Aposel 9:35 - Seimat

³⁵ Lawe seilon ti laha toto Lida ma Saron paxaiwa waliko ti i sohot hani Enias, laha towiahu ti lialui woulaha ape usi Haeu tel Masiwi.

Aposel 9:35 ပူးပေါင်းရင်းမြစ်များ

Aposel 11:21

Pohe Haeu huali lato ape kilan seilon hong soh meng solian ti Jises. Laha towiahu ti saun lialun ape usi Jises Krais tel Masiwi.

Aposel 15:19

Ape Jeims kak tatale ukek, “Aile ape nga namiloi ukek kako kum aile hahakawata teka kumahe Ju, teteka laha towiahu ti lialui woulaha ape usi Haeu.

Aposel 19:10

Ti leili ahang huohu i kaxi ahuti meng solian ti Jises hani teka Ju ma *teka kumahe Ju laha toto leili texux xux Asia. Ape kilan ti laha hong soh kakaian.

Aposel 19:20

Aile ape ti kui pohe Haeu, meng solian ti Jises sawat hani kilan seilon.

Aposel 2:47

Lato kak ma pak sameni Haeu ape lato amuke saun solian seilon liai aile hani lato. Lawe ngain Haeu hasoho palahi seilon hani kapi teka kahikahi Jises, teteka i awai laha ti kawatan ti lialui woulaha.

Aposel 4:4

Tuahe kilan teka laha hong meng ien, laha soh. Mongohe *kahikahi Jises han hani sai 5,000.

Aposel 6:7

Ape *meng solian ti Jises i sawat tatale. Mongohe kahikahi Jises leili Jerusalem kila kosea hawane. Lokon ien kilan teka *masiwi ti hukuminiai Haeu ma seilon laha sohot kahikahi Jises.

Aposel 9:34

Pita hone i, “Enias, Jises haewia o. Xahatawa! Lumiwa enepam.” Tataen ien wanen Enias xahat.

Aposel 9:42

Meng ti Pita hamoiha Tabita sawat kakalini Jopa ape kilan seilon soh ti Jises.

2 Korin 3:16

I xaxawena mewenae na lato towiahu xoxoi namilolato hani Jises Krais tel Masiwi.