Hahatakei Haeu 14:7 - Seimat

⁷ I kak eliel ukek, “Kolawa lomuto haniwa Haeu ma haxawawa axan nake taun i xohiwen ti i paxai kolongeni woi lawe seilon ma i axi kawatan hani teka seilon lialun. Lotu sameniwa i, tel i tanomi maun aheah, tehu pon itan, kanitax ma lawe kan ti tehu pon ie.”

Hahatakei Haeu 14:7 ပူးပေါင်းရင်းမြစ်များ

Matiu 25:13

Ape Jises ukek, “Aile ape amuto pax petawa ma apeasawa nake amuto kum tioi lokon wanen aliaiak.”

Luk Meng solian ti Jises tataiai Luk 17:18

Mewenae tel seilon ie aliama kak kemulik hani Haeu a i kumahe Ju.”

Aposel 14:15

Lalu tilol ukek, “Kalahai amuto aile saun tetenen? Amili tuahe seilon masin amuto. Amili ie ti kaxi haniamuto meng solian ti Jises lehe amuto kum lotui haeu tenen kumahe salan ma kum pon hualiai seilon. Amuto lotuiwa Haeu telawe, tetel i tanomi hatesol waliko ti patul, hatesol hepekeun ti itan ie ma itax ma waliko ti heihon.

1 Pita 4:7

Tapoi tehu pon itan ie ape i xohiwen. Aile ape namilomuto kewa xewan ma tahiwa lialui isiaiamuto lehe i huali lotu ti amuto.

Hahatakei Haeu 11:13

Tataen ien wanen, xux nuea eliel. Teik ti huopanim ti lawe waliko leili tehu taon lalap i manan ape 7,000 seilon mat. Teteka laha kuosel ti tenen kawatan ien, ti mataualaha laha haxawa axe Haeu tel pate tuah.

Hahatakei Haeu 11:18

Teteka seilon laha kum lotui o, laha lengeini o tuahe taun ti o leng pahoi lato ape i tahiawen. Aope ie se taun ti o paxai kolongeni woi lawe seilon ti laha matewen. Ape o kahui hasolia teka unauam ti kuluiai kakaiam, teteka laha haxawa axam ma hatesol seilon tetam kalak axalaha lalap ma na kumahe. Ape o aile halialu tamusuke teteka laha aile hahalialu lawe waliko ti tehu pon ie.”

Hahatakei Haeu 15:4

Lehe aita tel na tap lon tetam? Lehe aita tel na kum haxawa axam? Mewenae o tetel sawisawin tapein. Hatesol seilon lotu sameni o nake laha ningahiwen sawisawiai pupuasam.”

Hahatakei Haeu 16:9

Ti laha lulua he kekei alon, laha to kak sasaxuti Haeu, tel Masiwi haniai tesol kawatan ien. Tin laha kum towiahu ti lialui woulaha ma laha kum haxawa lalape axan.

Hahatakei Haeu 18:10

Lato tu siasia nake sale lalape moloan ti teka Babilon uke, i hamatau lato. Lato eseini ukek, “ ‘Malehe ape lialui teka Babilon! I tehu taon axan lalap tuahe ti teik taun pate kukunun ape lato kewen kawatan.’

Hahatakei Haeu 18:17

Tuahe ti teik taun pate kukunun laha hamanana hatapo kilai soxiamuto!’ “Hatesol huniwai waian, teka maho, teka kukuoxi laha ma teka laha waxeni totonalaha puasain ti itax, tin laha tu siasia.

Hahatakei Haeu 18:19

Laha towi pekeun hani he patulaha kolai lalape tatahan. Laha tang kakak tutuen ukek, “ ‘Malehe ape lialui teka Babilon! Kemuk i tehu taon axan lalap. Teka huniwai waian lawe uke halapa moni ti hangaini hanialato soxi. Tuahe ti teik taun kukunun laha hamanana kalutini hatehu taon.’ ”

Hahatakei Haeu 19:5

Ape tenen kinax ahuma ti tehu tonain tuah ti tone Haeu, i ukek, “Hatesol unaui Haeu, teteka axamuto lalap ma teteka tap axamuto, amuto teteka hina lomuto ti Haeu, sameniwa i.”

Hahatakei Haeu 4:11

“Haeu tel Masiwi ti amite, tapai hawane amite haxawa axam ma sameni lalape pohem nake o tetel tanomiai lawe waliko. Lawe waliko ti o tanomiwen i ahuma ti puki namilom.”

Hahatakei Haeu 4:9

Tapai na tesol hinalo seilon ien kak kemulik ma haxawa axe tetel i toto he tehu totoan tuah, tesol 24 masiwi lawe lato lokuha lakua mateiwaun ape lotui i, tetel tap tahi matean. Tesol tah he patulato ti kolai masiwialato, lato hana xaxaweni hani mateiwai tehu totoan pate tuah. Ape lato ukek,

Hahatakei Haeu 8:10

Ti tel engel liai kuiniwa tehu suhusuhaun, tehu kohot lalap i xekexek hanowi lul, i putalih he maun hani tenon ti kan ti unum he tehu pon itan.