2 Korin 4:16 - Seimat

¹⁶ Aile ape tap wanen amite po aile lioi. Kalak kui tupuamite tapo ahuahua, tuahe leilomite, Haeu to hakui kakapitini.

2 Korin 4:16 ပူးပေါင်းရင်းမြစ်များ

Luk Meng solian ti Jises tataiai Luk 11:3

Axima amite an tapai ti ngain tehu tehu.

Rom Teik pasi Pol hani teka kahikahi Jises Krais ti Rom 12:2

Kum aile usiusi saun ti teka seilon laha kum tioi Haeu. Hani lioiwa *Holi Spirit kapiti namilomuto lehe i towiahu amuto hani seilon haun usiai Haeu. Aweisal tenen ien amuto tioi aluini waliko ti Haeu pahan amuto ailewa. Amuto paxai tioi waliko tenen ewi, waliko tenen Haeu amuke ma amuto pon usi hapoponowiai namilon.

Rom Teik pasi Pol hani teka kahikahi Jises Krais ti Rom 7:22

Ti leili atekaha, kaha waheni hawane nauna ti Haeu.

1 Korin 15:58

Tesol soliai akikik ti Krais, tu xox hawanewa. Kum hahani tenen na waliko kapiti hakalala amuto. Lawe hani hatapoa tupuamuto ailei puase Haeu tel Masiwi. Ala amuto tioi ka puasain lalap ti amuto ailele ti axe Haeu tel Masiwi i kum tua xoina.

2 Korin 12:15

Aile ape masin tel soliai tame akaik, nga haeliel hawane aile hatapoi tenen tenen ti hualiamuto. Nga hani hetekie tataen puki tupuak. Ape nga to waheni ahehekewa amuto. Kaie wawahen ti amuto hani nga to tae aheahelih?

2 Korin 4:1

Ti puki ewiai Haeu i hani amite ailei tenen puasain tuah ti hanaui seilon *meng solian ti Jises Krais. Aile ape amite kum nohoha wanen.

Epesus 3:16

Kilan waliko solian ti Haeu haniai teka seilon tetan. Aile ape nga kamei i lehe Holi Spirit hakui leilomuto ti kui pohen.

Epesus 4:23

Amuto haniwa Holy Spirit towiahu namilomuto ma tiamuto.

Kolosi 3:10

Aope ie amuto seilon ti ailei saun solian nake namilomuto xoxoan ti Krais. Haeu aile amuto sohot seilon haun ti usian ape i huali tatale amuto lehe titioamuto tetan lap ahe ma amuto sohot seilon ti usiai woun.

Taitus 3:5

I awai kako ti kawatan ti lialui woukako kumahe nake kako aile saun sawisawin tuahe nake i tahane kako. I haniwen kako *Holi Spirit ti nuhi hauniai leilokako lehe kako lioi saun lialun. Aile ape aope ie kako seilon haun, kako sohotuen seilon ti Haeu.

1 Pita 3:4

Soliaiamuto wanen i ahuma ti soliai woumuto. Haeu namiloi ukek amuto hehin tuah na amuto aile aluini teka seilon liai ma teheni aliake amuto ti usiai namilon. Tenen saun ien se soliaiamuto wanen ti tap tahi lialuan.

1 Pita 4:14

Na teka seilon kak halialu amuto nake amuto kahikahi Krais, amuamua nake Spirit ti Haeu kapimuto. I tel pate tuah.