Aposel 15:32 - Seimat

³² Judas ma Sailas, huhua ti kaxi ahutiai meng solian ti Jises, tin lalu kak hakui xoxoi namilolaha ti Jises.

Aposel 15:32 ပူးပေါင်းရင်းမြစ်များ

Matiu 23:34

Nga kakane amuto, nga talo hani amuto teka kuluiai kakai Haeu, teka seilon aneso ma teka hanaui saun ti Haeu. Amuto telei teka, amuto tahi hakea teka he *kros, teka amuto heti leili synagog ape teka amuto usi haoxa hani toan tewau tewau.

Luk Meng solian ti Jises tataiai Luk 11:49

Nake ti tenen ien, ti anesoi Haeu hoi i kakawen ukek, ‘Nga talo teka kuluiai kakaiak ma teka *aposel hani teka *Israel. Laha telei teka ma aile halialu teka.’

Aposel 11:23

Ti i tahiawa i paxai solian ti Haeu aile hani teka Antiok ape i amuam hawane. I hone lato ti haxoxoi namilolato ti Jises Krais ma hani hatapoi tupualato ti wahenian.

Aposel 11:27

Ti lokon ien *teka kuluiai kakai Haeu ti Jerusalem lato lua hani Antiok.

Aposel 13:1

Leili teka kahikahi *Jises ti Antiok, Banabas, Simeon tel laha axai i Polun, Lusius ti Sairini, Sol ma Manaen, tel i lap tuaima *Herod Antipas. Tesol seilon ien lato teka kaxi ahutiai *meng solian ti Jises ma hanaui seilon sale usian.

Aposel 14:22

Lalu kakane hakui teka kahikahi Jises ape hone lato akeni kongini tatalei namil xoxoan ti Jises. Lalu ukek, “Kako tunahi kilan kawatan imat ti kako to kapi Haeu tel neiniakako lian tehue.”

Aposel 15:1

Tesol seilon ti Judia lato lua hani Antiok ape lato hutui hanaui teka *kahikahi Jises ukek, “Amuto ailewa *teik kikilam ti kotiai uli walikoumuto usiwa *nauna ti Moses. Na amuto kum aile ukek ien, Haeu kum awai amuto ti kawatan ti saun lialun ti amuto.”

Aposel 15:22

Tesol aposel, teka masiwi ti kahikahi Jises ti Jerusalem hetekie teka kahikahi Jises liai lato namiloi na hakau hina seilon hani Antiok akati Pol ma Banabas. Lato kilami Judas Basabas ma Sailas, huhua seilon ti teka kahikahi Jises sasameni.

Aposel 15:27

Amite hakaua Judas ma Sailas lehe tin lalu kaxi hani amuto waliko ti leili teteik kakain.

Aposel 15:3

Ti lato lua hahaniwa xux ti Penisia ma *Samaria kane Jerusalem, lato kaxi hahani teka kahikahi Jises aweisal ti *teka kumahe Ju laha sohot kahikahi Jises. Tenen meng ien aile hamuamua hawane teka kahikahi Jises ien.

Aposel 15:31

Ti laha hongoa, laha amuam hawane nake i hakui xoxoi namilolaha ti Jises.

Aposel 15:41

Ti lalu lua hahaniwa Siria ma Sailisia, lalu kak hahakui xoxoi namili teka kahikahi Jises.

Aposel 18:23

I to teik kukunun ien ape i lua hani huoxux xux Galasia ma Prigia. I kak hakui teka kahikahi Jises lehe laha puas usi tatale kakai Haeu.

Aposel 2:40

Kilan kakain tuah Pita kakane laha ape i kak haxoxo ma hanamena kapitini laha i ukek, “Na amuto hong tamani kakaiak, amuto salia ti hukuma akatiai teka seilon lialun ti aope ie.”

Aposel 20:2

Ti ien i kak hahaxoxo teka *kahikahi Jises ti toan tewau tewau. Ape muhin i tahia hani Akaia.

Rom Teik pasi Pol hani teka kahikahi Jises Krais ti Rom 12:6

Ti soliai Haeu i hapohea kako tel tel ti ailei waliko tenen tenen. Na tel ti kako Haeu hapohea i ti kaxi kuluiai kakaian, i kaxi hawanewa kakain ti i soh ka Haeu hatakei hani i.

