2 Korin 1:9 - Seimat

⁹ Salan tetan amite sokok uke amite mat nake i hakawata hawane tiamite. Tenen ien i sohot lehe amite kum hana namilomite hani puki kuimite, tuahe hani Haeu, tetel i xahateni aliake seilon maten.

2 Korin 1:9 ပူးပေါင်းရင်းမြစ်များ

Luk Meng solian ti Jises tataiai Luk 18:9

Leili teka seilon laha hongohong Jises, teka ti laha namiloi ukek ka laha seilon sawisawin nake ti saun ti laha ailele. Laha namiloi ukek ka laha pamu ewian ti teka liai ape laha teheni seilon liai. Aile ape Jises kaxi hani laha tenen meng ie.

Rom Teik pasi Pol hani teka kahikahi Jises Krais ti Rom 8:36

Waliko ien masin ti leili pepai Haeu tel masiwi *David kaakane i ukek, “Nake amite seilon tetam, lawe ngain amite moxemoxe matein. Tap seilon aile nanamiloi amite, hanowi *sipsip ti na laha telei.” (Ps 44:22)

2 Korin 1:10

Haeu awaiwen amite ti kawatan tenen ti matemate ape amite soh hawane ka lawe i awai kapitini amite.

2 Korin 1:8

Tesol akikik ti Krais, pahak amuto tioiwa kawatan lalap ti i tunahi amite leili texux xux Asia. Kawatan tenen pate lialun i akulai kuimite ti kauan. Pate i he pexipex kasia ape amite sokok ka i xoiniwen amite.

2 Korin 3:5

Kumahe ti puki kuimite amite pon ailei puase Haeu. Kumahe amite ukek ka waliko ti amite ailele se puki hahasohotuamite. Haeu tel hahakui amite ti ailei puasan.

2 Korin 4:7

Meng solian tetan se waliko tenen pate tuah a amite teka kaxian masin waliko tenen wakiakin, na i put i manan. Lehe ti tenen ien seilon paxai tioi ka pupuasamite kumahe ti puki kuimite, amite ailele ti pohe Haeu.

Hibru 11:19

Abraham tioi ka Haeu pon hamoihai teka maten. I namiloi ukek na Haeu pahan, i hamoiha aliake Aisak. Lokon ti Haeu hakongu i ti teleiai Aisak, masin ka Abraham waxi aliake i ti matean.