Aposel 7:58 - Seimat

⁵⁸ Lato itini hahatete Stiven hani melal ti Jerusalem ape hokai i pot. Tesol seilon lato papaxai sale teleiai Stiven lato naxi teke puxuaulato patul. Lato hani tel seilon axan Sol peteni ape tin lato hokai telei Stiven.

Aposel 7:58 ပူးပေါင်းရင်းမြစ်များ

Luk Meng solian ti Jises tataiai Luk 4:29

Kakanua laha itini ahuti Jises hani melal ti Nasaret ape hakahita i hani ngixi tehu maunten kokol. Laha namiloi na laha sipeli i hani he sahikek.

Aposel 22:20

Ape ti laha hokai telei Stiven tel unauam ani pot, nga tutu ien. Puki nga paxai waheni. Nga tetel peteniai atuhiai puxui teka seilon laha hohokai i. Tuahe ape seilon paxai tioi ka nga towiahuen.’

Aposel 22:23

Ti laha leng ausisini, laha totowi atuhiai puxuaulaha ma towi sasapoxi hepekeun hani patul kolai lialui lolaha ti Pol.

Aposel 22:4

Imat nga aile halialu teka seilon laha usiusi aweisali *Krais ape teka, laha telei. Nga xoti wawan ma hehin. Nga xioti laha ani sen ape hana hani kalabus.

Aposel 26:10

Se pupuasak wanen ti leili Jerusalem. Na teka masiwi tuah ti hukuminiai Haeu ma seilon sowiniwa, nga xoti teka *kahikahi Jises ape hana hani kalabus. Tin nga waheni na telei lato.

Aposel 6:11

Ape laha xui ngah seilon liai ti kak kewak, “Amite hong Stiven kak halialu *Moses ma Haeu.”

Aposel 6:13

Ape laha hakahitama tesol seilon lato tua kak tanomi putini kakain. Teka ti lato ukek, “Stiven lawe i kak halialu tehu *Ingi Haeu ma *nauna ti Moses.

Aposel 7:57

Ti lato hongoa lato aka siponi taxingalato, lato ausini eliel hawane ape lato kiliwau nami Stiven.

Aposel 8:1

Sol paxai waheni ti laha telei Stiven. Ti ngain tehu ien teka seilon hutui axiai kawatan tenen lialun wanen hani teka *kahikahi Jises leili Jerusalem. Aile ape hatesol kahikahi Jises ox hani tesol tesol ti Judia ma *Samaria tuahe tesol *aposel lato hamalum Jerusalem.