Hahatakei Haeu 17:17 - Seimat

¹⁷ I sohot ukek usiwa namili Haeu. I hani tok manihuh tumun kalimen to masiwi atengi tataen hatesol kakaian sohot ponowiwa.

Hahatakei Haeu 17:17 ပူးပေါင်းရင်းမြစ်များ

Luk Meng solian ti Jises tataiai Luk 22:22

Nga *tel Nati Seilon, hoi liai nga mat masin ti Haeu namiloiwen. Tuahe Haeu axi hawane kawatan hani tel hangainiak.”

Luk Meng solian ti Jises tataiai Luk 22:3

Taen ien Satan ape i puas leili Judas Iskariot, tel ti tesol huopanim hua *aposel.

Luk Meng solian ti Jises tataiai Luk 22:37

Waliko ti Haeu kakawen i sohot hani nga, sikole ape i sohot ti i ukek, ‘Laha aile hani i hanowi tel seilon woun lialun.’ ” (Isa 53:12)

Jon Meng solian ti Jises tataiai Jon 10:35

Amuto tioi ka kakai Haeu lawe sawisawin ma tuah. Na Haeu ukek ka teka masiwi ti seilon tetan se haeu na laha teka ti hong usiai kakaian, alahan amuto ukek nga teheni hahalialu Haeu ti nga ukek nga tel Nati Haeu? Nga pakata xoxox kapi tel Tamak Haeu. Puki i kilami nga ailei pupuasan ape i taloma nga ailean.

Jon Meng solian ti Jises tataiai Jon 13:18

Jises kakak tutuen ukek, “Waliko tenen ti lehe nga kak, kumahe nga kakak amuto hatesol. Nga tioi hawane amuto, tetesol nga kilamiwen tetak. Tuahe waliko ti lehe i sohot hoi pepai Haeu kakawen ukek, ‘Tetel i ang kapik masin ka tel lohuk xoxoan, i tale tehiton hani nga watakaiak.’ (Ps 41:9)

Jon Meng solian ti Jises tataiai Jon 13:2

*Satan hoi i hanamiloawen Judas tel nati Saimon Iskariot hangainiai Jises hani teka teleian.

Jon Meng solian ti Jises tataiai Jon 19:24

Aile ape lato ukek, “Kako kum lexi sei. Kako halokeni satu upiai tel waxian.” Waliko ien i sohot haponowiai teik kakain leili pepai Haeu. I ukek, “Lato sei tesol sosok maia wasolalato ma halokeni satu waxiai tehu atuhiai puxuauk.” (Ps 22:18) Ape salan, tesol seilon ti hile aile ukek ien.

Jon Meng solian ti Jises tataiai Jon 19:28

Jises tioi ka hatesol puasain ti tel Taman talo i aile ape i hatapoen. Lehe kakain ti pepai Haeu i sohot poponowi, Jises ukek, “Kinawek paxepaxen, pahak nga un.” (Ps 22:15, 69:21)

2 Korin 8:16

Aope ie nga taloa Taitus hani kapimuto. Nga kak kemulik wanen hani Haeu nake Taitus tin haeliel hawane ti hualiamuto hanowi nga.

Hahatakei Haeu 10:7

Taen ti na tel engel tapeinan kuiniwa tehu suhusuhaun, hatesol waliko ti Haeu tai hatakei hani seilon ape i sohot poponowi masin ti i kakanewen teka unauan ti kuluiai kakaian.”

Hahatakei Haeu 15:1

Imuh tenen waliko pate lalap ma tuah wanen sohotuma tesol *tone Haeu. Nga ningahi tepanim hua *engel ti axiai tepanim huohu kawatan tiliai lengei Haeu.

Hahatakei Haeu 17:13

Lato neneini seilon hetekie namil teikawe ma lato hong usi hawane tok manihuh tumun kalimen.

Hahatakei Haeu 19:9

Ape tel *engel kakane nga, “Taiwa tetenen, ‘Haeu amumuke teka i ilowi hani tehu angiain lalap ti salai tok sipsip uluha.’ ” Tin i ukek, “Tesol kakain ien se kakain salan i ahuma ti Haeu.”

Hahatakei Haeu 6:11

Ape tel tel ti lato uke tehu puxux papaxaxun a weluwelun. Muhin Haeu hone lato ka nutomu atengi tataen ti teleiai teka akikilato ti *Krais, teka tuaulato ailei puase Haeu mongohualato i meiwa ti Haeu kilamiwen.