2 Pita 2:13 - Seimat

¹³ Haeu axi laha kawatan nake puasalaha i aile halialu seilon liai. Laha amuke saun ti tua to angiang ma unuun ngain hatehu. Lawe laha aile ukek ien ti laha ang akati amuto ape tenen saun ien i halialu paxaiamuto ma teheni axamuto.

2 Pita 2:13 ပူးပေါင်းရင်းမြစ်များ

Rom Teik pasi Pol hani teka kahikahi Jises Krais ti Rom 13:13

Lawe kako ailewa waliko tenen i alune ti kako aile hanowi ka kako leili xewan. Kako kum hukuma he akakat ti apuhain tenen lialun ma un taxitaxia. Kako kum ailele sikisiki tenen tenen ti lialun. Kako kum aile hahatano wasol ma kum namiloi hahalialu seilon liai na laha xoini kako.

Epesus 5:27

Pahan teka kahikahin paxaialaha soliaian tel hehin na i sal, tap teik wikiwikin ma lolo, tinun tanenan solian wanen. Pahan laha hani hatapoa i tupualaha ape tap tel i pon tienialaha ti tenen na waliko.

Pilipai 3:19

Pahalaha mewenae hamuamui tupualaha. Laha sameni aliake laha ti ailei waliko tenen ala laha hienake. Namilolaha mewenae toi waliko ti tehu pon ie. Laha pake kane tesol ti kaui kawatan tap tahi tapoan. Tetesol ien Haeu aile halialu tamusuke laha.

2 Timoti 4:14

Aleksanda tel i hapuasa samen tanomiai waliko, i aile halialu hawane nga. Pake Haeu kahui aliake hani i.

Jeims 5:5

Totonalaha ti tehu pon ie xuhai waliko tenen tenen tuahe ti hamuamuaialaha. Masin pou ang haxuxu i, a i kum tioi ka imuh seilon telei i, tin masin laha apuhini hakila soxi a laha kum paxai tioi ka imuh Haeu axi laha kawatan.

1 Pita 4:4

Laha nam tataxini ti amuto kum tuai laha ailei tesol waliko lialun ien ape laha kak halialu amuto.

2 Pita 2:15

Teka seilon ien selewen ti aweisali Haeu ape laha usiusi aweisali *Balam, tel nati Beo, tetel pate halepean ti moni. Sikole i aile saun lialun ti ukean.

Hahatakei Haeu 18:6

Haeu, o aliake haniwa lato masin ti lato aile haniwen teka seilon liai. Haniwa lato kawatan uke he huohu ti waliko lialun lato aile haniwen laha. Haniwa lato an wakin tenen poxan i xoini ti lato haniwen seilon liai.