha hani tehu kan. Ape tatahan kum hatangi ulei laha nake Haeu xaxaweni hatapo lawe kawatan.”