Hahatakei Haeu 17:18 - Seimat

¹⁸ Tel hehin o niningahi i tu kikilami teteka ti tehu taon lalap laha neneini teka masiwi ti tehu pon ie.”

Hahatakei Haeu 17:18 ပူးပေါင်းရင်းမြစ်များ

Luk Meng solian ti Jises tataiai Luk 2:1

Lokon ien Augustus tel masiwi tapein ti *Rom, hone teka unauan waxi hatapoi axe seilon ti Rom ma lawe xux hahitake ngahat ti Rom lehe i tioi mongohe seilon towiai moni hani Rom.

Hahatakei Haeu 11:8

Ti ngain toluhu tewaok tupualalu tua engeeng maten he aweisali tetehu taon lalap ti laha telei Jises tel Masiwi ti lalu. Tehu taon ien laha kolongeni hani *Sodom ma *Igip.

Hahatakei Haeu 12:4

I xai wakoteni kolohen ape i haputa tenon ti kohot he maun hani itan. I tu mate tel hehin apepeas halekei tel akaik tataen ti na i ahutama.

Hahatakei Haeu 16:19

Teka taon ti lawe xux manan. *Babilon tehu taon lalap, i kelaia uke he tolunon. Haeu tai maluhe lialui woi teka Babilon ape i hani laha an wakin ti kolai lalape lengean.

Hahatakei Haeu 18:2

I ausini eliel hawane, “Babilon tehu taon lalap i manan lialuen. Malehe ape lialui teka seilon ti Babilon! Tehu taon ien sohot tetesol ti kilai *spirit lialun ma manixux tupuxa tetenen hahalin ti seilon ani ingai.