Aposel 28:15 - Seimat

¹⁵ Tataen teka *kahikahi Jises ti Rom hongoa ka amite luluainiwa, lato lua tengeni amite. Tesol, lato apatuini amite tehu taon axan Apius Forum a tesol liai apatuini amite tesol axan Ing Toluhu. Ti Pol ningahiwa lato, leili tian i amuam hawane ape i kak kemulik hani Haeu.

Aposel 28:15 ပူးပေါင်းရင်းမြစ်များ

Jon Meng solian ti Jises tataiai Jon 12:13

Laha koti kai hatoh ape nahih titilol tengenian, “Kako haxawawa axe Haeu. Kako sameniwa ma amukewa tel i nahih hehetekiema poh ma solian ti Haeu! (Ps 118:25-26) Kako sameniwa ma amukewa tel Masiwi tapein ti *Israel!”

Aposel 1:15

Ngain telao, sai 120 kahikahi Jises laha apuha ape Pita tua i ukek,

Aposel 10:23

Ape Pita ilowi lato lawai i leili ing. Ti ngain liai telao Pita apeas kewa ape i kahiti tesol seilon Konilius taloma. Hina kahikahi *Jises ti Jopa tin laha kahitiwa lato.

Aposel 10:25

Ti Pita sohoa, Konilius nahih tengeni i ape lokuha matan.

Aposel 11:1

Tesol *aposel ma teka *kahikahi Jises liai ti tesol tesol ti Judia, lato hongoen ka *teka kumahe Ju tin laha hong soh kakai Haeu.

Aposel 11:12

*Holi Spirit kakane nga ka nga kahitiwa lato kum hahakila namilok. Tepanim tel kahikahi Jises ie tin lato kahiti nga hani Sisaria ape amite hatesol nahih hani leili ingi Konilius.

Aposel 12:17

Pita aile kola minan hani lato ka kum wixiwix ape i kaxi hani lato aweisal ti Haeu ahuti i ti kalabus. Ape i ukek, “Kaxi haniwa Jeims tel ukale Jises ma teka kahikahi Jises liai waliko ti i sohot haniwen nga.” Ape i nahih salili lato hani tesol liai.

Aposel 21:5

Tapeini ngain ti puasain tehu ien, amite nahih alia hani he tea waian. Hatesol *kahikahi Jises hetekie tesol axoalato hehin ma natulato nahih tapeini amite. Ti ien, amite hatesol lokuha ape amite lotu.

Aposel 28:14

Amite tunahi teka kahikahi *Jises ien ape lato ilowi amite to kapi lato puasain tehu. Muhin ien amite lua ulea hani Rom.

Rom Teik pasi Pol hani teka kahikahi Jises Krais ti Rom 15:24

Nga nanamiloi kane texux xux Spein. Ti aweisaluk hani ien, nga sotamu Rom ti paxaiamuto. Pahak nga to amuamumu teik kapimuto ape muhin amuto hualima nga ti tehu luaiak ien.

2 Korin 2:14

Kemulik haniwa Haeu, tetel lawe i neini huali kako ti xoiniai hatesol kawatan ma lawe waliko lialun nake kako pakata xoxox kapi Jises Krais. Haeu hapuasa kako ti sawateniai meng tenen ti i kakak sale Jises Krais. Ti kako aile tenen puasain ien, se masin ka poi tenen waliko pate solian i tah hani tesol tesol.

Galasia 4:14

Lialui naxe tinuk i tohongi lali amuto ti hong watakaiai kakaiak ma paxai teheniak. Tuahe amuto tai aile. Amuto waxi auni nga hanowi ka nga tel *engel ti Haeu ma na puki alia Jises Krais.

1 Tesalonika 3:7

Tesol akikimite ti Krais, kalak teka seilon axi amite kawatan ma moloan, xoxoi namilomuto ti Krais i hakui namilomite.

Hibru 13:3

Nameniwa hualiai teka leili kalabus. Aile haniwa laha hanowi na amuto kapi laha. Tin masin nameniwa teka laha kakau kawatan. Aile haniwa laha hanowi ka tin amuto kakau kawatan.