Galasia 4:13 - Seimat

¹³ Amuto nameni ka nga tinun ti uli nga kaxi ahutiwa *meng solian ti Jises Krais hani amuto.

Galasia 4:13 ပူးပေါင်းရင်းမြစ်များ

Matiu 4:23

Jises nahih hani tesol tesol ti Galili hahanau teka seilon leili *synagog, ing ti apuhai teka *Ju. I kakaxi meng solian ti Haeu neini seilon ape i aile hasolia teka hina nax tenen tenen.

Aposel 16:6

Pol, Sailas ma Timoti lato lua non wasole Prigia ma Galasia nake *Holi Spirit lon kum al lato kaxi kakai Haeu hani teka seilon ti Asia.

1 Korin 2:3

Tinuk i uke he tap kuin, i akiaki ma xexex ti nga kakak kapimuto.

2 Korin 10:10

Nga kak ukek nake hina seilon laha ukek ka kakaiak leili pasuk pate ahian ma kuin wanen ti lungeiai seilon, tuahe ti na nga kapi laha nga masin seilon tenen tap ailelean ma kakaiak laha nam teheni.

2 Korin 11:30

Na laha aile kungati nga ti sameniak, pamu nga amuke non kaxi kolai waliko ti nga tae.

2 Korin 11:6

Nga uke kumahe anowian ti towiai kakain tuahe nga hina anesoin. Ala amuto tioiwen nake amite kola hakila haniwen amuto leili hanauan ti amite.

2 Korin 13:4

Kalak laha tahi hakea telei i hanowi ka i tap poh, aope ie ti pohe Haeu i moihin. Amite tin kakau kawatan ma moloan nake ti *Jises, tuahe ti pohe Haeu amite pakata xoxox kapin ma pupuas wasolamuto.

Galasia 1:6

Ti lalape wawahen ti Krais ma soliaian, Haeu aile hasohotu amuto seilon tetan. Nga kum amemene wanen kiliwaian ka amuto talewen tehitomuto hani Haeu ape amuto hong soh kakain liai tenen ti meng solian ti Jises Krais.

Galasia 4:12

Tesol akikik ti Krais, nga kamei eliel amuto, oxoxiwa amuto ti hahitake nauna ma saun ti lotu ti teka Ju hanowiwa nga ti ape nga oxoxa hanowiwen amuto ti imat. Amuto tai hong watakai kakaiak lokon ti nga kapimuto.

Galasia 4:14

Lialui naxe tinuk i tohongi lali amuto ti hong watakaiai kakaiak ma paxai teheniak. Tuahe amuto tai aile. Amuto waxi auni nga hanowi ka nga tel *engel ti Haeu ma na puki alia Jises Krais.

Galasia 4:18

Solian na amuto hong usi hawane seilon tuahe mewenae na kakaialaha sawisawin. Kakain sawisawin tetak amuto usiwa lawe ngain, kumahe mewenae na nga kapimuto.