Hahatakei Haeu 17:2 - Seimat

² Teka masiwi ti xux texux texux laha akati tel hehin ien ailei lawe waliko ti Haeu watakai. Ape teka seilon liai ti tehu pon ie laha hana hatapo tupualaha ailei saun lialun ien nake ti xoxoi isiai pahalaha.”

Hahatakei Haeu 17:2 ပူးပေါင်းရင်းမြစ်များ

Jon Meng solian ti Jises tataiai Jon 2:10

“Tel masiwi ti sala lawe i hanimu imat waen tenen pate solian ape imuh taen ti laha un ahoiwa, i hani waen ti kumahe pate solian. Tuahe o alolomeni waen tenen pate solian hani tapeinan.”

Hahatakei Haeu 14:8

Muhin nga ningahi tel engel usian. I kak ukek, “*Babilon, tehu taon lalap i manan lialuen. Lehe ape lialui teka seilon ti Babilon! Laha neini hakalala seilon ti xux texux texux ti husele lialui woulaha.”

Hahatakei Haeu 17:13

Lato neneini seilon hetekie namil teikawe ma lato hong usi hawane tok manihuh tumun kalimen.

Hahatakei Haeu 17:17

I sohot ukek usiwa namili Haeu. I hani tok manihuh tumun kalimen to masiwi atengi tataen hatesol kakaian sohot ponowiwa.

Hahatakei Haeu 17:5

He kawan hina kakain i kikilami lialui pupuasan, i ukek, “Nga se *Babilon tehu taon lalap. Nga tel tini teka weli ailei saun lialun ma lawe waliko ti Haeu watakai hawane seilon aile.”

Hahatakei Haeu 17:8

Tok manihuh tumun kalimen ien ti o niningahi, i kumahe moihin aope ie. Ti imat i moihin ape imuh tin i moih alia. I sohotule leili tewau wal pate walawalan wanen. Tuahe ti tapeinan Haeu telei tamusuke i. Kilan seilon laha ongake hawane taen ti laha paxaiwa tok manihuh ien. Laha se teteka seilon Haeu kum tai kongini axalaha lilian ti tanomiai lawe waliko lehe laha kum uke tonain kapin ti tap tahi tapoan. Laha ongake hawane nake kemuk tok manihuh ien moihin, muhin i mat ape i moih alia uleawen.

Hahatakei Haeu 18:23

Hatehu Babilon to leili tilokoan nake tap tenen i hahaxewa leilon. Tap amuamu tenen masin ti salasala i po sohot ulea ien. Haeu hani tesol kawatan ien nake teka hangainiai soxi leili Babilon laha uke ax lalap ti mongohe hamasamas ti teka seilon ti Babilon. Tin kilan teka Babilon lato ailele saun ti pipis ape lato neini hakalala teka seilon ti xux texux texux.

Hahatakei Haeu 18:3

Teka Babilon neini hakalala seilon ti xux texux texux usiai kilai lialui woulato. Ape laha hani hatapo tupualaha ailei saun lialun ien nake ti xoxoi isiai pahalaha. Teka masiwi ti xux texux texux laha akati teka Babilon ailei lawe waliko ti Haeu watakai. Ape teka hangainiai soxi uke hakila hawane moni ti hamasamas ti teka Babilon.”

Hahatakei Haeu 18:9

“Tetesol masiwi ti pon itan ie lato tuai teka Babilon ailei saun lialun ma amumuke soliai totonalato, lato tang tahane Babilon ti lato ningahi axui ah tule ti i lulua.

Hahatakei Haeu 2:22

“Aile ape teteka ti amuto to ailele saun lialun ti wawan hehin masin ti Jesebel hahanau, nga hatinu halialu amuto ape nga axi amuto kawatan tenen lalap, halik na amuto towiahu ti lialui woumuto.

Hahatakei Haeu 3:10

“Masin ti nga honewen amuto, saka amuto tu xox tatale tetak kalak kumahe malimun ti usian. Aile ape nga awai amuto ti tehu kawatan i luluainima ti lehe Haeu tohongi paxai woi lawe seilon.

Hahatakei Haeu 9:21

Tin laha tai aile lilioi teleiai seilon, apelaha ti hilihil, saun lialun ti wawan hehin ma saun ti xuxuina.