Epesus 4:10 - Seimat

¹⁰ Ape tetel i mos hanima itan he tehu pon ie, i tin tetel i lua hani patul wanen lehe i hapono hatapo lawe waliko.

Epesus 4:10 ပူးပေါင်းရင်းမြစ်များ

Matiu 24:34

Nga kakane hawane amuto, hina seilon ti aope ie laha kum matemu atengi tataen waliko ien i sohot.

Luk Meng solian ti Jises tataiai Luk 24:44

Muhin i hone lato, “Ti nga tutuen kapimuto nga honewen amuto ka waliko ti laha taiwen leili pepai Moses, teka kuluiai kakai Haeu ma leili pepai *Salm i kakak nga, liai i sohot poponowi.”

Jon Meng solian ti Jises tataiai Jon 1:16

Ti lalape soliaian i to aile hasolia hawane hahani kaha.

Jon Meng solian ti Jises tataiai Jon 19:24

Aile ape lato ukek, “Kako kum lexi sei. Kako halokeni satu upiai tel waxian.” Waliko ien i sohot haponowiai teik kakain leili pepai Haeu. I ukek, “Lato sei tesol sosok maia wasolalato ma halokeni satu waxiai tehu atuhiai puxuauk.” (Ps 22:18) Ape salan, tesol seilon ti hile aile ukek ien.

Jon Meng solian ti Jises tataiai Jon 19:28

Jises tioi ka hatesol puasain ti tel Taman talo i aile ape i hatapoen. Lehe kakain ti pepai Haeu i sohot poponowi, Jises ukek, “Kinawek paxepaxen, pahak nga un.” (Ps 22:15, 69:21)

Jon Meng solian ti Jises tataiai Jon 19:36

Tesol waliko ien i sohot haponowiai teik kakain leili pepai Haeu, i ukek, “Tap tea na kuin laha otohi.” (Exod 12:46; Num 9:12; Ps 34:20)

Aposel 1:11

Lalu ukek, “Tesol akiki Galili, alahan amuto paxai kakapitini maun? Tetel Jises, Haeu waxi hani patul kapin, tin i aliama masin ti amuto ningahi i luainiwa.”

Aposel 1:9

Muhin ti i kak kewa, Haeu waxi i hani patul kapin ti puli tesol kahikahin ape teik maun likihini i ti pulalato.

Aposel 2:33

Haeu hana Jises hani minan tepaun manau ti neiniai seilon ape hani i Holi Spirit masin ti i kakawen i aile. Tin i hahani kako Holi Spirit ape waliko ti amuto niningahi ma hongohong aope ie se pupuase Holi Spirit.

Aposel 3:18

Tuahe Haeu kakanewen teka kuluiai kakaian ape laha kak kilamiwen ka Krais tel Nati Haeu, liai i kau kawatan ape se i sohotuen.

2 Korin 12:2

Ahang 14 tamusuen Haeu hana sohi nga hani tesol patul ti tonan.

Epesus 3:19

Kalak tap tel i pon tioi hatapoi wawahen ti Krais, nga lotu huali amuto lehe amuto ilameni tioi wawahen tenen ien. Nga kamei Haeu hualiamuto ti usi hatapoi namilon ma woun lehe amuto sohot seilon sawisawin tapein hanowi i.

Kolosi 1:19

Nake ti puki namili Haeu, tel Natun hina lawe waliko masin i, tel Taman.

Kolosi 2:9

Kum hong usiusi laha. Kalak Krais i sohotuma seilon hanowi kaha, i se Haeu wanen.

1 Timoti 3:16

Lawe waliko ti Haeu hatakei hani seilon sale Jises Krais se pate tuah ma salan wanen. Masin ti tenen pak i ukek, Jises Krais i sohot seilon wanen. *Holi Spirit kola hani kaha ka i tel Nati Haeu. Teka *engel ningahi i muhin ti Haeu xahateniwa i ti matean. Ti Haeu waxi i hani tonan, i kola lalape pohen ma soliaian. Teka kahikahi Krais kaxi sasawateni mengon hani teka seilon ti tesol tesol ape kilan ti laha soh tetan.

Hibru 4:14

Aile ape kako aka kongini haxoxoa namilokako ti Jises Krais tel Nati Haeu. I tel masiwi tapein ti hukuminiakako Haeu, tetel ape i tahia kewen *tone Haeu. Tap tel ulea pamu masiwi.

Hibru 7:26

Jises tapai hawane ailei puasain ti hukuminiakaha hani Haeu nake i tel sawisawin tapein. Woun solian tapein, i selaia ti ailei hatesol saun lialun ape i hana hatapo tupuan ti ailei pupuase Haeu. Aile ape Haeu hani i tonain pate tuah tapein ti tesol tonan.

Hibru 8:1

Tuah wanen ti tesol kakain ie i ukek ka *Jises Krais se tel masiwi tapein ti hukuminiakaha hani Haeu, tetel i toto ti tesol tonain pate tuah ti *tone Haeu neiniai teka seilon.