Hahatakei Haeu 12:9 - Seimat

⁹ Tok loloma lalap ien i se *Satan, tetel hoi i pupuas ti imat wanen, lokon ti i tanoma hanowi weiko. Lawe i neini hakalala seilon ti ailei saun lialun. Ape muhi tehu hilehile, laha towi ahuti i ma tesol tuaun hani tehu pon itan ie.

Hahatakei Haeu 12:9 ပူးပေါင်းရင်းမြစ်များ

Matiu 13:39

Tel seilon i seini kango ien se Satan. Ngain ti tahiwiai ane peteta i kikilami tapoi lawe xux itan ie. Teka unaui tel tame kin se teka *engel, spirit solian ti Haeu.

Matiu 24:24

Hina seilon puputa sohotuma ukek ka laha Krais ma teka ukek laha kuluiai kakai Haeu. Laha aile hasohotu waliko lalap tenen tenen ape laha tohongi pulutiai teka seilon ti Haeu.

Matiu 25:41

“Ape nga hone teka sai kalamau tetak, ‘Amuto xaxaua kapik. Amuto teteka seilon amuto uke kawatan ti tel Tamak Haeu hani amuto. I towi amuto hani he tehot ah tap tahi pehoan i apeseni haniwen *Satan ma teka *spirit lialun tetan.

Matiu 4:1

Muhin *Holi Spirit kapiti Jises hani he lohong lehe Satan tohongi haputaian.

Matiu 4:10

Jises kak pahoi i, “Nahih xaxaua Satan! Teik pepai Haeu i kak ukek, “ ‘Lotuiwa mewenae Haeu tel Masiwi ma ailewa mewenae puasan.’ ” (Deut 6:13)

Matiu 4:5

Muhin Satan hakahita Jises hani Jerusalem ape hatuhi i he teik tumi *Ingi Haeu patul wanen.

Matiu 4:8

Satan hakahita ulei Jises hani tehu maunten patul wanen ape kola hani i hatesol xux ma soliai waliko ti tehu pon itan ie.

Luk Meng solian ti Jises tataiai Luk 10:18

Jises hone lato, “Ti amuto xaxaweni spirit lialun, i kola ka Haeu to xoxoini *Satan. Ien masin wanen usil xepalih he maun.

Luk Meng solian ti Jises tataiai Luk 13:16

Tel hehin ie, tel kahi nati *Abraham, *Satan kapiti hahalialu leili ahang 18. Nakon lialun ti oxoxiai tel hehin telao Sabat?”

Luk Meng solian ti Jises tataiai Luk 22:3

Taen ien Satan ape i puas leili Judas Iskariot, tel ti tesol huopanim hua *aposel.

Luk Meng solian ti Jises tataiai Luk 22:31

Jises kakane Pita ukek, “Saimon hongoa! Haeu sowini hani Satan puas eliel tohongi lali amuto hatesol na xoxoi namilomuto hani Haeu i tapo. Ie masin wanen peni api laha selai ti apieun.

Luk Meng solian ti Jises tataiai Luk 8:12

Aweisal ti waki maia put to, kikilami teka seilon laha hong kakai Haeu. Tuahe *Satan tahiama ape i xaxaweni kakain ien ti laha lehe laha kum soh Haeu ape Haeu kum awai laha ti kawatan ti lialui woulaha.

Jon Meng solian ti Jises tataiai Jon 12:31

Aope ie teka seilon ti tehu pon ie laha tu ti sulusulu nake ti lialui woulaha. Tuahe taun ape i tahiawen ti nga waxaini xaxaweni *Satan tel i neini hahalialu laha.

Jon Meng solian ti Jises tataiai Jon 14:30

“Nga kum kak kue kapimuto nake *Satan lehe i tohongi aile halialuak. Tuahe pohen i kum pon kui pohek.

Jon Meng solian ti Jises tataiai Jon 16:11

Holi Spirit kola ka Haeu hoi i namiloiwen ukek ka i axi kawatan hani *Satan tel neini halialui seilon ma hani teteka ti ailei saun lialun.

Jon Meng solian ti Jises tataiai Jon 8:44

Ien se nake amuto nati tel tamamuto Satan ma pahamuto wanen puas usiai namilon. Ti pate uli hutuan, i tel halialu tamusukei seilon ma i kum xeisa waxi waliko tenen salan nake tap wanen i kakak waliko tenen salan. Ti i kak puputa, i aile ti puki saun tetan nake i weli puputa ma i se tel tame puputa.

Aposel 26:18

O haxewai pulalaha waxi laha towiahu ti tilokoan hani xewan, ti pohe *Satan hani Haeu lehe Haeu oxoxi laha ti kawatan ti lialui woulaha. Ape laha selaia hani ailei puasan nake namilolaha xoxoan tetak.’

Aposel 5:3

Pita ukek, “Ananaias, nake lahan o hani lioi *Satan kapiti namilom ape o aile puluti *Holi Spirit ti akeni kongini aliakei teik moni ti kahi hepekeun?

