3 Jon 1:7 - Seimat

⁷ Teka seilon ien lua hani tesol tesol ti ailei puase *Jises tel Masiwi ma lato kum uke huhual ti teka laha kum soh ti Haeu.

3 Jon 1:7 ပူးပေါင်းရင်းမြစ်များ

Jon Meng solian ti Jises tataiai Jon 15:21

Laha aile halialu amuto nake amuto kahikahik a laha kum tioi tetel i taloma nga.

Aposel 20:33

“Tiliai kakaiak, nga liai kumahe pahak moni ma na maia ti amuto.

Aposel 20:35

Ti lawe waliko nga aile, nga kola hani amuto ka mewenae na kaha puas eliel kaha pon hualiai teka tap kuilaha. Nameniwa kakai Jises ti i ukek, ‘Pamu amuam lalap na amuto hani, i xoini ti na amuto uke.’ ”

Aposel 5:41

Ti tesol aposel nahih saliliwa teka masiwi ti teka Ju, pate lato amuke ti Haeu hani lato kau kawatan nake lato kahikahi Jises.

Aposel 8:4

Teteka kahikahi Jises laha ox, laha kaxi *meng solian ti Jises hani tesol tesol.

Aposel 9:16

Ape nga hanau i ka liai i tunahi kawatan ma moloan nake i tel unauak.”

1 Korin 9:18

Aile ape waliko la kahuk? Solian tetak masin, nga amuam ka nga pon kaxi haniai seilon meng solian ti Jises Krais ti tap tel kahuiak. Nake ti tenen ien nga kum kamei tuahe na tel ti auniak kalak nga tel aposel.

2 Korin 12:13

Nga aile aluini hahani amuto masin ti nga aile haniwen teka kahikahi Krais liai. Tuahe nga kum sowini ukei huhual ti amuto ti ailei pupuasak nake hoi liai lato haponoen nga ma tin kumahe pahak nga hakawata amuto. Na amuto soh hawane ka tenen saun ien lialun, nga kamei amuto kum hahapeti lialui lomuto tetak he tiamuto.

2 Korin 4:5

Namiloi paxaiwa, kumahe amite lua kaxi aliliake amite. Amite hahanau seilon ka Jises Krais se tel Masiwi. Nake ti Jises Krais, amite se unauamuto ti kolai aweisal hani Haeu.

Pilipai 2:9

Aile ape Haeu haxawa hawane i ape hana i pamu tuah ti lawe seilon.

Kolosi 1:24

Nga amuam ti nga kakau moloan ti hualiamuto. Ape nga kau tatale tesol kawatan ien masin ti Krais kauen kawatan lehe i huali teka seilon tetan, teteka ti Krais neneini masin ti pati seilon kapiti tupuan.

3 Jon 1:8

Aile ape kako auniwa lato. Na kako aile ukek ien i kola ka kako tuaulato ti ailei puase Haeu ape seilon liai tioi kakain salan tetan.

Hahatakei Haeu 2:3

Saka amuto kau lungei tatale kawatan tenen tenen ti seilon hani amuto nake amuto kahikahik. Saka amuto kum aka lioi puasamuto.