2 Timoti 1:16 - Seimat

¹⁶ Nga kamei Haeu tel Masiwi ti aile kolai soliaian hani Onesiporus hetekie tesol lohe ingan nake lawe i aile hakui nga. I kum hiena puluhini ka nga leili kalabus.

2 Timoti 1:16 ပူးပေါင်းရင်းမြစ်များ

Matiu 25:17

Tel i waxi tom huohu, i hasohotu tom huohu liai.

Matiu 5:7

Haeu aile hasolia hani teka laha hina tatahan ti seilon liai. I tin hina tatahan ti laha.

Aposel 21:33

Ape tel masiwi Klodius xoti Pol. I hone teka unauan ka lato kewa huaik sen xinoti konginian. Ape i kamei teka kilai seilon, “Aita tel seilon ie? I ailewen waliko la?”

Aposel 28:20

Aile ape nga ilowima amuto ti kakak kapimuto. Ti nake monomon ti kako teka *Israel hani *Krais tetel Haeu taloma, laha xioti kalabusi nga sen.”

1 Korin 16:18

Nga soh amuto amuam hawane ti amuto hong ka lato hakui aliake nga. Seilon tenen ien, amuto paxai tioiwa ka laha seilon tuah.

Epesus 6:20

Haeu kilamiwen nga kaxiai meng solian ti Jises ape nga kalabusake tenen ien. Aile ape lotu hualima nga lehe Haeu hakui nga kaxi matuke tatalei meng solian ien masin ti i pahan.

2 Timoti 1:12

Nake ti tenen ien laha axi nga kawatan. Tuahe nga kum hiena puluhini ka nga leili kalabus nake nga tioi tetel namilok xoxoan tetan. Nga tioi hawane ka Haeu ngahati tenen meng solian ti i hani nga kaxi ahutian atengi ngain ti i hiniti hatesol seilon.

2 Timoti 1:17

Ti i tahiawa *Rom i upia eliel nga atengi taen i tunahi.

2 Timoti 1:18

Nga kamei Haeu tel Masiwi ti aile kolai soliaian hani i tataen ti hinitiai hatesol seilon. Pate o tioi ka Onesiporus huali hakilawen nga ti tehu taon Epesus.

2 Timoti 1:8

Aile ape kum nonomuha ti kaxi haniai seilon liai waliko ti o tioi sale Jises tel Masiwi ti kako ma kum hiena pupuluhini nga ka nga kakalabusake ailei puase Jises. Kalak seilon liai axi o kawatan nake o tel kahikahi Jises, tu xoxoa pake Haeu hapoheawen o.

2 Timoti 4:19

Amuam tetak haniwa Prisila, Akila ma Onesiporus hetekie hatesol seilon ti lohe ingan.

Pilemon 1:20

Tel ukalak, aile ape nga kamei eliel o, hamuamuawa nga ti ailean nake ati kalu kahikahi Krais.

Pilemon 1:7

Tel ukalak, wawahen tetam hamuamua hawane nga ma i hakui nga nake o hewi hawane tiai teka seilon ti Haeu.

Hibru 10:34

Amuto hina tatahan ti teka laha kakalabus. Amuto xuhai amuam, kalak seilon tua waxi soxiamuto. Amuto tioi ka hina waliko pamu tuah i atetengi amuto *tone Haeu, waliko tenen pamu soliaian, tap tahi lialuan.

Hibru 6:10

Haeu lawe i aile waliko sawisawin. I kum pax akulai soliai puasamuto ma wawahen ti amuto kola hahani i, hetekie huhual ti amuto hahani teka kahikahi Krais liai.