Hahatakei Haeu 19:6 - Seimat

⁶ Muhin nga hong ulea masin kinaxe seilon kilan. Tangian masin tangiai tainiai mau ma tonui kuhuh. Lato tilol eliel ukek, “Kako haxawawa Haeu! I tel Masiwi ti kako pohen tapein, i neini lawe waliko.

Hahatakei Haeu 19:6 ပူးပေါင်းရင်းမြစ်များ

Matiu 6:13

O kum hahani amite totohong ailan lehe amite kum aile saun lialun. Ape awaiwa amite ti *Satan ma teka *spirit lialun tetan.’

Hahatakei Haeu 1:15

Titi aen talepalep hanowi samen tenen laha lui hauniwen. Kinaxon masin tonui tainiai mau lalap.

Hahatakei Haeu 1:8

Haeu tel Masiwi ukek, “Nga se *Alfa ma *Omega, tetel ti hutuiai ma tiliai lawe waliko. Nga hoi liai ti imat, aope ma tin nga luluainima tutuen. Nga tel poh tapein.”

Hahatakei Haeu 12:10

Muhin nga hong tenen kinax lalap ti tone Haeu ukek, “Taun ape i tahiawen ti Haeu awai seilon ti lawe waliko lialun. I kola lalape pohen ma soliai nenein tetan. Ape *Krais, tetel i taloma, i tel Masiwi ti lawe waliko. Satan ape laha towi ahutiwen ti tone Haeu. I tel kemuk i tutu mate Haeu suluiai teka kahikahi Krais lawe ngain ma ipong.

Hahatakei Haeu 14:2

Ape nga hong tenen kinax ti *tone Haeu masin tangiai tainiai mau ma tonui kuhuh. Tangian masin wanen na kilan seilon xaxai harp.

Hahatakei Haeu 19:1

Muhin nga hong masin kinaxe seilon kilan ti tesol *tone Haeu lato kak eliliel ukek, “Kako haxawawa axe Haeu! I tel Masiwi ti kaha, tel awaiakaha pate pohen ma solian tapein.

Hahatakei Haeu 19:4

Tetesol 24 masiwi ma tetesol hinalo seilon, lato lokuha lakua hani itan lotuiai Haeu ti i toto he tehu tonain tuah. Lato kak eliel ukek, “*Salan wanen. Kako haxawawa axe Haeu!”

Hahatakei Haeu 21:22

Nga tai ningah tunah tehu na ingi lotu leili tehu taon ien nake Haeu tel Masiwi pohen tapein ma tok sipsip uluha lalu se ien ti lehe seilon lotui.

Hahatakei Haeu 4:5

Ahuma he tehu totoan tuah xepai usil ma tangiai kuhuh. Mateiwaun tepanim huohu lul kamakam. Lato kikilami Holi Spirit, tetel pate pohen.

Hahatakei Haeu 6:1

Muhin nga ningahi tok *sipsip uluha ien i tose tehu ti tesol tepanim huohu papakat ti he teik pepa tuah. Ape nga hong tel ti tetesol hinalo seilon i tilol hanowi tangiai kuhuh ukek, “Kiliwama!”

Hahatakei Haeu 8:5

Muhin tel engel waxi nawal xoan he tesol *tone waliko ti haniai Haeu, i lohi hani tehu kapi ape i towi hani tehu pon itan. Ti i towiwa, i hatano lalape tonui kuhuh, xepai usil ma xux i nuea eliel.