Hahatakei Haeu 17:16 - Seimat

¹⁶ Tok manihuh tumun kalimen ma tetesol masiwi ti teka sula tu kikilami, imuh lato watakai ma pahoxai tel hehin ailei saun lialun. Lato waxi lungei hatapo soxian ape i makahul wanen ti lawe waliko. Lato aile halialu tamusuke i masin na oha nimai anan. Ape lato towi i hani he ah.

Hahatakei Haeu 17:16 ပူးပေါင်းရင်းမြစ်များ

Hahatakei Haeu 12:3

Muhin tenen waliko liai tin pate lalap sohotuma tesol tone Haeu. Nga ningahi tok loloma kakan pate lalap wanen tepanim huohu patun. Tesol patun hina tah ani gol ma huopanim sula.

Hahatakei Haeu 16:12

Ti tel engel liai tihiwa lohe tehu kapieun haniwa tehu kan axan Epratis, i nun paxe apeseniai aweisali tesol masiwi ti angiha.

Hahatakei Haeu 17:10

Tepanim ti lato laha hatapoen ti masiwi, tel toto tutuen masiwi ma tel ulea i po sohot masiwi tuahe nenein tetan teik kukunun.

Hahatakei Haeu 18:19

Laha towi pekeun hani he patulaha kolai lalape tatahan. Laha tang kakak tutuen ukek, “ ‘Malehe ape lialui teka Babilon! Kemuk i tehu taon axan lalap. Teka huniwai waian lawe uke halapa moni ti hangaini hanialato soxi. Tuahe ti teik taun kukunun laha hamanana kalutini hatehu taon.’ ”

Hahatakei Haeu 18:8

Aile ape Haeu axi hulutini lato kawatan, tenen masin matemate, tatahan ma hitolo. Ape Babilon i lua he ah atengi tataen tuahe palong. I sohot ukek nake Haeu tel sulualato se Masiwi tapein.”

Hahatakei Haeu 19:18

Ngongoma ani xixioi masiwi ti xux, masiwi ti teka seilon ti hile, teka hahitakalaha, xixioi hos ma teka kiliwakealaha ma xixioi lawe seilon, teka unaui seilon ma teka kumahe unaui seilon, teka axalaha lalap ma teka tap axalaha.”