1 Tesalonika 2:18 - Seimat

¹⁸ Ape pahamite wanen amite alia hani kapimuto. Puki nga Pol, nga tohongi hakilawen lehe nga alia hani kapimuto tuahe puase *Satan titiehi nga.

1 Tesalonika 2:18 ပူးပေါင်းရင်းမြစ်များ

Matiu 4:10

Jises kak pahoi i, “Nahih xaxaua Satan! Teik pepai Haeu i kak ukek, “ ‘Lotuiwa mewenae Haeu tel Masiwi ma ailewa mewenae puasan.’ ” (Deut 6:13)

Rom Teik pasi Pol hani teka kahikahi Jises Krais ti Rom 1:13

Teka akikik ti *Krais, pahak amuto tioi kewak, nga tohongi hakilawen lehe nga lua paxai amuto tuahe hina waliko lawe i kongini nga hanima tataen. Sohotuak hani kapimuto lehe pupuasak wasolamuto i kau anan masin ti i sohotuen leili teka kumahe Ju liai ti nga kapi laha.

Rom Teik pasi Pol hani teka kahikahi Jises Krais ti Rom 15:22

Se puasain ien hahatalia nga ti sohot paxaiamuto.

1 Korin 16:21

Puki minak wanen nga Pol tai amuam tetak haniwa amuto.

Pilipai 4:16

Ape ti nga tutuen Tesalonika, imat ti nga lua salili Masedonia, kumahe tehue huhual amuto hakau hanima nga.

Kolosi 4:18

Tiliai teik pasuk puki tataiak nga Pol. Nameniwa nga tel nga kalabusake ailei puase Krais. Nga lotu kamei Haeu lehe i aile hasolia hawane hani amuto.

2 Tesalonika 3:17

Nga Pol tatai ti puki minak wanen, amuam tetak haniwa amuto. Meinak ti taiai pas se masin ie.

Pilemon 1:9

Tuahe pahak nga kamei eliel o nake ti soliai lohuloh ti kalu ma wawahen ti kalu hani seilon liai. Hongoa kamekame tetak nga Pol, tel salaimat. Aope ie nga leili kalabus nake ti ailei puase Jises Krais.

Hahatakei Haeu 2:10

Kum maamata tesol kawatan lehe ape i tunahi amuto. Hongoa! Satan hanamiloa teka seilon ti kalabusiamuto ti tohongiai xoxoi namilomuto tetak. Amuto kau kawatan ien ti teik taun kukunun. Amuto tu xox tatalewa tetak kalak na laha telei amuto. Ape nga hani kahumuto tonain tuah kapi Haeu ti tap tahi tapoan.