1 Timoti 3:7 - Seimat

⁷ Tel masiwi ti teka kahikahi Krais ailewa saun solian lehe teka seilon laha kum soh ti *Krais laha kak sameni i. I kewa tap woun lialun lehe tap seilon misahi i ape i kum put hani totohong ti Satan.

1 Timoti 3:7 ပူးပေါင်းရင်းမြစ်များ

Mak Meng solian ti Jises tataiai Mak 4:11

I kakane lato ukek, “Pahak nga kaxi haxewa hani amuto waliko tenen amuto kum xeu sale nenein ti Haeu, tuahe teka laha kum soh ti Haeu, nga hapuasa meng ti nga hahanau laha ape laha kum hong tioi aluini.

Aposel 10:22

Ape lato ukek, “Konilius tel masiwi ti hile ti Rom taloma amite. I seilon tenen sawisawin, lawe i lolotui Haeu. Teka Ju sameni ka i seilon tenen solian. Tel engel ti Haeu kakane i ka ilowiwa o haniwa leili ingan lehe i hong tenen na o kak.”

Aposel 22:12

Ti leili tehu taon ien, tel seilon axan Ananaias. I tel seilon ti usi hawanei *nauna ti Moses ma hatesol teka Ju leili Damaskas laha sameni i.

Aposel 6:3

Amuto kilamiwa tepanim hua seilon ti leilomuto, tetesol *Holi Spirit kakapiti lato ma namilolato xewan. Amite hani lato akeniai teik puasain ti seiai waliko ti huhual.

1 Korin 10:32

Kanipetiwa sale nanahiamuto lehe amuto kum tiehi teka *Ju, *teka kumahe Ju ma na teka kahikahi Krais ti pakatai kapin.

1 Korin 5:12

Kumahe pupuasakako paxai kolongeni hasawiai woi teka seilon melal ti teka kahikahi Krais. Pupuasamuto nau hasawiai teka kahikahi Krais tuaumuto.

2 Korin 6:3

Amite tesol *aposel amite haeliel hawane lehe nanahiamite i kum hahataxina seilon ti haxoxoi namilolaha hani *Jises Krais ma tap tel pon kak teheniai pupuasamite ti Haeu.

2 Korin 8:21

Kumahe amite haeliel ailei waliko sawisawin mewenae ti puli Jises tel Masiwi tuahe hetekie ti puli seilon.

Kolosi 4:5

Na amuto kapi teka laha kum soh ti *Jises Krais, lawe hapuasa aluiniwa teik taun ien ti hualialaha.

1 Tesalonika 4:12

Na amuto aile ukek ien, teka laha kum soh ti Krais laha paxai waheni saun ti amuto ape laha hong amuto. Na amuto puas ti ngahati aliakeamuto, amuto kum hakawata seilon liai.

1 Tesalonika 5:22

Saliniwa ailei hatesol waliko tenen lialun.

1 Timoti 3:6

Kewa i kumahe seilon ti i sosohotua kahikahi Krais pala aope uke i sameni aliake i ka i sohot kosea masiwi. Na i aile ukek ien, Haeu axi i kawatan tenen ti i hanimu *Satan.

1 Timoti 5:14

Nauna tetak hani tesol hehin ien ukek, laha sal uleawa ma auni hasoliawa axoalaha ma natulaha lehe teka seilon watakaialaha kum howini halialu laha.

1 Timoti 6:9

Teka pate pahalaha isian lehe laha kilan soxi, isian ti laha i aleheteni laha ape laha put ti ailei waliko tenen lialun. Tesol isialaha ien aile halialu laha ape laha lialu tautamus masin na tea waian i taxix itax leili laman lalap.

2 Timoti 2:26

Laha aile waliko ti *Satan pahan laha ailewa nake i kapiti toheni namilolaha. Tuahe pake uke Haeu huali laha ti paxai tioiai lialun ti laha ailele ape laha oxoxa uke ti nenein ti Satan.

Taitus 2:5

Tin laha pon hanaualato sale tahiai isialato ti ailei saun lialun lehe lato aile hawane saun solian wanen. Na i sohot ukek, teka hehin uluha soli hawane ti ngahatiai tonalato, lato hong usi kakai axoalato ma aile hasolia hani seilon liai. Na lato puas usi hatapo tesol nauna ie, tap tel seilon i pon kak teheniai kakai Haeu.

Taitus 2:8

Lawe hapuasawa kakain salan lehe laha kum howini halialu kakaiam. Na o aile ukek ien, teka laha hil wawatakai puasakako laha tahunos nake laha kum pon tunahiai lialun ti kako teka kahikahi Jises.

3 Jon 1:12

Masin Demetrius, tetel teka kahikahi Krais kak sasameni nake i aile usiusi kakain salan ti Haeu. Nga tin nga ukek i seilon sawisawin ape o tioi lawe nga kakaxi kakain salan.