Rom Teik pasi Pol hani teka kahikahi Jises Krais ti Rom 16:18

Seilon tenen ien, laha kumahe unaui Krais tel Masiwi ti kako, laha tua usiusi isiai tupualaha. Malimun ti laha pulutiai teka seilon soholakawi nake laha anesoke hawane towi hapaui kakain ti itiniai namili seilon.

Rom Teik pasi Pol hani teka kahikahi Jises Krais ti Rom 16:20

Soh hawanewa ka Haeu, tetel i hatona hasolia tiakako ma wasolakako tel tel, i halialu tamusuke koseni pohe *Satan tetel lawe i pupuas ti halialui wasolamuto. Nga kamei Haeu lehe Jises tel Masiwi ti kako aile kola lalape soliaian hani amuto.

2 Korin 11:14

Nga kum tataxini na i sohot ukek ien nake puki Satan putini uke na i hanowi engelai Haeu hetekie xewaian.

2 Korin 11:3

Tuahe i hamatau nga uke amuto hongeni seilon tenen puputa neini hakalala soliai pakataiamuto kapi *Krais hanowi ti *Satan i uke tanome weiko ape puluti hakalala *Iv.

2 Korin 12:7

Kilan waliko tuah Jises Krais hatakei hani nga. Tuahe Haeu hongeni hani *Satan hapuasa tel unauan ti axi kapitiniak kawatan lehe i kongini nga ti hanasanasakei tesol waliko ien. Tenen kawatan ien masin ka kui unun sahea kokongina leili kinawek.

2 Korin 2:11

Pahak amuto hong usiwa kakaiak sale tel seilon ien lehe *Satan kum pon neini hakalalaiamuto. Pake kako tioi sale nonosenan.

2 Korin 4:4

*Satan, tetel i neneini kilan seilon ti tehu pon ie, i aile hapulaxa laha ape laha kum soh ti Jises Krais. Aile ape laha kum paxai tioi meng solian ti Jises Krais ti i hahaxewa lalape xewaian, pohen ma soliaian. Laha kum tua xeu wanen ka Jises Krais se puki masin alia Haeu.

Epesus 4:14

Na i sohot ukek ien, teka hanaui waliko tenen puputa laha kum puluti uke kako. Kako kumahe masin akaik kokol lehe namilokako i sohisohia hanowi koap tenen laman ma aupol tua towi ahuahu ma na kai pata tenen aupol tua paxeni lalolal.

2 Tesalonika 2:3

Kum hahani tel na seilon puluti amuto nake tehu ngain ien i kum sohotumu atengi tataen kilan seilon tale tehitolaha hani Haeu ti ailei saun lialun. Imat ti tehu ngain ien tin tel seilon pate lialun wanen i sohot kouke, tetel i pahoxai Haeu ma watakai hawane hatesol nauna tetan. Tetel seilon ien hoi liai kane tehot ah tap tahi pehoan, tetesol ti Haeu aile halialu tamusuke i.

1 Timoti 2:14

Kumahe Adam tel *Satan puluti, i puluti tel hehin ape i tahi kakai Haeu.

2 Timoti 3:13

Ape teka seilon pate lialun ma teka woinakon hanaui kakai Haeu, saun ti laha i lialu ma lialu hawane ti laha puluti teka seilon liai ma puki alia laha.

Hibru 2:14

Nake kako teka nati Haeu se seilon, Jises tin i takah hanowi kaha seilon lehe pon i mat ukei totonakaha. Ti matean i halialu tamusuke *Satan, tetel nenein tetan mewenae kane matemate.

1 Pita 5:8

Kewa namilomuto xewan ma kanipetiwa *Satan tel pahoxaiamuto. I masin tok oha lengean na i sasaxax teleiai anan.

1 Jon 5:19

Kako tioi ka kako se nati Haeu a teka seilon laha kumahe tetan, laha se hahitake nenein ti Satan.

Jud Nauna ti Jud hani teka kahikahi Jises Krais 1:9

Tuahe Maikel, tel engel pate tuah ti Haeu, i kum kak halialu *Satan ti Satan pahan i waxi tupui *Moses. I tua ukek, “Puki Haeu tel Masiwi tumeam.”

Hahatakei Haeu 12:12

Aile ape amuto tetesol toto ti tone Haeu, amuamua! Tuahe lehe ape lialui lawe waliko ti tehu pon itan ma kanitax nake Satan ape i mos haniwen ien. Lon pate lialun nake i tioi ka ngainun pate ape kukunun.”

Hahatakei Haeu 12:3

Muhin tenen waliko liai tin pate lalap sohotuma tesol tone Haeu. Nga ningahi tok loloma kakan pate lalap wanen tepanim huohu patun. Tesol patun hina tah ani gol ma huopanim sula.

Hahatakei Haeu 12:7

Tehu hilehile sohot hahutuia ti tesol tone Haeu. Maikel tel *engel ma tesol engel hahitakan lato hilei tok loloma lalap ien ape tok loloma ma tesol tuaun hil pahoi.

