1 Korin 5:7 - Seimat

⁷ Masin ti teka *Ju xaxaweni hatapo ist ti leili ingalaha imat ti *Pasova, lioi xaxaweni hatapoa saun lialun ti leilomuto lehe waxi amuto sohot seilon haun ti usiai Krais nake amuto seilon ti Haeu. Nameniwa ka Krais mat ti oxoxiakako ti kawatan ti lialui woukako masin ti teka Ju telei *sipsip wawan uluha taun ti Pasova ti kahuiai lialui woulaha.

1 Korin 5:7 ပူးပေါင်းရင်းမြစ်များ

Matiu 13:33

Jises kaxi ulea tenen, “Aweisal ti Haeu neini seilon tin masin ie. Tel hehin i waxi teik kokole ist ape i talini hani he palawa. Kalak teik ist kokol, i haxiwa palawa hatehu.”

Mak Meng solian ti Jises tataiai Mak 14:12

Ngain tehu hutuiai angiain lalap ti laha telei sipsip wawan uluha, tesol kahikahi Jises kamei i, “Paham amite apeseni tonain ti tehu angiain lalap hani ia?”

Jon Meng solian ti Jises tataiai Jon 1:29

Ngain liai telao Jon ningahi Jises nahih hahanima kapin ape i ukek, “Ie se tetel Haeu taloma lehe i mat hanowi sipsip uluha ti laha telei hani Haeu. I aile ape Haeu oxoxi seilon ti kawatan ti lialui woulaha.

Jon Meng solian ti Jises tataiai Jon 1:36

Ti Jises nahih tatamusua, Jon pax sawi hani i ape i ukek, “Paxaiwa, ie tetel Haeu taloma lehe i mat hanowi sipsip uluha ti laha telei hani Haeu.”

Jon Meng solian ti Jises tataiai Jon 19:14

Waliko ien i sohot ti tehu ngain ti apesenialaha ti *Pasova. Ti sai lape ngain, Pailat kakane teka seilon, “Tel masiwi tapein ti amuto ie!”

Rom Teik pasi Pol hani teka kahikahi Jises Krais ti Rom 3:25

Haeu talo Jises Krais mat ukei kawatan ti lialui woukaha lehe ape i hatapo lengean. Kaha kum uke kawatan ti saun lialun na kaha soh hawane ka Jises mat ti ukei totonakaha. Haeu aile ukek ien lehe waxi i kola ka waliko ti i ailele se sawisawin. Imat ti tahiai *Krais, i kum kahui aliake lialui woi teka seilon, i tani waxi kapitini laha.

1 Korin 10:17

Ti kako hatesol ani sei bret teikawe, i kola xoxoi pakataiakako hahitake Krais. Kalak kako kilan, kako sohot hanowi seilon tel.

1 Korin 5:13

Masin ti leili pepai Haeu i ukek, “Seilon ti laha to ailele saun tenen pate lialun, amuto xaxaweniwa laha leilomuto.” (Deut 17:7) Haeu tetel nam paxaiai waliko tetenen na i aile hani teka laha kum soh tetan.

Epesus 4:22

Laha honewen amuto lioi xaxaweniai woumuto ti imat, saun tetenen ti imat amuto to ailele ti lialui isiai pahamuto. Saun tenen ien i hasele amuto ti usiai Haeu.

Hahatakei Haeu 5:12

Laha pak ausisini ukek, “Tok sipsip uluha ie se totok laha teleimu. I tapai hawane kako sameni lalape pohen, anesoan ma kuin. I pono wanen ti lawe waliko. Kako haxawawa axan.”