Hahatakei Haeu 16:5 - Seimat

⁵ Ape nga hong tel engel masiwi ngahatiai lawe kan ti tehu pon itan ukek, “Haeu, tel sawisawin tapein, o hoi liai ti imat ma aope. Haniai tesol kawatan ie se sawisawin nake paxai kolongenian tetam ti woi seilon se sawisawin.

Hahatakei Haeu 16:5 ပူးပေါင်းရင်းမြစ်များ

Jon Meng solian ti Jises tataiai Jon 17:25

“Tel Tamak, tel pate sawisawin, teka seilon kumahe tetam laha kum tioi o tuahe nga tioi hawane o ma teka kahikahik tioi ka o taloma nga.

Rom Teik pasi Pol hani teka kahikahi Jises Krais ti Rom 2:5

Tuahe tap amuto nam waxi. Ailai patumuto halenge aheheke Haeu hani tataen ti hinitiai lawe seilon ti i axi kawatan hani teka ailei saun lialun, usiwa sawisawiai paxai kolongenian tetan.

Rom Teik pasi Pol hani teka kahikahi Jises Krais ti Rom 3:5

Uke teka ti amuto namiloi ukek, na masin lialui woukako i kola hawane ka Haeu se pate sawisawin, kaie i poponowi na i kahui kako ti lialui woukako? Nga tua kak hahanowi paxapaxa ti seilon.

Hahatakei Haeu 1:4

Nga tai hahani teka kahikahi Jises Krais laha leili tepanim huohu taon ti texux xux Asia. Nga kamei Haeu, *Holi Spirit ma Jises Krais kola haniamuto lalape soliaialato ma hatona hasoliai tiamuto. Haeu hoi liai ti imat, aope ma tin i luluainima tutuen ma Holi Spirit liai lawe kapin, tetel neiniai lawe waliko.

Hahatakei Haeu 1:8

Haeu tel Masiwi ukek, “Nga se *Alfa ma *Omega, tetel ti hutuiai ma tiliai lawe waliko. Nga hoi liai ti imat, aope ma tin nga luluainima tutuen. Nga tel poh tapein.”

Hahatakei Haeu 11:17

Lato ukek, “Haeu tel Masiwi tel pohen tapein, tetel ti imat ma aope ie, amite kak kemulik hani o nake ti lalape pohem o hutuiwen neiniai lawe waliko.

Hahatakei Haeu 16:4

Ti tel engel liai tihiwa lohe tehu kapieun haniwa lawe kan ti unum ti tehu pon itan, lawe kan kolita hani kaka.

Hahatakei Haeu 16:7

Lokon ien nga hong tenen kinax wixima tesol *tone waliko ti haniai Haeu, i ukek, “Haeu tel Masiwi tel pohen tapein, salan wanen ka paxai kolongenian tetam ti woi seilon se sawisawin. Aile ape tesol kawatan o hahani ie se sawisawin.”

Hahatakei Haeu 19:2

Paxai kolongenian tetan ti woi seilon se salan ma sawisawin. I axi hawane kawatan hani *Babilon nake laha masin tel hehin weli ailei saun lialun. Laha neini hakalala kilan seilon ti ailei waliko ti Haeu watakai. I kahui aliake hani laha nake laha telei teka unauan.”

Hahatakei Haeu 4:8

Lato tel tel hina paulato masin pai manixux tuahe paulato tepanim tehu. Kilan pulalato he paulato, patul ma hahitakan. Ngain ma ipong lato to kakak ukek, “Haeu tel Masiwi i sawisawin tapein ma tel poh tapein. I hoi liai ti imat, aope ma tin i luluainima tutuen!”

Hahatakei Haeu 6:10

Lato tilol eliel hawane ukek, “Haeu tel Masiwi tapein, tel sawisawin tapein ma salan wanen, malehe ape kuehuan ia na o paxai kolongeni woi lawe seilon ti tehu pon ie ape o kahui aliake hani teka laha telei amite?”