1 Tesalonika 4:9 - Seimat

⁹ Amite kum tai kakane amuto sale wawahen ti kako teka kahikahi Krais nake puki Haeu hanauen amuto lehe amuto aile kola saun ti wawahen wasolamuto.

1 Tesalonika 4:9 ပူးပေါင်းရင်းမြစ်များ

Matiu 22:39

Tenen nauna usian i masin, ‘Waheniwa seilon liai hanowi ti amuto waheni aliake puki amuto.’ (Lev 19:18)

Jon Meng solian ti Jises tataiai Jon 14:26

Tuahe Holi Spirit tel hakuiamuto, tetel tel Tamak taloma ti hahitake axak, i hanau amuto lawe waliko ma i hanamena amuto hatesol waliko ti nga kaxi haniwen amuto.

Aposel 4:32

Hatesol kahikahi Jises namilolato teikawe. Tap tel na i ukek teik na soxian mewenae tetan, lawe waliko na lato hina lato sei.

Rom Teik pasi Pol hani teka kahikahi Jises Krais ti Rom 12:10

Amuto pakata hetekiewen hahitake Krais. Amuto he wawahen hawanewa ma lawe kolawa lomuto haniwa tel tel.

2 Korin 9:1

Ala i kum tapai nga hanamena tuhi amuto sale tenen huhual ti haniai teka seilon ti Haeu leili Judia.

Pilipai 3:15

Kako teteka *kahikahi Jises wanen, kako hana hatapoa namilokako ti usiai waliko ti nga kakak. Na teka ti amuto laha namiloi watakai kakaiak, pake Haeu haxewa namilolaha.

1 Tesalonika 5:1

Tesol akikimite ti *Krais, amite kum tai kakane aheke amuto sale aliai *Jises Krais.

Hibru 10:16

“Haeu tel Masiwi ukek, ‘Imuh nga xinoti tenen namil haun kapi teka seilon tetak. Nga aile tesol nauna tetak i sohot tone atelato wanen. Nga hana kongini nauna tetak leili namilolato.’ ” (Jer 31:33)

Hibru 13:1

Amuto he wawahen tatalewa ti leili atemuto hanowiwa ti *Krais.

1 Pita 3:8

Tiliai nauna tetak, amuto hatesol kewa namilomuto teikawe, kolawa tatahan hani tel tel, he wawahenawa ti atemuto wanen ma namiloi kewak seilon liai pate tuah.

1 Pita 4:8

Amuto he wawahenawa ti atemuto wanen. Saun tenen ien pate tuah. Na amuto waheni seilon liai amuto pon oxoxialaha ti kawatan ti waliko lialun laha aile hani amuto.

2 Pita 1:7

Aile hasolia haniwa tel tel ti amuto ma kolawa saun ti wawahen haniwa lawe seilon.

1 Jon 2:10

Tel na i waheni seilon liai, i hamalum leili xewai nenein ti Haeu, i tap namil ti kapiti halialuan ailei saun lialun.

1 Jon 3:11

Lokon ti uli kako sohotua *kahikahi Jises Krais, kako hongoen kakai Haeu sale wawahen. I ukek kako he wawahenawa.

1 Jon 3:23

Nauna ti Haeu ukek, haxoxoa namilomuto ti tel Natun Jises Krais ma he wawahenawa masin ti i honewen amuto.

1 Jon 4:21

Puki Haeu nauen kako ka tin waheniwa seilon liai, kumahe mewenae i.