Hahatakei Haeu 18:15 - Seimat

¹⁵ “Ape teteka seilon totonalato soli ti hangainiai soxi hani teka Babilon, lato tu siasia nake sale lalape kawatan ti teka Babilon i hamatau lato. Lato tang tahane ukek,

Hahatakei Haeu 18:15 ပူးပေါင်းရင်းမြစ်များ

Mak Meng solian ti Jises tataiai Mak 11:17

Ape i kakane nau laha, “Kakai Haeu ukek, “ ‘Tehu ingak ing ti lotu ti lawe seilon.’ ” (Isa 56:7) Ape Jises ukek, “Tuahe amuto aile hanowi ka ing ti tone munai teka xuxuina.” (Jer 7:11)

Aposel 16:19

Ti tesol masiwi tetan tioiwa ka aweisal ti hatanoi moniulato keitawen, lato pohi Pol ma Sailas ape lato itini lalu hani teka masiwi ti Rom ti tehu taon ien, tetesol tone apuhai seilon.

Hahatakei Haeu 18:12

Tap wanen seilon kahuiai waliko tenen masin gol, silva, hat tuah, maia pate solian wexoan tenen tenen, pata tuah tenen poun solian ma waliko tenen laha tanomi ani nisi elefen, samen, pata tenen kahun lalap, brons ma pot tenen pate solian.

Hahatakei Haeu 18:13

Kemuk lato hahangaini waliko ti hanamui an, tesol waliko poun solian masin sanda, mer ma frankinsens, waen, wel, palawa ti an, komem, bulmakau, *sipsip, hos ma karis. Lato hangaini hehetekie tataen seilon.

Hahatakei Haeu 18:14

“Aope ie laha kakane teka Babilon, ‘Hatesol waliko solian ti lomuto al ape i tapo tamusuen. Lawe kilai soxiamuto tenen tuah ma kahun lalap ape i tapo kalutawen. Amuto kum pon uke aliakean.’

Hahatakei Haeu 18:19

Laha towi pekeun hani he patulaha kolai lalape tatahan. Laha tang kakak tutuen ukek, “ ‘Malehe ape lialui teka Babilon! Kemuk i tehu taon axan lalap. Teka huniwai waian lawe uke halapa moni ti hangaini hanialato soxi. Tuahe ti teik taun kukunun laha hamanana kalutini hatehu taon.’ ”

Hahatakei Haeu 18:3

Teka Babilon neini hakalala seilon ti xux texux texux usiai kilai lialui woulato. Ape laha hani hatapo tupualaha ailei saun lialun ien nake ti xoxoi isiai pahalaha. Teka masiwi ti xux texux texux laha akati teka Babilon ailei lawe waliko ti Haeu watakai. Ape teka hangainiai soxi uke hakila hawane moni ti hamasamas ti teka Babilon.”