Rom Teik pasi Pol hani teka kahikahi Jises Krais ti Rom 12:8

Na tel tetan ti hakuiai seilon liai, i hakui aluiniwa. Na tel tetan ti waxeniai teteka seilon laha tae soxi, i axi hawanewa ti wiai ongan. Na tel tetan ti neiniai seilon, i hani hatapoa tupuan ti neini aluinialaha. Ape na tel tetan ti kolai tatahan hani seilon, i aile kola hetekiewa amuam.

1 Korin 1:8

Pake Jises hahakui amuto atengi mateamuto lehe ti na i aliama, tap tel i po tieni amuto ti tenen.

1 Korin 14:29

Hua ma na tolu ti amuto kak kuluiwa kakai Haeu ape teka liai hong paxai matainiwa kakaialato.

1 Korin 14:3

Tuahe tel na i kukului kakai Haeu, i kakak hani seilon liai ti hakuialaha, ti haxoxoi namilolaha ti Haeu ma hewiai namilolaha lehe i pau.

1 Korin 14:32

*Teka kuluiai kakai Haeu laha konginiwa kakaialaha atengiwa taun ti laha kak.

Epesus 3:5

Kemuk Haeu tai hatakei tenen namilon ien hani teka seilon. Tuahe aope, *Holi Spirit kola hatakei haniwen teka *aposel ma *teka kuluiai kakai Haeu.

1 Tesalonika 2:11

Amuto tioi ka amite aile hahani amuto tel tel masin ti tel tame akaik solian i aile hani tel natun.

1 Tesalonika 3:2

Ape amite hakaua Timoti ukei totonamite. I tel akikimite ti *Krais, i pupuas ti Haeu sawateniai *meng solian ti Krais. Amite taloa i ti hakuiamuto ma haxoxoi namilomuto ti *Jises Krais.

1 Tesalonika 4:1

Tesol akikimite ti *Krais, ti amite kapimuto amite hanauen amuto saun tenen amuto usiwa lehe i hamuamua Haeu. Ape salan, amuto aile usi. Aope amite kamei eliel amuto hahitake axe *Jises tel Masiwi ti hapono ahekei tenen saun ien.

1 Tesalonika 5:14

Tesol akikimite ti Krais, amite kamei amuto nau elieliwa teka nunuxa ti ailei puasain, kakane hamatuawa teka laha mamata ma hiena, hualiwa teka tap kuilaha ma kum aile lilioi hualialaha. Lomuto kum lilialu na seilon aile talesi amuto.

1 Tesalonika 5:20

Kum hong wawatakai kakain ti Holi Spirit hanamiloa teka kahikahi Jises kakaxi.

2 Tesalonika 3:12

Ti hahitake axe tel Masiwi Jises Krais, amite hone eliel seilon tenen ien ka laha puas alua kapitawa ma auni aliakewa laha.

1 Timoti 2:1

Nga kakane eliel o ma teka kahikahi Krais kapim, amuto lotu hualiwa lawe seilon. Kameiwa Haeu hualialaha tenen ti na laha tap ape kak kemulik haniwa i.

2 Timoti 4:2

Kaxi ahutiwa *meng solian ti Jises Krais, kalak laha hong ma na laha kum hong waxi, ti leili taun solian ma na lialun. Kak hasawi elieliwa teteka laha ailele saun lialun tuahe kum leng kokosea. Kak haxoxoa teka seilon ti o hanau mamatuhini laha sale Jises Krais.

1 Pita 5:1

Nga ape hina kakain hani amuto tesol masiwi ti teka kahikahi Krais. Nga tin masiwi masin amuto ma ti puki pulak nga paxaiwen ti *Krais kau moloan. Ape taen i aliama, nga tuai hawane i ti lalape pohen ma soliaian ti lawe seilon paxai tioi imuh.

1 Pita 5:10

Tuahe malehe lalape solian ti Haeu. Pahan i hani amuto solian tetenen tap tahi tapoan nake amuto pakata xox kapi Jises Krais. Aile ape muhi kaui kawatan, Haeu haewia aliake amuto, hakui amuto ma haxoxo namilomuto lehe waxi amuto soh hamalum hawane ti soliai ngahat tetan.

1 Pita 5:12

Nga tatai teik pas ie hetekie huhual ti Sailas, tel akikikako ti Krais. I tel unaui Haeu wanen. Kilan tutuen kakain ti i tapai nga hone amuto tuahe nga tua tai kemuk ie ti hakuiamuto. Nga hone hawane amuto, lawe waliko nga tatai sale lalape soliai Haeu se salan wanen. Aile ape tu xox tatalewa tetan kalak na kawatan tunahi amuto.