Hahatakei Haeu 21:15 - Seimat

¹⁵ Tel engel i kaakane nga i akekeni teik pata ani gol ti kolongeniai lape tehu taon, tehu tiehan ma aweingun.

Hahatakei Haeu 21:15 ပူးပေါင်းရင်းမြစ်များ

Hahatakei Haeu 21:12

I hina titieh pate xawaxawan ma tiatian ani pot hetekie huopanim huowau aweing. Ti tewau tewau, tel engel petenian. He kahip ti tesol aweing ien hina axe huopanim huosol nenex ti teka seilon ti *Israel.

Hahatakei Haeu 21:16

Hahinalopaun ti tehu taon welualato se tenenawe. Weluan tin masin tiaun. Ti tel engel kolongeniwa lapan, i tunahi ka weluan sai 2,220 kilomita. Tiaun ma xawaian lapan tin masin weluan.

Hahatakei Haeu 21:21

Tesol huopanim huowau aweingi tehu taon laha uke tanomian hat tenen pate tuah a lalap. Lalape tehu ti tesol hat ien i pon tanomiai tewau ti tesol aweing. Hatesol aweisal leili tehu taon se ani gol, xewaian masin malewai kalas haun.

Hahatakei Haeu 21:25

Tap tahi konginiai tesol aweingi tehu taon nake tap ipongoan.