1 Timoti 5:6 - Seimat

⁶ Tuahe teteka hehin axoalaha matewen a laha tua nam waxi hamuamuaialaha, laha masin seilon maten, laha kum hani *Holi Spirit ti kapitialaha.

1 Timoti 5:6 ပူးပေါင်းရင်းမြစ်များ

Matiu 8:22

Tuahe Jises pahoi i ukek, “O kahitima nga. Teka seilon kumahe ti Haeu laha masin seilon maten. Tiliwen teka ien tihiniai teka maten.”

Luk Meng solian ti Jises tataiai Luk 12:19

Nga apuhini hapono hawane lehe i pon ti ahang kilan. Ape nga kum puas. Nga tua ang, un ma to amuam.’

Luk Meng solian ti Jises tataiai Luk 15:13

“Tai kue, tel komuh apeseni hatesol soxian ape i ku hani texux xux xauxaun. Ti ien i tua hapuasa xoini hatapo moniun.

Luk Meng solian ti Jises tataiai Luk 15:24

Amuam akatima nga nake tel natuk ie, i masin tel seilon i matewen ape i moih alia. I masin tel seilon i kalutawen ape nga tunahi aliake.’ Ape lato hutui tehu angiain lalap.

Luk Meng solian ti Jises tataiai Luk 15:32

Tuahe ewi wanen kako amuam tetelao nake tel ukalam i masin tel seilon i matewen ape i moih alia. Masin ka i kalutawen ape nga tunahi aliake.’ ”

Luk Meng solian ti Jises tataiai Luk 16:19

Jises hahanau tutuen laha ape i kaxi tenen meng i ukek, “Tel seilon tenen kilan soxi, soson mewenae solian. Husele kilai waliko tetan ape i ang amuam kapi teka lawan tapai ngain.

Luk Meng solian ti Jises tataiai Luk 7:25

Amuto sokok ka amuto ningahi aita? Tel seilon tenen soson pate solian? Kumahe, seilon kum sosoi maia solian he lohong.

Epesus 2:1

Teka kahikahi *Jises Krais ti Epesus, ti imat amuto masin seilon tenen maten nake amuto kum hani *Holi Spirit kapiti amuto. Amuto tahi kakai Haeu ma aile hakila saun lialun.

Epesus 2:5

Aile ape ti kako tutuen hahitake saun lialun, Haeu aile kako sohot seilon haun ti usian. Ti lalape soliaian i awai kako ti kawatan ti lialui woukako kumahe nake ti soliai puasakako.

Epesus 5:14

Aile ape ti he xewan lawe waliko i sohot kouke. Masin ti leili pepai Haeu i ukek, “Haiwa, teka masin ka amuto mamatih. Xahatawa, teka masin ka amuto maten ti woumuto lehe Krais i kapiti amuto ti he xewan.”

Kolosi 2:13

Kemuk amuto hahitake saun lialun. Amuto masin teka maten nake amuto kum hani *Holi Spirit neini amuto. Tuahe Haeu hamoiha aliake amuto nake ti waliko ti Jises Krais aile haniwen amuto. Ape i oxoxi kako ti kawatan ti lialui woukako.

2 Timoti 3:6

Seilon tenen ien, laha nahih soh hani leili ing tehu tehu ape laha kapiti hasele teka hehin namilolato kumahe xoxoan ti Jises Krais. Teka hehin ien lato nam hienake kilai saun lialun ti lato ailewen ma tin lato tua hongeni isialato.

Jeims 5:5

Totonalaha ti tehu pon ie xuhai waliko tenen tenen tuahe ti hamuamuaialaha. Masin pou ang haxuxu i, a i kum tioi ka imuh seilon telei i, tin masin laha apuhini hakila soxi a laha kum paxai tioi ka imuh Haeu axi laha kawatan.

Hahatakei Haeu 18:7

Axiwa lato moloan lalap ma aile hatahaneawa lato lapan masin wanen ti lato sameni aliake lato ma amumuke soliai totonalato. Lato hanasanas ukek ka lato to masiwi ma tatahan kum tunahi lato hanowi teka seilon axoalaha matewen.

Hahatakei Haeu 3:1

Imuh tel masiwi kakane nga ukek, “Tai haniwa tel *engel ngahatiai teka kahikahik ti Sadis kewak. Ie se kakai tetel i akekeni tesol tepanim huohu kohot ma i xuhai *Holi Spirit. “Nga tioi waliko ti amuto ailele. Seilon sokok namilomuto xoxoan tetak tuahe salan wanen, xoxoi namilomuto tetak i tapoen.