Epesus 6:17 - Seimat

¹⁷ Amuto soh eliel hawanewa ka Haeu awaiwen amuto ti kawatan ti lialui woumuto masin tel seilon i hana tehu kapu samen awaiai patun taun ti hile. Ape hapuasawa kakai Haeu. I masin tea ngol weluwelun ti hile *Holi Spirit haniwen paumuto. Aile ape amuto hapuasawa ti hil pahoiai Satan.

Epesus 6:17 ပူးပေါင်းရင်းမြစ်များ

Matiu 4:4

Jises pahoi i, “Leili pepai Haeu i kak ukek, “ ‘Seilon ala i hana hatapo namilon hani kakai Haeu kumahe an.’ ” (Deut 8:3)

Matiu 4:7

Jises hone i, “Leili pepai Haeu tin i kak ukek, ‘Kum totohongi Haeu tel Masiwi.’ ” (Deut 6:16)

Epesus 5:26

I mat lehe kako sohot seilon tetan. Ti kako hong soh kakai Haeu ape kako uke *baptais, Krais xaxaweni lialui woukako ape i aile kako sohot seilon haun ti usian.

1 Tesalonika 5:8

Tuahe kako seilon ti ailei waliko tenen sawisawin. Aile ape kako tahiwa isiai pahakako ti ailei waliko tenen lialun. Namilokako kewa xoxoan hani Krais hetekie lalape wawahen. I awai kako masin teik samen ti awaiai patanawe seilon leili taun ti hile. Tu xox tatalewa ti namilokako ka Jises i awai kako ti kawatan ti lialui woukako. Xoxoi tenen namil ien i awai kako masin tehu kapu samen seilon hapuasa awaiai patulaha taun ti hile.

Hibru 4:12

Kakai Haeu hina poh ma pupuasan. I akulai puase ngol tenen hahupaun pate angian i koti hawalohu uke tupui manixux ma kelai hetekie tataen wekin ma kuin. Tin masin kakai Haeu i soh taponga hawane hani leili namilokaha ti kola hatakeiai isiai pahakaha ma woukaha.

Hibru 6:5

Tin laha paxai tioiwen soliai kakai Haeu. Laha ilameniwen waliko tenen lalap Haeu aile ti pohen. Poh tenen ien tin i hapuasa telok ti i luluainima.

Hahatakei Haeu 1:16

I akekeni tepanim huohu kohot he tepaun minan manau ma tea ngol hahupaun angian sohotuma he awan. A kawan i kamakam hanowi alon ti lalape ngain.

Hahatakei Haeu 12:11

Lato waxaini Satan nake *Jises Krais mat ukei kawatan ti lialui woulato. Tin lato waxaini i ti lato kaxi ahuhuti kakai Haeu. Ape lato kum nomuhini matealato ti kolai xoxoi namilolato ti Jises Krais.

Hahatakei Haeu 19:15

He awe tel neinialato tea ngol ahutama pate angian i uke ti lehe i waxaini teka watakaian. Nenein tetan hani laha pate ahian. Ti kolai lalape lengei Haeu i aile halialu laha masin tel i towi huai greip hani leili teik pipisih ape pexi hunui kanun.

Hahatakei Haeu 2:16

Aile ape towiahua ti tesol waliko ien. Na tap, kum kue nga luama ti hil pahoxaiamuto tea ngol he awak i se kakai Haeu pate tuah.