Hahatakei Haeu 13:6 - Seimat

⁶ I kak saxuti Haeu ma halialu hetekie axan. Tin i kak halialu hetekie tesol tonan ma teka laha toto ien.

Hahatakei Haeu 13:6 ပူးပေါင်းရင်းမြစ်များ

Matiu 12:34

Amuto masin noh! Amuto kak ukek ia kakain solian na amuto seilon lialun? Kakain ti seilon ahuti i ahutama ti namilon.

Matiu 15:19

Waliko lialun ti i ahutama leilomuto se tetesol: namil lialun, na ulini ape telei seilon, xuinai axoi seilon liai, saun lialun ti wawan hehin, xuxuina, puputa ma kak halialui seilon liai.

Jon Meng solian ti Jises tataiai Jon 1:14

Tetel i Kakain i sohot seilon hanowi kaha ape i luama to kapi kaha ti tehu pon itan ie. Kaha ningahi lalape pohen ma soliaian, tel pate tuah wanen i luama ti Haeu tel Taman. Tap tel soliaian masin tetan. Ti soliaian i kola lalape wawahen ti Haeu hani kaha ape i kola hatakei lawe waliko salan ti Haeu.

Rom Teik pasi Pol hani teka kahikahi Jises Krais ti Rom 3:13

“Awalaha mewenae kohan. Laha seilon ti weli pipis. Kakaialaha sisiaian wauni puliweu.” (Ps 5:9, 140:3)

Kolosi 1:19

Nake ti puki namili Haeu, tel Natun hina lawe waliko masin i, tel Taman.

Kolosi 2:9

Kum hong usiusi laha. Kalak Krais i sohotuma seilon hanowi kaha, i se Haeu wanen.

Hibru 9:2

Tesol ien se tehu *ing sosoxope ti Haeu masin kolakol ka i kapi seilon tetan. I selaia uke he huaok. Tewaok ti leilon tehu tutuhi lul tuah ma tehu sau hetekie bret tenen ti laha kilamiwen haniai Haeu. Tetesol ien laha axai Pate Tuah ti Haeu.

Hibru 9:24

Kumahe Jises soh to hani tehu ingi Haeu meini seilon ti i tua ukekene tetehu ti tone Haeu. I soh to hani tesol tuah ti Haeu ti tesol tonan ape i tuke kaha hani Haeu.

Hahatakei Haeu 11:12

Muhin lalu hong tenen kinax tiloma tesol *tone Haeu, “Lua hanima patul.” Ape teteka seilon watakaialalu laha papaxai ti lalu luluainiwa he teik maun hani tesol tone Haeu.

Hahatakei Haeu 12:12

Aile ape amuto tetesol toto ti tone Haeu, amuamua! Tuahe lehe ape lialui lawe waliko ti tehu pon itan ma kanitax nake Satan ape i mos haniwen ien. Lon pate lialun nake i tioi ka ngainun pate ape kukunun.”

Hahatakei Haeu 15:5

Muhin *Ingi Haeu ti tesol tonan i hea ape nga ningahi tesol Pate Tuah ti Haeu.

Hahatakei Haeu 18:20

Ape tenen kinax ti tone Haeu kak tatale ukek, “Amuto teka ti tone Haeu, amuamua. Teka kuluiai kakaian, teka *aposel ma teka seilon ti Haeu liai, amukewa waliko tetenen ien. Haeu ape i kahui aliake hani teka Babilon lawe waliko lialun lato aile haniwen amuto.”

Hahatakei Haeu 21:3

Ape tenen kinax ahuma ti tehu totoan tuah ti tone Haeu, i kak eliel ukek, “Hongoa! Tataen ie ahua, Haeu aile tonan kapi teka seilon tetan ape i to hamalum kapi laha. I neini laha ape laha pakata xox kapin.

Hahatakei Haeu 4:1

Muhi tesol waliko ien, *Holi Spirit hanamiloa ulea nga ape nga ningahi tewau aweing hean ti *tone Haeu. Tin nga hong ulea lalape tenen kinax masin tangiai suhusuh. I wix ukek, “Lua hanima kapik patul lehe nga kola hani o waliko ti na i sohot muhin.”

Hahatakei Haeu 4:4

Tin 24 totoan tuah liai kakalini i hetekie 24 masiwi toto ien. Puxuaulato papaxaxun ma patulato hin tah tenen ani gol.

Hahatakei Haeu 5:13

Ape nga hong lawe seilon ma manihuh ti tone Haeu, he tehu pon ie ma hahitakan hetekie ti itax, laha pak ukek, “Kako sameniwa lalape pohe tetel i toto he tehu totoan tuah hetekie tok sipsip uluha. Kako haxawawa axalalu lian tehue.”

Hahatakei Haeu 7:15

“Aile ape laha hahamalum kapi Haeu mate tehu totoan tuah tetan ape ngain ma ipong laha ailele puasan leili tehu Ingan. Ape ngangahat tetan i kalauhi laha.

Hahatakei Haeu 7:9

Muhin nga ningahi teka kilai seilon mongohualaha kaha kum pon wexean. Laha ti lawe xux, nenex tehu tehu ma kakaialaha tenen tenen. Laha tutu mateiwai tetel Masiwi i toto he tehu totoan tuah ma totok *sipsip uluha kapin. Puxuaulaha papaxaxun a weluwelun ma laha akekeni kai hatoh.