1 Korin 3:10 - Seimat

¹⁰ Nga kaxi hani amuto meng solian ti Jises Krais ape amuto soh. Se masin ti tel i hahana teke tuhi kuku ti i atatai tehu ing. Ti *lalape soliai Haeu i hapohea nga ailei tenen puasain ien. Teka liai laha hanau aheke amuto masin teka laha hatuhi ing patul he tesol tuhi kuku ien. Ti laha hatuhi laha kanipeti hawane sale hatuhian. Tin masin teka unaui Haeu tin laha kanipeti hawanewa sale hanauamuto.

1 Korin 3:10 ပူးပေါင်းရင်းမြစ်များ

Matiu 24:45

Jises kak tatale ukek, “Amuto hanowiwa tel unaui tel tame tehu ing, lawe i aile aluini puasan. Tel tame tehu ing hani tel unauan ngahatiai teka unauan liai ma axiai analaha ti taun ti angiain.

Matiu 7:24

“Na amuto hong kakaiak ape puas usi, amuto masin seilon tenen hina namilon. I atai tehu ingan he hepekeun ailan.

Luk Meng solian ti Jises tataiai Luk 11:35

Amuto eliel kewak waliko ti amuto namiloi sale Haeu se salan, uke namilomuto leili lalape tilokoan.

Luk Meng solian ti Jises tataiai Luk 21:8

Jises hone lato ukek, “Lepetawa uke teka seilon puluti amuto. Imuh kilan seilon putini ka laha luama hahitake axak ape laha ukek laha *Krais. Laha ukek ka taun ti Haeu neini hatesol seilon i tahiawen. Amuto kum soh usiusi laha.

Aposel 18:27

Imuh Apolos namiloi na i lua hani texux xux Akaia. Teka kahikahi Jises ti Epesus lato kak haxoxo i ape lato tai teik kakain hani teka kahikahi Jises ti Akaia kameialato ti waxi aunian. Ti Apolos tahia haniwa Akaia, huhual lalap i hani teka seilon laha soh ti Jises nake ti *lalape soliai Haeu.

Rom Teik pasi Pol hani teka kahikahi Jises Krais ti Rom 1:5

Ti lalape soliaian i kilami nga *aposel nake pahan kilan seilon haxawai axan. Haeu talo nga hani *teka kumahe Ju lehe laha hong soh meng solian ti Jises Krais ma usi nauna tetan.

Rom Teik pasi Pol hani teka kahikahi Jises Krais ti Rom 12:3

Ti lalape soliai Haeu i aile nga tel *aposel ape nga kaakane amuto hatesol ukek. Kum haneke kakasini amuto, hapuasawa patumuto namiloi aliakeamuto. Paxai kolongeni aliakewa amuto haniwa kuimuto ti Haeu haniwen amuto. I hani amuto nake namilomuto xoxoan tetan.

Rom Teik pasi Pol hani teka kahikahi Jises Krais ti Rom 15:15

Kalak masin ien, leili teik pas ie kakaiak pala ahian sale waliko hina ti hanamenaiamuto.

Rom Teik pasi Pol hani teka kahikahi Jises Krais ti Rom 15:20

Lawe nga eliliel kaxiai meng solian ti Jises Krais hani teteka seilon laha tai hongohong. Kumahe pahak nga tua puas kului puasain ti teka liai hutuiwen masin tel seilon i tua atai hahuna tehu ing ti huhutuiai tel liai.

1 Korin 3:11

Sale ataiai ing, teke tuhi kuku hanaian tekewe. Tin masin amite tesol aposel kakaxi meng tenenawe hani teka seilon. Tenen meng ien se ti Jises Krais. Tap tenen meng liai i haxoxo tutuhamuto ti waliko tenen salan ti Haeu.

1 Korin 9:2

Kalak na teka liai kum paxai ukek nga tel aposel, ala amuto paxai tioi nga. Puki nanahiamuto ma pupuasamuto i kola hawane ka nga tel aposel ti Jises Krais.

2 Korin 10:15

Tin amite kum ukeke ax lalap ti puase seilon liai. Ti namilomuto hani Haeu to xox tatalele, pon amite mon ka lomuto hani amite i lap ahe onoteni hawane pupuasamite wasolamuto.

Epesus 2:20

Kako teka kahikahi Jises Krais, kako masin tehu ing hahatuhiai teka *aposel ma *teka kuluiai kakai Haeu. Tehu kuku pate tuah se puki alia Jises Krais.

Kolosi 1:29

Nga puas eliel hahawane ti ailei tenen puasain ien hetekie pohe Krais i pupuas leilok.

Kolosi 4:17

Honewa Akipus aile tinami hatapoa tenen puasain tel Masiwi Haeu haniwen i.

1 Tesalonika 3:2

Ape amite hakaua Timoti ukei totonamite. I tel akikimite ti *Krais, i pupuas ti Haeu sawateniai *meng solian ti Krais. Amite taloa i ti hakuiamuto ma haxoxoi namilomuto ti *Jises Krais.

1 Timoti 4:16

Kanipetiwa nanahiam ma lawe pupuasam. Hanaua mewenae waliko tenen salan. Kum lilioi kakai Haeu lehe i awai o ma teka laha hong usi kakaiam ti kaui kawatan ti lialui woumuto.

2 Timoti 2:15

Eliel hawanewa hasoliai pupuasam lehe Haeu amuke. Hanau aluiniwa kakain tenen salan ti Jises Krais.

Jeims 3:1

Teka akikik ti *Krais, amuto tioi ka Haeu nam kolongeni woi teka hanaui seilon i xoini ti i nam kolongeni woi teka liai. Aile ape amuto kum soxosox teka ti hanaui seilon.

1 Pita 4:11

Na amuto hina anesoin ti ailei kakain solian, hapuasawa ti kaxi ahutiai kakai Haeu. Na amuto huali teka seilon liai, hani hatapoa kuimuto ti Haeu axiwen amuto lehe laha sameni i nake ti waliko *Jises Krais aile haniwen laha. Haeu i tetel tuah wanen ma pate poh lian tehue. *Salan wanen.

2 Pita 3:15

Nameniwa ka Haeu hatalia aliai Jises Krais nake pahan lawe seilon towiahumua ti saun lialun lehe waxi i awai laha ti kawatan ti lialui woulaha. Tin tuahe masin kakai Pol, tel soliai akikikako ti Krais, i kakanewen amuto hetekie anesoin ti i ahuma ti Haeu.

Hahatakei Haeu 21:14

Titieh ti tehu taon, laha atai patul he huopanim huohu pot lalap. Tehu tehu pot hina axe tel tel ti tesol *aposel ti tok sipsip uluha.

Hahatakei Haeu 21:19

Tesol huopanim huohu pot lalap tutuhi tehu titieh ti tehu taon, ti hasoliai tanome tehu tehu laha uke pot tuah tenen tenen. Axe tesol pot tuah ien se jaspa, sapaia, agate, emerald,