2 Tesalonika 3:1 - Seimat

¹ Tesol akikimite ti *Jises Krais, tapeini kakaiamite ie. Lotu hualima amite lehe amite kaxi sawateni aheke *meng solian ti Jises Krais ma waxi teka seilon hong usi tenen kakain ien hanowi ti amuto.

2 Tesalonika 3:1 ပူးပေါင်းရင်းမြစ်များ

Matiu 9:38

Kameiwa Haeu tel Tame kin lehe i talo palahi seilon ti apuhiniai an ti i apeasawen.”

Luk Meng solian ti Jises tataiai Luk 10:2

I kakane lato, “Kilan seilon laha xohixohin ti lehe laha sohot kahikahik. Laha masin kilai an ti he kin i apeasawen. Tuahe seilon ti apuhiniai an, teka ti neinialaha hani Haeu, laha pate palai. Kameiwa Haeu lehe i talo palahi seilon ti neiniai seilon liai lehe laha sohot kahikahik.

Aposel 12:24

Teka kahikahi Jises sawateni tutuen *meng solian ti Jises ape kilan seilon laha hong soh kakaialato.

Aposel 19:20

Aile ape ti kui pohe Haeu, meng solian ti Jises sawat hani kilan seilon.

Aposel 6:7

Ape *meng solian ti Jises i sawat tatale. Mongohe kahikahi Jises leili Jerusalem kila kosea hawane. Lokon ien kilan teka *masiwi ti hukuminiai Haeu ma seilon laha sohot kahikahi Jises.

Rom Teik pasi Pol hani teka kahikahi Jises Krais ti Rom 15:30

Ati kako pakata hehetekie hani kapi Jises Krais tel Masiwi ti kako ma kako hina wawahen ti hahaniai Holi Spirit. Aile ape nga kamei hawane amuto lehe amuto eliel lotu sekuiak ti ailei pupuase Haeu.

1 Korin 16:9

Kalak kilan seilon ie pahoxai nga, Haeu hei hawanewen aweisaluk ti kaxiai *meng solian tetan hani teka seilon. I aile ka pupuasak kau hawane anan, aile ape nga namiloi nga tilimuen ie.

2 Korin 1:11

Tuahe tin pahak amuto lotu hualima amite. Na Haeu hongeni lotu ti amuto ape ti lalape soliaian i to awawai amite, kilan seilon laha kak kemulik hani i.

2 Korin 13:11

Teka akikik ti Krais, nga tili kakaiak ukek. Lawe amuto amuamua ma he sekusekua. Hongoa nauna tetak ape hasoliawa woumuto. Namilomuto kewa tenenawe ma he wawahen hawanewa wasolamuto. Na amuto aile ukek ien, Haeu lawe kapimuto ti hualiamuto. I tetel i hatona hahasolia tiai seilon ma kola hahawane saun ti wawahen.

Kolosi 4:3

Ape tin lotu hualima amite lehe Haeu neini hani amite aweisal ti kaxi ahutiai puase *Krais hani teka seilon. Ti imat Haeu tai haxewa hatapo hani laha. Ape nga kakalabusake ti kaxi ahutiai tenen meng ien.

1 Tesalonika 1:5

Amite tioi nake ti amite kaxi ahuti hani amuto meng solian ti Jises, kumahe tuahe kakaiamite. Amite kaxi hehetekie kui pohe *Holi Spirit ti i pupuas wasolakako ape amuto soh hawane. Tin amuto tioi ka ti amite toto kapimuto, lawe amite huali hasolia amuto.

1 Tesalonika 1:8

Kumahe mewenae teka seilon ti Masedonia ma Akaia hongoen amuto kaxi ahuhuti meng solian ti Jises Krais. Seilon ti tesol tesol laha hongoen xoxoi namilomuto ti Haeu, aile ape amite kum kaxi aheke.

1 Tesalonika 2:1

Tesol akikimite ti *Krais, puki amuto tioi ka tehu totonamite kapimuto i kum tua xoina.

1 Tesalonika 2:13

Tin amite kak kemulik tutuen hani Haeu nake ti amuto hongoa menge Haeu ti amite kakaxi, amuto hong waxi ka salan kakai Haeu kumahe tuahe ti seilon. A i se salan wanen kakai Haeu. I pupuas leilomuto teka amuto soh ti Jises Krais.

1 Tesalonika 4:1

Tesol akikimite ti *Krais, ti amite kapimuto amite hanauen amuto saun tenen amuto usiwa lehe i hamuamua Haeu. Ape salan, amuto aile usi. Aope amite kamei eliel amuto hahitake axe *Jises tel Masiwi ti hapono ahekei tenen saun ien.

1 Tesalonika 5:17

Lawe lotu haniwa Haeu.

1 Tesalonika 5:25

Tesol akikimite ti Krais, tin amuto lotu hualima amite.

2 Timoti 2:9

Nake ti nga kaxi tenen meng solian ien, nga kau kawatan hetekie laha xioti kongini nga ani sen hanowi seilon tenen woun lialun. Tuahe tap tel kongini uke kaxiai kakai Haeu.