Hahatakei Haeu 12:8

Tuahe laha kum pon waxainiai Maikel ma tesol engel hahitakan ape lato usi xaxaweni laha ti tesol tone Haeu.

Hahatakei Haeu 13:14

Lokon ti i aile tesol waliko lalap ien ti hahitake axe totok manihuh i ahutama itax, i neini hakalala teka seilon. Ape i lungei laha tanomiai tok manihuh hanowi tanome totok i ahutama itax, totok laha hamange ani ngol tuahe i moihin tutuen.

Hahatakei Haeu 16:14

Tetesol spirit ien lawe lato ailele waliko tenen lalap ti neini hakalalai seilon ape lato lua hani tesol tesol apuhiniai teka masiwi ti lawe xux ti tehu hilehile. I sohot ti ngain lalap ti Haeu tel pohen tapein ti i hiniti lawe seilon.

Hahatakei Haeu 18:2

I ausini eliel hawane, “Babilon tehu taon lalap i manan lialuen. Malehe ape lialui teka seilon ti Babilon! Tehu taon ien sohot tetesol ti kilai *spirit lialun ma manixux tupuxa tetenen hahalin ti seilon ani ingai.

Hahatakei Haeu 18:23

Hatehu Babilon to leili tilokoan nake tap tenen i hahaxewa leilon. Tap amuamu tenen masin ti salasala i po sohot ulea ien. Haeu hani tesol kawatan ien nake teka hangainiai soxi leili Babilon laha uke ax lalap ti mongohe hamasamas ti teka seilon ti Babilon. Tin kilan teka Babilon lato ailele saun ti pipis ape lato neini hakalala teka seilon ti xux texux texux.

Hahatakei Haeu 19:20

Tuahe tel seilon ien pohi kongini tok manihuh ien hetekie tok manihuh i sohotule leili hepekeun, totok kemuk i aile hasohotu waliko tenen lalap hahitake axe totok manihuh i ahutama itax. Tesol waliko lalap ien i aile ti neini hakalalai seilon, teteka laha uke teik kikilam ti tok manihuh i ahutama itax ma laha lolotui hosaun. Ape ati lalu laha towi hahamoiha hani he ah ti hina salfa, waliko tenen poun i telei seilon.

Hahatakei Haeu 2:13

“Nga tioi amuto toto leili taun ti Satan neini hahawane kilan seilon. Tuahe saka amuto hamalum tatale kahikahik wanen ma amuto tai aka lioi xoxoi namilomuto tetak. Kalak ti lokon laha telei tel unauak pate solian axan Antipas leili tehu taon ti amuto, amuto tu xoxox tutuen tetak.

Hahatakei Haeu 2:24

“Tin hina kakaiak hani amuto teka liai leili Tiatira, teteka ti kumahe amuto usiusi tenen saun ien ma waliko ti laha ukek kakain tuah ti Satan hatakei hani teka unauan. Nga kum hakawata aheke amuto na tenen.

Hahatakei Haeu 2:9

“Nga tioi kawatan tenen tenen ti laha hahani amuto ma tin ti amuto tap soxi. Tuahe amuto xuhai waliko ti Haeu. Nga tioi hina seilon laha kaxi sawateni kakain puputa sale puasamuto. Tin laha ukek laha se *Ju teka seilon ti Haeu tuahe salan tetan laha seilon ti *Satan.

Hahatakei Haeu 20:10

Ape laha towi xoini Satan tel pulutiai seilon hani leili ah ti hina salfa, waliko tenen poun i telei seilon. Ien tetesol ti laha towiwen totok manihuh i ahutama itax ma totok manihuh i sohotule leili hepekeun. Ape lawe ngain ma ipong lato lamani moloan tenen tap tahi tapoan.

Hahatakei Haeu 20:8

Ape Satan puluti tatale teka seilon ti lawe xux. Laha axai teka seilon ien Gog ma Magog. I apuhini apeseni laha ti tehu hilehile lalap. Kilaialaha masin puli hepekeun, kaha kum wexe uke.

Hahatakei Haeu 3:9

A teka laha putini laha seilon ti lotuiai Haeu, tuahe salan tetan laha seilon ti *Satan, nga aile lehe laha lokuha lakua hani aemuto ape laha hatesol paxai tioi ka nga waheni amuto.

Hahatakei Haeu 9:1

Ti tel *engel liai kuiniwa tehu suhusuhaun, nga ningahi tehu kohot kemuk patul he maun ape i put haniwen he tehu pon ie. I moih hanowi seilon. Haeu sowini hani i heiai mate tewau wal pate walawalan wanen.

Hahatakei Haeu 9:20

Teteka seilon ti tolunen waliko ien tai telei laha, tin laha tai totowiahu ti lialui woulaha. Laha lotui kakapitini *spirit lialun ma waliko tenen laha tua tanomi ani gol, silva, brons, pot ma pata. Tesol waliko ien kum pon i paxapax, hong ma tin kum nahih uke tuahe laha lotui hanowi ka Haeu.